هل يمكن للسادة ملاك الكورولا افادتنا اذا كان الموضوع ده يختلف عن الاتوماتيك العادى من واقع خبراتهم لانها ايضا ليست سريعة فى الاول والثانى من واقع تجربة؟؟؟؟
هل يمكن للسادة ملاك الكورولا افادتنا اذا كان الموضوع ده يختلف عن الاتوماتيك العادى من واقع خبراتهم لانها ايضا ليست سريعة فى الاول والثانى من واقع تجربة؟؟؟؟
انا النهاردة بعت نفس التقرير لموقع تويوتا جنوب افريقيا وتويوتا مصر ولسة مفيش حد رد عليا لغاية دلوقتي مشعارف لية علي الرغم اني لما بعت لتويوتا امريكا ردو علية في نفس اليوم بس هما قلولي لازم اخاطب تويوتا مصر لاني مواصفات الكرولا الامريكي بتختلف عن المصري ( دة حتي الموصفات الخليجي بتختلف عن المصري) والفرق واضح اهو طبعا
اكيد هقلوكم التطورات بس يا ريت حد من ملاك الكرولا يفدنا بردة عن الاداء
ابعت قولهم محدش رد عليا من مصر او ابعت لليابان و ان شاء الله تتحل مشكلتك انت دافع مبلغ و لازم يعطوك حققك
والله الواحد متردد جدا فى شراء هذه السيارة.
ولكن علينا ان نعلم ان التويوتا هى الان اكبر شركة لتصنيع السيارات فى العالم.
ونرجو من السادة ملاك الكورولا الكرام افادتنا بتقييمهم للسيارة خاصة الفتيس الجديد.
سبحان الله انا لسه شايف واحدة شكل جديد ع الاوتوستراد بتجري و غرز و كل حاجة..بس يمكن كانت مانيوال..
هو يمكن حكاية ان الفتيس الاوتوماتك مبني على اساس فتيس مانوال قصدهم ان الاصل في الفتيس ده انك تمشي عليه مانوال مود معظم الوقت و تستخدم الاوتو عند توفر ظروف قيادة مناسبة زي عدم و جود مطبات او زحام ..اصل بصراحة حكاية فتيس اتوماتك مبني على فتيس مانوال مش فاهمها و اول مرة اسمع بيها وياريت حد يوضحلنا اكتر مقصود بيها ايه..و اي عربية ستب ترونيك بيقولك ستب ترونيك و خلاص..
أنا لي صديق معاه نفس العربية و بيعاني من نفس المشكلة بالمللي حتى حكاية بعد المطب العربية مترضاش تنقل و الـ RPM يعلى لحد 4 و 4.5 و هي لسه على الأول و يضطر يحولها مانيوال و ينقل و بعدين يرجعها على الـ E تاني و فعلاً قالولوا في التوكيل إن الفتيس أساساً مانيوال ... أعتقد أنا فاكر إنه قالي إن فيها إسطوانة و ديسك عادي زي المانيوال بالظبط بس بيتنق من غير دبرياج بالكهربا .. حتى هوا كان بيشتكي إنه بيسمع صوت لما ينقل و سمعهولي فعلاً من جنب العجلة الأمامية في مكان هادئ و هو صوت شبه نقل المانيوال بالظبط لما تنقل عصاية الفتيس و التروس تعشق في بعض.
بس كون ده بقى طريقة سواقة و الناس لازم تتعود عل الفتيس الجديد أو في عيب عام محتاج نظرة من تويوتا جنوب أفريقيا أو اليابان، هوده ده السؤال دلوقتي!!!!
هو دة الي حاصل معايا بالضبط واعتقد الحكاية دي مايتسكتش عليها وانا ناوي اعمل مشكلة كبيرة في الصيانة القادمة إن شاء الله.
يا ريت حد تاني من السادة الملاك يدينا رأية, عاوزين بس نتأكد ان المشكلة عامة علي كل العربيات وبعد كدة اعتقد ممكن ناخد موقف واحد
بصراحه انا هقول كلام مش هيعجب محبى الكورولا الجديده
انا معايا الكورولا الجديده الفل اوبشن و انقلبت بى على طريق شرم الشيخ و انا ماشى بسرعة 140 كم
بصراحه اتزان زفت فرامل زفت
لكن الحق يقال ان المقصوره حديد فولاز بدليل السياره كلها تدمرت تماما لكن اللى بداخلها فضوا احياء و منهم العبد الفقير قاد السياره
بصراحه ما انصح احد يشتريها
على 140 و إتقلبت و فراملها وحشها دى مشكلة جديدة تنضم لمشاكل الكورولا الجديدة :eek:
ممكن حضرتك تحكى لنا أكتر عن الحادثة حصلت إزاى ؟؟