طيب هي شركة ايه و بتشتغل في ايه؟
طيب هي شركة ايه و بتشتغل في ايه؟
امضي علي قد البضاعه اللي بتتحرك بيها
ولو سايق عربيه بتمضي علي العربيه
ولو معاك سواق هو اللي بيمضي علي العربيه مش انت
مفيش الكلام ده يا محمد انا عندى صاحبى مدير تسويق و ماضى على الوصل ده عادى
وكان عاوزنى اشتغل معاه والشركه حتسلمنى عربيه وعملت مقابله مع مدير الفرع ووافق بس انا رفضت حوار الوصل ده وضاعت الشغلانه بسبب الحوار ده
لان مفيش حاجه اسمها امضى على اد البضاعه انت بتستلم بضاعه كل يوم وفيه تجار مش بيدفعو كاش يعنى سوق مفتوح وفلوس طالعه وفلوس داخله
وسألته افرض عملت حادثه بالعربيه وانا مش غلطان قاللى متخافش لو مش انت الغلطان مش حتشيل حاجه
بس طبعا الله اعلم وقت الجد ايه اللى بيحصل
مع العلم ان صاحبى ده لما حب يسيب الشركه رفضو يديوله الورق بتاعه والوصل الامانه عشان هما عاوزينه ومش عاوزينه يمشى وهو قالهم اخبطو دماغم فى الحيط وفى الاخر رجع بس بشروطه
يعنى الموضوع زى اللعب بالنار لازم يكون قلبك جامد والا ممكن تتحرق
أخويا إشتغل في شركة زيها
وطلبوا منه يمضي على كثير
تفاوض معاهم
وفي الآخر مضى لهم على 5000 جنيه
بالإضافة إلى
البضاعة اللي معاه يمضي عليها وصل إستلام بضاعة
ولما يسلمهم فلوسها يمضولوا على وصل إستلام ثمن بضاعة
وهكذا
متآمنش لحد
لأن الحرامية وولاد الحرام بيبانوا وقت الزنقة بس
لكن وقت الإتفاق الإبتسامة بتكون من الودن للودن
واحد تاني معرفة جارنا
كان ماضي على 100000 جنيه
لما إختلف معاهم قالوا له لو سبتنا هنسجنك بال 100000 جنيه
بعدهت مشي وسابهم
رفعوا عليه قضية بال 100 ألف وسجنوه
-
-
الحمد لله لم نتوفق انا عرضت عليهم اني امضي علي وصل ب 10000 جنية وهما رفضو ومصممين علي 100000 وكل شئ نصيب
هقلك يا صديقي
مندوب المبيعات يتعامل مع الارقام
وبصورة اوضح هتحصل فلوس
وهيبقا معاك فلوس بالألوفات
فعلشان الشركة تضمن حقها بتمضيك على ايصال امانة علشان لو حصل لا قدر الله وفكرت تخلع بالفلوس -وان كان دا مش ضامن اساسا-
لو الشركة شركة محترمة لما بتبلغهم برغبتك انك عايز تسيبهم بيدولك وصل الامانة ويمشوكما دمت سلمتهم الشغل على ما يجب ان يكون
طيب لو مرضيوش يمشوك؟!
هتقرفهم انت بقا
اولا هتلم فلوس وتحصلها ومش هتديهالهم
ثانيا هتمتنع عن العمل
فهيفصلوك او يوقفولك مرتبك !
بتقدم شكوى في مكتب العمل ضدهم انهم فصلوك فصل تعسفي
انا هديلك مثال بسيط لحاجة حصلت عندنا بس دا مش علشان اقلك انت هتطلع عينهم ازاي بس علشان افهمك ان وصل الامانة دا لا قيمة له أساسا
عندنا -في العزبي - بما اني شغال فيها
مندوب مبيعات نصب على الشركة في مليون جنيه
نلزل حصل مليون جنيه وموردهومش للشركة
الشركة قدمت وصل الامانة للقسم وعملوا ضده شكوى وفصلوه
قبل هما ما يعملوا كدة
كان رايح عامل شكوى في مكتب العمل انهم فصلوه فصل تعسفي وانه لا زال على رأس عمله ويقوم بمهامه الوظيفية
وبعدين طلع على القسم قدم فيهم شكوى وعمل محضر انهم مضوه على ايصال أمانه بالاكراه
ومن ثم رفع قضية تعويض على صاحب الشركة اللي هو العزبي نفسه
اللي حصل ان الشركة بقت تجري وراه علشان ياخد المليون جنيه اللي معاه ويدوله وصل الامانة كمان
فموضوع وصل الامانة مش مشكلة لو الشركة كويسة
انا مثلا ماضي على اني مستلم كافة مستحقاتي
وماضي على استقالة مقدما
وماضي على كل حاجة للشركة
بس علشان الشركة محترمة فانا مش قلقان خالص لأن الناس تعاملهم محترم جدا
وربنا يقدملك اللي فيه الخير اولا واخيرا
وخلي ايصال الامانة مثبت في عقد العمل وخليه مشروط بأنه لضمان الحقوق فقط وليس لاكراه في البقاء في الوظيفة
وربنا يكرمك
ورمضان كريم
شكرا لردك ياباشا وعلي العموم هما غالبا ناس محترمة والشركة كبيرة ومحترمة
بس احب اوضح لك الاتني ان الايصال بانني استلمت فلوس من فلان(اسم صاحب الشركة) علي ان اسلمها الي فلان(حما صاحب الشركة) الميزة هنا انه باسم صاحب الشركة اللي انا شغال فيها مش ناس غريبة فضلا اني بعمل ايداعات في حساب الشركة تعدي مبلغ ال 100000 اللي انا ماضيهم