الموضوع: عايز اشتري كلب

الجيرمن شيبرد تقليب متوسط يعمل من 500-700 جنيه و انت و شطارتك
قدامي واحد خد قبل كده جيرمن شيبرد تقليب نضيف بــ300 جنيه و متسالنيش ازاي هههه
الدوبر مان تقليب نضيف يعمل في حدود 600 جنيه

اهم حاجة ابعد عن المحلات و السوق بالرغم ان السوق ساعات بيبقي فيه لقط لكن الاغلب نصب
و الافضل تشوف حد معرفة عنده كلاب لسه جراوي او تشوف مزرعة

و مش هعرف اشرحلك نظري مواصفات الجيرمن شيبرد يكون عامل ازاي لأن النظري و لا كأن ليه لازمة زي الكسحة و الضهر
عشان الجيرمن شيبرد ليه مواصفات معقدة اساسا هههههههه
بس عامة لازم الكلب جسمه متناسق يعني الفكين مطبقين ع بعض مفيش زيادة في الطول و يكون الضهر مستقيم و الكسحة و الرجل و يكون متخنصر
و ميكونش عند المنخير مثلا او الرجل اي شعر ابيض لأن ده بيدل انه بلدي
و الافضل تجيب جرو ميعديش 3 شهور شعان تقدر تدربه صح من اولها
و تشوف جرو يكون نشيط و تجرب حاسة السمع عنه يعني تيجي قريب من ودنه و تسقف بايديك شوف هينتبه و لا لأ و منخيره تكون مندية و ده بيدل ان الكلب خالي من الامراض و عينه تكون بتلمع و ده بيدل ع ذكائه و حيويته و ديله ميكونش ملفوف و يكون نازل ع الارض و ده بيدل ع درجة نقائه و لما تيجيبه اهم حاجة الاهتمام بالصحة و الأكل ساعتها بقي لما تجيبه بلغني هقولك ع التطعيمات و الوجبات..ألخ...ألخ

و ديه صور لجراوي تقليبها نضيف عشان لو حبيت تقارن




و ديه لـ3 كلاب بالغين



اول كل فوق انضفهم من سلالة نقية
تاني واحد تقليب كويس
تالت واحد اي كلام
و ده هتلاحظه من التناسق في الجسم الضهر و الراس و الفخذ

و اي استفسار انا موجود :)

المشاركة الأصلية كتبت بواسطة sayed911

طيب وكلاب كليةالشرطة اخبارها ايه ؟ او هنا على الأقل في القاهرة مين من المزارع اللي ممكن تثق فيه لحضرتك ؟ انا شفت مزرعة في طريق اسماعيلية فيها كلاب هاسكي !!! والله لو قلتلك بلديومدينها سنة دوكو وملبسينها عدسات !! مش ها تصدقني :d

بالنسبة لكلاب الكلية بيبقي تقليبها نضيف
بس انا فاكر ان اخر مرة واحد صاحبي راح مكنش عندهم كلاب كتيير معروضين
بالاضافة ان فيه منهم كلاب عواجيز مش عارف ليه اليومين الاخرانيين في السنة اللي فاتت كانت الكلاب مخستعة منهم كده ليه
فجايز في دلوقتي
و بالنسبة للمزارع للأسف انا مش بتعامل مع اي مزارع يعني تعاملي كان مع اصدقاء ليا عندهم كلاب بيولدوا و يبيعوا كده يعني بس هسألهم ع اسم مزرعة لو عايز
و بالنسبة اللي بتقوله شوفته ممكن ليه لأ في ناس كتيير معندهمش ضمير دول بقي بيعتمدوا ع الناس اللي معندهمش اي خلفية عن الكلاب

المشاركة الأصلية كتبت بواسطة evram

انا قدامي واحد 5 شهور ب بيقول 400 هو بلجيكي بس تقليبوة يعني وسط ديلوة تخين شعرو نازل ل الارض شعر الديل في ميله بسيطة بس مشكلته الونات وشة فاتحة شوية و دة كل عيبوة الونات وشة صفرا بس اصفر فاتح و مناخير و حوالين المناخير سواد بس بسيط photos from ط³ظˆظ‚ ط¨ظٹط¹ ظˆط´ط±ط§ط، ط§ظ„ظƒظ„ط¨ ظˆط§ظ„ط¬ظˆط§ط²ط§طھ | facebook حاجة تقليبه انضف من دة كتيررررررررررررررر كف ايد اكبر بس مشكلته صفار وشوة انا خلصتوة ب 300 اه رايكم و هل كويس ك بدايه ولا بلاش و رجليه مخنصرة باين او حاجة كدة مش عارف اسمة

للاسف الكلب اللي في الصورة مش واقف وقفة شوو عشان تبن حالته كويس
بس مبدايا الكلب تقليبه مش اد كده
و عايز اقولك حاجة كمان الكلب كل ما لونه اغمق كل ما كان تقليبه احسن
و انت حر لو عايزه كبييره 150-200 جنيه و كتيير كمان عليه الافضل لك تجيب دوبر مان احسن بالمبلغ اللي معاك و هيكون تقليبه نضيف