كامــيــــرا دـيجـيـتـال

**ابو سيف** · 03-07-2011 03:57 PM

السلام عليكم
اخواني الكرام
انا خبرتي ضعيفه جداااااااا في موضوع الكاميرات دي
معلوماتي عنها بسيطه شويه
فقولت لازم اخد رأيكم في كاميرا عايز اجيبها

انا ميزانيتي في حدود ال 1500 جنيه

و بصراحه بعد ما دورت شويه و قارنت بين اكتر من كاميرا
استقريت على كاميرتين
و قولت اخد رأيكم فيهم

لأن في مواقع المقارنات بيفضلي كل واحد عن التانيه على اساس كذا و كذا
و دي احسن من دي في كذا و كذا

المشكله ان انا مش عارف الحاجات دي في الاخر تأثيرها على جودة الصور ايه
فعشان كدة مش عارف اقرر

الكاميرتين اللى محتار بينهم
هما سامسونج wb650
و فوجي s2950 او s1800

ايه رأيكم في الاختيارات
و يا ترى جودة الصور في الاخر لصالح مين و انهي فيهم الكاميرا اللى ممكن اطلع فيها صور شبه احترافيه شويه و اقدر اتعلم عليها بسهوله لو عايز اصور صور حلوة تقدر تساعدني في دا سواء بالليل او بالنهار
انا عارف ان كل واحدة فيها مميزات عن التانيه لكن في الاخر الاتنين قريبين اوي

يا ريت رأيكم و تفهموني كدة بالراحه ما يميز كل واحدة عن التانيه فيما يخص جودة الصور و التحكم في دي

شكرا جدا و في الانتظار

**M7amD_7amDy** · 03-07-2011 05:37 PM

انا معايا السامسونج WB650

وممتازة جداا لحد دلوقتى

وده تقرير كنت عامله ليها

تقرير عن التحفة Samsung WB650 - موقع الدي في دي العربي - DVD4ARAB.MAKTOOB.COM

**ابو سيف** · 03-07-2011 07:30 PM

بصراحه كمان انا بشوف في مواقع المقارنه انهم دايما الكفه اللى بترجحها بتكون ان وزنها اقل و شاشتها اموليد و فيها جي بي اس

كل الحاجات دي في الاخر مش فارقه معاك اي حاجة في وضوح الصورة و تحكمك في الصور
دا اللى قلقني ملاقيتش كلام في المقارنه حسيت انه يفرق في الصور بين الاتنين لصالحها
منتظر رأيك

**M7amD_7amDy** · 04-07-2011 12:28 AM

هههههههههه شوفت بقه انا وراك أزاى؟ :d

بص ياباشا انا معرفش الفوجى الحقيقة فمش هعرف أقارن

العيب اللى أكتشفته فى الفترة دى

هو مدة تحميل التقاط الصورة بتاخد وقت شوية لحد ماتعرض الصورة اللى اتصورت

وده فى حالة انك بتصور بليل والفلاش شغال بس وساعات بتكون سريعة وساعات بطيئة :d

بس هو مش عيب جامد يعنى هى الحكاية كلها ثانيتين تلاتة :)

والصور بليل معقولة مش وحشة ومتنساش انها كومباكت مش بروفيشنال يعنى كتر خير الدنيا والفلاش قوى

ومش هتلاقى حاجة احسن من كده فى الرينج ده وكله هيبقى فى العلالى :)

الحقيقة الكاميرا مريحانى ومش محتاج اكتر من كده كامناسبات وأفراح الخ ..

ولو إحتجت اى حاجة تحت أمرك إسأل براحتك :)

**M7amD_7amDy** · 04-07-2011 04:16 PM

باشا انا شوفت الفوجى اللى بتقول عليها

FujiFilm FinePix S2950 (FinePix S2990): Digital Photography Review

ودى مختلفة عن السامسونج عشانها تعتبر سيمى برو والسامسونج كومباكت

وأعتقد الفوجى هتبقى غالية هو أنت شوفتها بكام؟

على العموم من مواصفات الفوجى وعلى الورقة والقلم كويسة وممتازة جدا

بس حاول تدور على صور ليها وشوف وأعتقد كمان فيها مانع أهتزاز

وخد بالك الفرق بينهم كبير يعنى السامسونج صغيرة كده ومحندقة :) انما الفوجى مكعبرة وتقيلة ووزنها 437 g :)

على العموم شوف انت محتاج ايه من الكاميرا هل مناسبات وأفراح وبس ولا ناوى على احتراف وتصوير وكده؟

لو احتراف وشغل وكلام من ده يبقى خليك فى الفوجى هتخدمك أكتر

وخلى بالك اللى أهم من الكاميرا هو اللى ماسكها يعنى ممكن تلاقى صور رهيبة ومتاخدة بموبايل عادى جداا

وواحد معاه كاميرا غالية جدااا ومش عارف يطلع منها صور كويسة يعنى المهم المصور نفسه مش الكام

وبخصوص المانوال عندى انا مش بستخدمه كتير ومخليها اوتو علاطول

بس جربت كده كام صورة على شيتر بطيء وحاولت أبقى محترف بس فشلت :D

ودى صور كمان :)

وده موضوع هنا عن التصوير بص عليه أكيد هتستفاد

http://www.nilemotors.net/Nile/168169-a.html

ولو محتاج اى حاجة قول مفيش تعب ولا حاجة :)

**Ramy_2R** · 21-07-2011 01:01 AM

انا معايا كاميرا wb600 ههى نفسها ال wb650 بس الفرق فى ال gps و الشاشه
كاميرا حلوه جدا مقارنا بسعرها
بس نصيحه لو بتصور كتير بليل متجبهاش
غير كده هى تمام بأسثناء مشلكه ان فى زى نقطه تراب دخلت جوه العدسه ...هى مش مأتره بس شكلها خانقنى

**saadelden** · 21-07-2011 01:24 PM

عايز تجيب كاميرا خفيفه تقدر تحطها ف جيبك زي الموبايل يبقى سامسونج
لو عايز حاجه احترافيه اكتر و مواصفات اعلي يبقى فوجي فيلم

انا عندي فوجي فيلم s1000 جايبها من 3 سنين و تصويرها ممتاز
كنت جايب كاميرا سامسونج بس الصيني و كانت مشكلتها البطاريه مابتقعدش
لكن كان كاتصوير معقوله

بس الكاميرا الفوجي الي معايا ياباني و عدسه ياباني
و كان فيه صيني و عدسه ياباني مارضيتش اجيبها