عرض للطباعة
السلام عليكم ورحمة الله وبركاته
ان شاء الله نويت اركب سنتر وزجاج كهربائى ( امامى فقط ) للانوس .... وعندى كام سؤال
افضل نوع للسنتر ؟ وسعره ؟
زجاج الكهرباء بيركب على الضفيرة ولا لأ ؟ واسعاره كام - مكنتين + زراير فى الكونسل
وهل الزجاج الكهرباء -استيراد - له مشاكل
شكرا
انا مركب الزجاج خلفي استيراد لاني كان عندي امامي نازل مع العربيه المكن كان ب 225 سعر المفتاح معرفش كام المكن اللي قدام ارخص من ورا لازم طبعا تعمله ضفيره مخصوص
انا نزلت امبارح وسالت عند واحد قاللى المكنتين والزراير بـ 350 جنيه !!!! ما علقتش معاه قلت لما اعرف متوسط السعر الاولاقتباس:
المشاركة الأصلية كتبت بواسطة jojowork1
بالنسبة للزجاج هل فى مشاكل ( يعلق - يقف )؟
وكمان مين اللى بيركبه ... بتاع الابواب ولا الكهربائى
انا اشتريت سنتر تايوانى ( علبته حمراء ) بعد ما لفيت عليه بـ 125 جنيه .... مستنى اما اشوف موضوع الزجاج واركبهم سوا
بالتوفيق ان شاء الله و طمنا لما تركب الحاجة كلها
بالنسبة للسنتر فى أعضاء بيشكروا فى ولف بس معرفش سعره كام
انا بقى عندى لانوس 2 هاف اوبشن بس الراجل اللى قبلى مركب سنتر و 2 زجاج كهربى قدام
انا بقى كنت عايز اجيب فرش الابواب الاربعه اللى فيه الزراير و اعمل الاتنين اللى ورا كهربا و كنت عايز اعرف تتكلف كام و كده
و سوال برضه هل الزجاج الكهربا ده لو قفلت مثلا العربيه بالريموت الزجاج يتقفل لوحده و لا محتاج حاجه تركبله تانيه (( وحدات رفع ))
اقتباس:
المشاركة الأصلية كتبت بواسطة sasaasdf
لا زجاج كهرباء بيقفل و يفتح من الزراير انما اللى مع الريموت يبقى حضرتك تركب وحدات رفع
شكرا يا باشا
الحمد لله النهادرة ركبت السنتر ( ابوعلبة حمراء ) تايوانى بـ 125
والكهربائى خد مصنعية 30 + 5 جنيه علشان الصبى
اول ما باقفل الكل يقفل وفى صوت تكة تيجى بعدها علطول .... ونفس الحكاية عند الفتح .... فهل دا طبيعى ؟؟؟
بالنسبة للزجاج الكهرياء
سألت الكهربائى قاللى المكنتين بـ 150 والزراير بـ50
رحت لواحد بتاع استيراد قاللى " المكنتين يابيه هانحلهم من بابين بايدك " بـ 300 والزراير بـ 50
فى طبعا فرق النص قلت ااجل الموضوع دا لما اسأل تانى
مع انى اترددت فى الموضوع دا خصوصا وانا عند الكهربائى لقيت واحد سايق بومة وجاى جرى علشان الزجاج الامامى الشمالى مش بيطلع :)
لازم وحدة رفع تانيةاقتباس:
المشاركة الأصلية كتبت بواسطة sasaasdf
أنا لسة سائل على الموضوع ده في التوفيقية عند ولف وقال لي إن دي تقريبا ب 80 جنيه حاجة كده مش فاكر قوي ممكن تسأل أحمد ميدو يكون فاكر الاسعار
مركبهم عندى عادى جدا و المكن و الزراير فى النص ب 340 و ركبت كمان سنتر spy و شغل زى الفل و نضافه
اقتباس:
المشاركة الأصلية كتبت بواسطة vantroy
