بشرى...حل مشكله نور الصالون ببساطه بدون التوكيل

اولا الحمد لله رب العالمين استلمت اللوجان أول امبارح من سمير ريان ودفعت 71000 عشان بيقولوا موديل 2012
بس لسه لم اتسلم الافراج الجمركى بعد قالولى بعد اسبوع ومثبت فيه انها موديل 2012

ثانيا - بعد استلام السيارة بحمد الله عملت ذى ما اصدقائنا فى المنتدى نصحونا فولت بنزين 92 ب100جنية
وضبط الكاوتش نيتروجين امامى 29 وخلفى 32 وركبت افزان بلاستك للطاسات

ثالثا - وانا ماشى بالعربية لقيت نفس موضوع نور الصالون مش بيطفى الا يدوى كمان لمبة تحذير الابواب شغالة عالطول
خفت جدا وقلت من اولها كده هنحجز صيانة وعطله حمدت ربنا وقلت قدر الله وماشاء فعل ابقى اتأكد من الموضوع ده يوم اجازتى ولوا معرفتش حل ليه ابقى اروح التوكيل فى صيانة ال5000 واقولهم عليه

يوم الاجازة صليت الجمعة ودعيت ان يكون الموضوع بسيط واعرف احله من غير توكيل ولا غيره وقد كان
رحت للعربية بحثت عن الازار اللى بتكون فى الابواب عشان تطفى النور لما تقفل الباب المهم لقيتها فوق العتب بتاع العريبة زرار اسود عامل زى بتاع الثلاجة

دورت العربية وقفلت كل الابواب كويس واللمبه لسه منورة لفيت على باب باب من بره وبقيت اضغت عليه من عند الحته اللى عندها الزار لحد ما لقيت المشكله فى باب السائق

روحت جبت دبل فيس تخين شوية وفكيته من جنب واحد ولزقتة فى الباب قصاد الزرار بالظبط وقفلت الباب والحمد لله اللمبة طفت قولت اجرب طلعت بالعربية ومشيت فى حته مطباط والحمد لله كله تمام

اسف على الاطاله ويارب تجربتى تفيد الكل لانى استفدت من اعضاء المنتدى المحترمين

اقتباس:

---

المشاركة الأصلية كتبت بواسطة tekoooooo

دورت العربية وقفلت كل الابواب كويس واللمبه لسه منورة لفيت على باب باب من بره وبقيت اضغت عليه من عند الحته اللى عندها الزار لحد ما لقيت المشكله فى باب السائق

روحت جبت دبل فيس تخين شوية وفكيته من جنب واحد ولزقتة فى الباب قصاد الزرار بالظبط وقفلت الباب والحمد لله اللمبة طفت قولت اجرب طلعت بالعربية ومشيت فى حته مطباط والحمد لله كله تمام

اسف على الاطاله ويارب تجربتى تفيد الكل لانى استفدت من اعضاء المنتدى المحترمين

---

هل التوكيل كان هيحل المشكلة دية بنفس الطريقة .!! الطريقة ممتاذة وعملية لكن مش هى الحل النهائى السليم 100 100

ياريت بردة فى أى فرصة تروح التوكيل وتشوف أية الحل النهائى للمشكلة دية من غير لزق.

والله الموفق

انا بقه اقولكم على تجربتي مع نور الصالون
اولاً شكيت في الزرار بتاع الشنطه
رحت فاكك الفيشه و عملت فيها شورت بحتة سلكه لقيت النور لسه منور - يبقى كده المشكله مش في الشنطه
قفلت الأبواب كلها و طبعاً النور كان منور
قعدت اشد كل باب لحد ما لقيت الباب بتاع السواع لما يتشد وهوا مقفول النور بيطفي
كده عرفت فين المشكله
عديت على واحد بتاع كاوتش و اشتريت منه رقعه من بتاعت اللحام
البتاعه الكوتشه السوده المدوره دي
و رحت لازقها بنقطه سلسيون من بتاع اللحام على الباب في النقطه اللي الباب بيقل بيها على الزرار
طبعاً الكاوتشه بقت بتضغط كويس على الزرار بسبب سمكها و لأنها كاوتش فمش هتضر الزرار بتاع الباب
وكان الله بالسر عليم
و ان شاء الله احاول اصورها و ارفع الصوره على البوست

