الموضوع: عطل طرمبة البنزين

المشاركة الأصلية كتبت بواسطة caboo_1

والله لولا انى فى اسكندرية كنت جيتلك انا ساكن فى حلوان
انت ممكن تجرب الطرمبة وهى انك توصل الطرمبة بالبطارية بس تعمل الحركة ديه بعد التأكد من ان الكهرباء واصلة

تسلم يا باشا
هى بس العربية تنطق و انا اللى هاجيلك اسكندرية

المشاركة الأصلية كتبت بواسطة ashrafnoby

زى ما هلالى باشا قال بس طلمبه البنزين ان جيبها استيراد ب350 جنيه بالغطاء بتاع التنك بالجوان بس جات وقفت بعد شهرين تانى رحت جبت نوع صينى بس محترم جدا جدا وانا شغال بيها والحمد لله الى الان وعميها بنزين 80 والضخ بتاعها كويس حوالى 1.4 بار او ممكن تجيب بتاعه الفيرنا من التوكيل بتعمل 220
وبرده الحمد لله صلحت الاستيراد ومخليها فى العربيه لاى ظرف

و النوع الصينى بكام و منين يا باشا و الماركة اسمها ايه بالظبط و بتاعت الفيرنا بتركب عن تجربة ولا ممكن يكون فيها مشاكل ؟؟

شكرا يا رجالة على المجهود
انا نازل دلوقتى اجيبلها الكهربائى و ربنا يستر
هتابعكم بالنتيجة
سلام يا رجالة

بتاعت الفيرنا مفيهاش اى مشكله على تجربه من الناس الى ركبوها وكفايه انها اصلى مش مضروبه اما النوع الصينى هجبلك النوع بتاعها

روحت جبت الكهربائى و تخيلوا بعد ماكانت مركونة 3 ايام و روحت شغلى يومين مواصلات جه الكهربائى خبط كام خبطة فو غطا الطرمبة من برة بس خبطتين حلوين و قالى دور كدة
دور العربية دارت الحمد الله بس الكهربائى قاللى الطرمبة دى وحشة و كان فى فيشة مجنزرة قاللى انه نضفها و خد عشرين جنيه و العربية دلوقتى شغالة زى الفل
انا كل اللى مزعلنى اليومين اللى ركبت فيهم المترو و العربية اصلا طلعت مافيهاش حاجة
شكرا يا رجالة على المتابعة و على مجهودكم