السلام عليكم
كنت بكلم استاذ كريم منير امبارح بليل اشكره على خدمة عملهالي بخصوص العربية و للاسف لقيته لسة عامل حادثة جامدة على الدائري قبل ما اكلمه بدقايق و على ما فهمت ان سبب الحادثة - كالعادة في مصر - عربية نقل بس مفهمتش اي تفاصيل ولا الحادثة حصلت ازاي لأن استاذ كريم كان متوتر جدا و مش قادر يشرح تفاصيل
اللي قدرت افهمه من كلامه ان هوا شخصيا سليم الحمد لله و مجرالوش اي حاجة و مكنش في حد تاني معاه في العربية الحمد لله
بس واضح ان العربية متضررة جدا و مكنش لسة عارف هاينفع يمشي بيها ولا ايه و مش عارف حجم الاضرار اللي فيها قد ايه
حبيت اقولكم عشان عارفة ان استاذ كريم ليه اصدقاء و اخوات كتير في المنتدى هايحبوا يسألو و يطممنوا عليه, و ربنا يستر طريقنا و طريقكم جميعا يا رب
(( اللهم أجره في مصيبته و اخلفه خيرا منها يا رب العالمين ))
المفضلات