اقتباس:

---

المشاركة الأصلية كتبت بواسطة themyth999

انا بقه اقولكم على تجربتي مع نور الصالون
اولاً شكيت في الزرار بتاع الشنطه
رحت فاكك الفيشه و عملت فيها شورت بحتة سلكه لقيت النور لسه منور - يبقى كده المشكله مش في الشنطه
قفلت الأبواب كلها و طبعاً النور كان منور
قعدت اشد كل باب لحد ما لقيت الباب بتاع السواع لما يتشد وهوا مقفول النور بيطفي
كده عرفت فين المشكله
عديت على واحد بتاع كاوتش و اشتريت منه رقعه من بتاعت اللحام
البتاعه الكوتشه السوده المدوره دي
و رحت لازقها بنقطه سلسيون من بتاع اللحام على الباب في النقطه اللي الباب بيقل بيها على الزرار
طبعاً الكاوتشه بقت بتضغط كويس على الزرار بسبب سمكها و لأنها كاوتش فمش هتضر الزرار بتاع الباب
وكان الله بالسر عليم
و ان شاء الله احاول اصورها و ارفع الصوره على البوست

---

هو لا يا أحلى شباب ما حدش عايز يحل المشكلة دية من جذرها فى التوكيل بدون الطريقة التقليدية دية

أنا عارف أنها طريقة ممتاذة وذكية وأنا ذات نفسى ما كنتش هعرفها بس لية ما بنروحش التوكيل وهو يحلها

هل التوكيل كان هيحل المشكلة دية بنفس الطريقة .!! الطريقة ممتاذة وعملية لكن مش هى الحل النهائى السليم 100 100

ياريت بردة فى أى فرصة تروح التوكيل وتشوف أية الحل النهائى للمشكلة دية من غير لزق.

والله الموفق

خلى بالك عشان كده الباب لو مش مقفول كويس اللمبه مش حتنور

اقتباس:

---

المشاركة الأصلية كتبت بواسطة vtec

خلى بالك عشان كده الباب لو مش مقفول كويس اللمبه مش حتنور

---

متخفش يا ريس
الجلده اللي راكبه سمكها مش كبير ده حوالي 1 مم تقريبا يعني حاجه لا تذكر
هيا بس بتعالج الفرق ما بين صاج الباب و زرار النور
لأن زرار النور ناشف و محتاج ضغط كويس عليه عشان يقفل و الباب بتاع العربيه فيه فرق بسيط حوالي 1 مم و ده عيب تقفيل من المصنع و المفروض علاجه بيكون بتعديل اسطمبه الصاج بتاع الباب لتعويض الفرق البسيط ده

هل تعتقد حضرتك ان فرق 1مم فى الباب ممكن يعلق نور الصالون ويعمل المشكلة الكبيرة المؤرقة دى ؟ على الله يكون كلام حضرتك مضبوط والحل سهل كده . حاجرب وادعى لك

انا عايز اعرف مكان الفيشة بتاعت الشنطة علشان شاكك فيها علشان غيرت الكالون قبل كدة علشان اتكسر وطلع السان بتاع الكالون بلستيك من بع كدة حصلت المسكلة دي يا ريت حطرتك تصورهالي احسن ما روح للتوكيل تاني اصل انا روحتلوا اول مرة علشان حوار الكالون وقلي الفين جنية علشان بنبعت نجيبة من المصنع من برة ورحت لواحد وغيرلي جزء من الكالون مش كلة ودفعت 120 جنية

السلام عليكم جميعاً ،،،
أنا برضه كان عندي نفس المشكلة ، لمبة الأبوب بتفضل ترعش مع إن جميع الأبوب مقفولة و كمان نور الفلاشر مبينورش لما أفتح و أقفل الأبواب و بالتاي لمبة الصالون مبتنورش+ كمان كان في تقل في الغيار الأول ...
عديت على فرع المقطم ، مشكلة اللمبة اتحلت في ثواني الحمد لله بس كانت من الشنطة و كانت محتاجة رجلاش بسيط!
مشكلة الفتيس اتحلت في حدود 10 دقايق مع م. زكريا
الحمد لله الأمور مشيت كويسة و عقبال باقي الصيانات إن شاء الله!