الموضوع: سؤال لمالكى ال byd - f3

وعليكم السلام ورحمة الله وبركاته

السيد الفاضل

هذه الإجابات علي أسئلة حضرتك



1- انا بسمع كتير ان العربية فيها وصله aux ممكن اعرف مكانها فين بالضبط لانى مش لاقيها ؟

وصلة الـ AUX تأتي مع السيارة وهي وصلة عادية تشبه فيشة سماعات الرأس ولكن لها طرفان أحدهما يوصل بالكاسيت بمكان موجود يمين كلمة m F3 المكتوبة علي الكاسيت وهو يشبه مكان توصيل السماعات بالكاسيت وسهل التعرف عليه

وهذه الوصلة مخصصة لتشغيل أي مواد صوتية علي الموبيل مثلا والوصلة الأصلية مع السيارة تعمل علي الـ IPOD وعلي بعض موديلات الموبيلات منها نوكيا

وهي وصلة عادية كما وضحت لحضرتك تباع في أي محل موبيلات أو أدوات كهربائية كسماعات الأذن وما شابه

2- وظيفة الزرار الكبير اللى فوق زرار a/c لانه عندى دخل جوة ومش عارف اطلعه ومعرفش وظيفته ايه ؟

الزرار الكبير الموجود فوق زرار A/C هو عندك في الواقع مجرد طبة للمكان وليس زرار يعمل لأنه مكان مخصص لتركيب وحدة التنبيه الخاصة بحساس الرجوع للخلف في السيارات موديل GLX فقط وموديل سيارة حضرتك GL أو G لأن الـ GLX غالبا لم ينزل مصر إلا في 2009

3- زرار الكاسيت اللى بيتحكم فى الصوت بيعلى ويوطى الصوت هو شغال لكن الدائرة السوداء اللى عليه من بره مش موجوده ( المقبض اللى بتتحكم فى الصوت منه ) ممكن اعرف اشتريها منين ؟

مقبض زرار الصوت الأسود إذا لم يكن متوفر بالتوكيل يمكن شراء مثيل له من محلات قطع غيار الكاسيت وأنصحك بالذهاب لمحل المأمون بالكربة مصر الجديدة أو العتبة بشارع الأزهر حيث تجد هناك عشرات المحلات التي تبيع قطع غيار الكاسيت

4 - سير الكاتينة يتغير كل كام كم ( انا مشترى العربية وكان متغير على 40183 كم ) اغيره تانى امتى ؟ مع العلم ان السيارة عاملة الوقتى 68800 كم

سير الكاتينة كما هو مكتوب بكاتلوج السيارة يجب تغييره كل 70000 كم وإن كنت انصح بتغييره كل 60000 كم علي أقصي تقدير


خالص تحياتي

تمام لكن مهم جدا حضرتك تكون عارف السير اللي راكب نوعه كويس ولا لأ... علشان المضروب مش بيعمر خالص


بخصوص تكلفة الترخيص أو نقل الملكية اعتذر فليس عندي معلومات عنها وأرجو من السادة الأفاضل اللي رخصوا قريبا او نققلوا ملكية للسيارات 1600 مستورد يفيدونا بالقيمة

الاخوه الاعزاء
الوصله موجوده فى الموديلات الصينى اسفل الكاسيت اقصد مكان وضع وصله الاجهزه ومشغلات الصوت للسماعات
سير الكاتينه يتم تغييره بعد 40000 وليس بعد 60000 كما كان فى السابق ومكتوب على علبه السير يتم التغيير بعد 40000 كم
ويمكننا التواصل على الخاص ولكم جميعا تحياتى

المشاركة الأصلية كتبت بواسطة ashrafsoft

تسلم استاذى وفى انتظار الفرد من باقى الاعضاء

عفوا يافندم

تحت أمرك في أي إستفسار

المشاركة الأصلية كتبت بواسطة Emad Habib

سير الكاتينه يتم تغييره بعد 40000 وليس بعد 60000 كما كان فى السابق ومكتوب على علبه السير يتم التغيير بعد 40000 كم

أستاذنا الفاضل عماد باشا ومرجعنا الأول للجميلة BYD



أخبار حضرتك يافندم نتمني أن تكون في اتم صحة وأفضل حال





الحقيقة كلام حضرتك عن موضوع سير الكاتينة مفاجئة بالنسبة لي



لأني بحثت هذا الموضوع قبل ذلك أكثر من مرة والأهم أن وجدته بدليل المستخدم User Manual المرفق مع السيارة وكذلك الموجود بموقع الشركة علي الإنترنت وكذلك سألت السادة المسئولين بمركز الصيانة فأخبروني بأنه طبقا لجدول الصيانات يتم تغيير سير الكاتينة كل 60000 كم.





لذا أرجو من حضرتك إفادتنا جميعا بخصوص موضوع التغير لسير الكاتينة كل 40000 كم حيث أني حاليا 55000 كم ولم أغيره بعد في إنتظار تغييره الصيانة القادمة 60000 كم أي قبل موعده ب 10000 كم كما بـ User Manual

وهذه صورة من User Manual الجزء الخاص بتغيير سير الكتينة المحدد بالدائرة الحمراء









ولسيادتكم خالص تحياتي وتقديري