الموضوع: عطل طرمبة البنزين

صباح الخير يا رجالة

طرمبة البنزين فصلت و العربية واقفة تحت البيت و العربية دلوقتى مش بتدور

جبتلها ميكانيكى عشان نشوف الدنيا فيها ايه و اتاكد ان الطرمبة فعلا اتكلت على الله مع العلم ان اللى راكبة عندى لسة مغيرها من 3 شهور و لما كنت ركبتها كنت جبتها من محل بتاع اوبل فى حلوان عندنا

الميكانيكى لما جه و فتح تحت الكنبة و بص على الطرمبة لقيناها فعلا فاصلة بس فى حاجة ان هو قاللى ان الطرمبة مش واصلها كهرباء و قاللى و الله اعلم برده

دلوقتى النهاردة الاحد و مفيش صنايعية فاتحين و انا كنت مسافر النهاردة ازاى انا اعرف بنفسى اذا كانت فعلا مش واصلها كهرباء ولا لأ مع العلم انى لما غيرتها من 3 شهور الميكانيكى و هو بيركبها قاللى ان فى مشكلة او تلميس او حاجة كدة فى الكهرباء هى اللى ضربت الطرمبة

انا ازاى اعرف بنفسى الطرمبة واصلها كهرباء ولا لأ عشان اعرف رأسى من رجلى عاوز اسافر يا رجالة معنديش غير اربع ايام بس اجازة و الطرمبة عملتها فى وقت مش ظريف خالص

و هل لو الطرمبة فعلا باظت مفيش اى وسيلة لتصليحها ولا لازم تتغير

لو لازم تتغير اجيب منين واحدة استيراد و بكام تقريبا عشان دى كدة ثالث طرمبة اغيرها فى خلال سنة و واضح كدة انى لازم اجيبها استيراد لان كل اللى فى السوق بضاعة مضروبة للأسف

العربية فكترا سى دى 1996 اوتوماتيك فكترا بى

متشكرين يا بهوات و فى انتظار الدعم كالعادة

المشاركة الأصلية كتبت بواسطة cayman69300

هتجيب لمبة بيان
و هتركبها فى الفيشة بتاعة الطرمبة
و هتدور
اذا اللمبة نورت يبقى كدة واصلها كهربا و اذا منورتش يبقى مش واصلها كهربا
ممكن تكون مجرد فيوز و دى حصلت معايا او ممكن تكون من كتاوت الطرمبة اللى راكبة قدام على اليمين تحت درج التابلوة
الحكاية دى يجيبهالك كهربائى شاطر
و سهلة ان شاء الله

متشكرين يا دكتور ربنا يخليك لينا