صوت التكة دي طبيعي جدا بس متكونش عالية أوي يعني فالمعقول
صراحة 300جنية كتير أوي اسئل عند حد تاني ولا تقلق نفسك لما تركب هترتاح جداا الموضوع جميل وخاصة لما تركب انذار ووحدة رفع هتقبل بالريموت كل حاجة هتقفل وتمام أن شاء الله
الحمد لله
امبارح اشتريت مكنتين كهربائى وضفيرتين باب اصلى وزرارين الكونسول بالفيشة ومفتاح مرايا يمين كهرباء بالفيشة وقطاش بطارية سالب
بـ 400 جنيه
رحت للكهربائى على انه يركب ضفاير الباب ونشتغل شغل على ميه بيضاء .... قاللى مش هاينفع لان لازم الفيشة اللى بتركب فى القايم من جوه .... قطعنا فيشة المكن وركبنا
بالنسبة لمفتاح المرايا قالى لما تجيب المرايا نركبهم سوا .... قلتله شد سلوك علشان تبقى على التركيب علطول .... بش شكله مش عارف .... لان الزرار طالع منه حوالى 6 سلوك والفيشة بتاع المرايا دا خلها 3 سلوك
بتاع الابوباب اخد 40 جنيه .... الكهربائى 20 + 5 جنيه علشان الصبى + 10 متر سلك (15 جنيه)
شغالين تمام دلوقتى ولكن عندى الباب اليمين بيقفل متاخر بحوالى سم او 2 سم بالكتير عن الباب الشمال
فهل دا عادى ( انا فاكك المكن من بابين مش بتوع عربية واحدة ) ؟
يعني عادي بس يمكن مكنة اضعف من التانية بشوية وجرب تنضف مجرى الزجاج وممكن تلين الكوتش بتاع الزجاج ببدرة ثلج بتاعة الاطفال يبقى أحسن أن شاء الله
+1111111111111111اقتباس:
المشاركة الأصلية كتبت بواسطة ramyraby
هاجيب بودرة تلك واجرب ...
ان شاء الله ناوى بعد يومين كده اركب وحدة رفع وانذار
بالنسبة لفوانيش الشبورة الاستيراد .... سالت عن اكتر من واحد مش موجودة ( فى المنصورة ) يقولولى اصل الاستيراد واقف والطلب عليها كتير ..... ما فيش مكان قريب من المنصورة الواحد يجيبهم منه
كمان عندى الدركسيون فيه بوش كده ( مش يمين وشمال ) كان المسمار بتاعه مش مربوط كويس .... شيكت على المسمار تمام ... ايه الحل
مبروك... مصنعية الكهربائى ممتازة... وهوا كان بيتكلم صح إنك تركب الزرار لما تجيب المراية.. علشان ليها تقسيمة معينة وبتاخد غلبة ووقت فى تركيبها علشان تركبها فى الفيش بتاع الباب الفبريكة.
بتاع الأبواب غالى أوى.. أخره 10 جنيه... لإنه أساسآ مجرد فك وتركيب.. إنتا كنت ممكن تعملها بنفسك ومش هتاخد كلها 10 دقايق ومفك صليبة ومفتاح بيبة 10
على العموم ومبروك ودى فعلآ الخطوة اللى جاية علشان عايز أعمل الزجاج الخلفى كهرباء
الله يبارك فيك
انا كنت ناوى فعلا اركبها لوحدى لكن خفت احسن اعمل حاجة غلط خصوصا انى ما شفتش حد بيركبها قدامى .... ابقى اركبهم فى الخلفى
وبالنسبة لبتاع الابواب انا سالت عن المصنعيه ما قلتش عن 40 باى حال فقلت اخلص
وعقبال الخلفى عندك
الف مبروك عليك يا باشااااااااا ربنا يديك خيرها ويكفيك شرها
وتابعنا باالجديد ديما