الموضوع: ( عنوان متغير ) مشكلة فى لمبة فرامل اليد والabs فى A11

المشاركة الأصلية كتبت بواسطة tarek_sayed

تحية طيبة وبعد
امتلك سيارة شيري A11 اتوماتك موديل 2005 وبصراحة العربية ممتازة لكني باعاني من مشكلة قد لا يهتم بيها اي حد لكنها تعباني شوية وهي نور لمبة فرامل اليد الأحمر ونور لمبة فرامل ال ABS الأصفر دايما منورين مع بداية تشغيل العربية وما بيطفوش خالص حتي بعد ان اطفي السيارة
لكني لاحظت مؤخرا ان بعد تشغبل تكييف السيارة لأكتر من ساعة متواصلة وبع لما العربية تبقي سخنة شوية تطفي اللمبتين وينوروا تاني بعد لما اطفي التكييف او العربية تبرد شوية وبصراحة ما خلتش كهربائي الا لما رحتلة واللي يقولي انها قفلة كهربا واللي يقولي انة جهاز ABS
الصراحة احترت لذا ارجوا افادتي
شكرا
tarek_sayed@yahoo.com
0108331244

يا أستاذ /طارق الاعراض اللى بتشتكى منها معناها ان جهاز ال abs لا يعمل يعنى مفصول عنه الكهرباء لأن حضرتك لما تشيل الفيشة الخاصة بجهاز abs لمبة الجهاز ح تنور اصفر ولمبة فرامل اليد ح تنور احمر ممكن حضرتك تشيل الفيشة دى وترشها با سبراى منظف كهرباء يمكن يكون عدم تلامس للاطراف وان مكانش ما تشغلش بالك انا عندى الجهاز ده بايظ وشايل فيشتة على طول واللمبات المذكورة منورة زى ما حضرتك شرحت وليا اكتر من ثلاثة شهور ماشى بيهم منورين وسافرت مرسى مطروح ورجعت وسافرت تانى ومفيش مشكلة - المهم العطل دة يا أما كهربة يا أما الجهاز باظ !!!!

المشاركة الأصلية كتبت بواسطة tarek_sayed

انت ريحتني والله يا استاذ احمد بس اللي انا مش عارفة ان هل الجهاز باظ ولا لأ طيب هل اقدر اقيس ان كان واصلة كهربا ولا لأ برضة وهل هو بياخد كهربتة من فين بالضبط يعني من الحساسات ولا من كمبيوتر العربية ولا من تلقاء نفسة ولا اية علشان ابدأ اتتبع المشكلة من الأول واحدد هل هو عيب قطع كهربائي ولا عيب الجهاز نفسة وشكرا

والله يا عزيزى هو ليه فيشة من الجنب عليها كلبس بيتشد لفوق الاول تخرج الفيشة من مبيتها وعند التركيب تدخلها من اسفل الاول وتدوس على الكلبس من اعلى لاسفل يروح داخل مكانه على طول
بس عايز اسألك الاول الفرامل عاملة معاك اية يعنى على سرعة 100 لما تدوس فرامل فجأة (فرامل خطر) العربية بتقف ولا لأ والدّوسة طرية ولا ناشفة محجرة وبالنسبة للكهرباء ح احاول اجيبلك الديرة بتاعته بس ادينى فرصة يومين

عزيزى الاستاذ طارق
دائرة ABS رفعتهالك ولو مش واضحة ابعتهالك على الخاص اتاتشمنت