اريد سيارة مستعملة اوتوماتيك ارجو المساعدة ؟؟؟؟؟

**أبو_حمزة** · 04-07-2011 12:14 PM

أقول لك على اللى انا مجربها
لانسر 99 اتوماتيك
واسعة و يعتمد عليها و قطع غيارها متوفرة و الفتيس الاتوماتيك ممتاز و ما لوش اى مشاكل و الحمد لله و اعتقد انها فى نفس حدود ميزانيتك
و موضوع انها واطية ده مش للدرجة اللى الناس بتقولها و عربيات كتير زيها
أى سؤال انا تحت أمرك
ربنا يوفقك للخير

**شاهين - بنز** · 04-07-2011 02:09 PM

هز السعر شوية وهات ميجان 2005 حتبقى في حدود 55- 60 ألف جنيه بحالة فابريكة ومتسدقش كل الإشاعات إللي بتطلع عالعربية المحترمة دي أنا إن شاء الله حجيب واحدة بانوراما قريب
هات ميججججججججججججججججججججججج ااااااااااااااااااااااااا اااانننننننننننن

**sonik2** · 04-07-2011 02:40 PM

انا اشكرا جدا اعضاء المنتدى كلهم على الردود الحلوة ده وبخصوصا sha2e و أبو_حمزة و شاهين - بنز اشكرهم جدا جدا

وانا كنت بقول يعنى من الاخر بجد عشان انا خلاص بجد زهقت لو هشترى مستعمل دلوقتى واخرى اخرى اخرى 50000

اشترى ايه ويكون الكلام مضمون 100% وياريت طبعا تكون موديل حديث شوية مثلا 2001 2002 2003 2004 2005 كده يعنى بس احنا حوالى 5 افراد ومش مهم قطع الغيار انشاء الله هنحافظ عليها وكل واحد ونصيبة

وشكرا جداجدا جدا جدا جدا جدا جدا جدا جدا

**sonik2** · 04-07-2011 04:21 PM

معلش يا جدعان انا عصرت دماغى وفى الاخر فى 3 سيارات اوتوماتيك او مانيول

1) اوبل كورسا

2) كيا سيفيا

3) كيا سبكترا

ايه رايكم ايه احسن فيهم وعارف ان السبكتر تكملة للسيفيا لكن ايه الافضل فى 3 سيارات دول عشان ناوى انى اشترى خلاص

وفيه سيارة معروضة قدامى كيا سبكترا 2004 وفيها الحاجات ده

مريات كهرباء * زجاج كهرباء * إريال كهرباء * جنوط إسبور * أتوماتيك * باور * تكييف * سنتر لوك * جهاز إنذار * كاسيت cd * ليست بحاجه لأى مصاريف 1600 س س
و سعرها 52000 ممكن افاصل معاه وانزلها 50000 عشان ده اخرى ايه رأيكم فيها وفى السيارات الاخرى

**sha2e** · 05-07-2011 10:19 AM

الاسبكترا عربيه جميله وثباتها ممتاز جدا يقترب من ثبات الالمانى وموتورها كويس
عيبها الوحيد قطع الغيار مرتفعة الثمن بدون مبرر بالاضافه الى صعوبه الحصول عليها
لكن كعربيه من جوا كويسه وثباتها ممتاز
بخصوص المعروضه امامك فسعرها في رأيي 49 ولابد من التأكد والكشف على السياره جيدا - والتأكد من انها فابريقه من الداخل بالكامل وكذلك التأكد من حالة الفتيس بدقه

وبخصوص الترشيحات انا ارشحلك نيسان صنى 2001 اتوماتيك ودي بتكون تقفيل ياباني مش مصري وموتورها 1300 اقتصادي فى البنزين وبتكون فى رينج 52 الف (معتقدش ان الالفين جنيه هما الى هيكونو مشكله)
ولو تقدر تصبر على الشراء شويه يكون افضل (لان دلوقتى يعتبر الموسم والعربيات بتكون كلها شدا فيه شويه)

تحياتي

**sonik2** · 05-07-2011 12:00 PM

اشكرك جدا يا sha2e على الردود الحلوة ده واهتمامك
وانا لاحظت من كلامك انك مكلمتش على الاوبل كورسا يعنى ممكن تكون مش اوى وكمنان السبكترا بالنسبة لقطع الغيار انا اكيد لو حفظت على الحاجة نوعا ما ممكن تستمر معايا لكن اكيد لو حصل حاجة هتظبت عشان اجيب الحاجة ده

والنيسان صنى انشاء الله هبص عليها كويس تانى لانى بحثت عنها سابقا بس لقيت الموتور 2000 فقلت بلاش بس هبص عليها تانى

وشكرا جدا جدا جدا جدا

**sha2e** · 05-07-2011 01:16 PM

لا يا فندم اتكلمت على الاوبل كورسا وهيا عربيه جميله لكن عيبها انها ضيقه شويه من ورا وكمان مفيش منها اتوماتيك وده كلامي الموجود فى آخر الصفحه الاولى

المشاركة الأصلية كتبت بواسطة sha2e

1) أوبل كورسا : عربيه حلوه وشكلها لذيذ هتكون فى رينج 45-55 موتورها كويس واستهلاكه للبنزين اقل من الفيكترا التسعينات
عيوبها : قطع غيارها اغلى سنه من الكوري - مش واسعها من جوا - ثباتها اقل من باقى عائلة اوبل

رأيي الشخصى انك مش لازم تلتزم بنوع او موديل معين حاول تتفرج والفيصل الحاله مش نوع العربيه او الموديل بتعها
لانك لو حددت رينج معين هتلاقى كل عربيه من العربيات الى سعرها فى الرنج ده بتكون متميزه فى نقطه ومش متميزه فى نقطه تانيه وكده هتشتت نفسك يعنى مثلا تلاقى الثبات على حساب الموديل او المتانه على حساب سعر قطع الغيار او استهلاك البنزين على حساب الوسع وهكذا
ولو فى عربيه متميزه عن باقي الفئه فى أكتر من نقطه هتلاقي سعرها غلي عشان تنافس فئه اعلى او رينج اغلي
عشان كده ارجع واقولك فى المستعمل متحصرش نفسك فى عربيه معينه اعرف مميزات وعيوب كل نوع وانزل اتفرج والى تلاقى حالتها كويسه وانت مرتاح فيها وعجباك خلص فيها بعد ما تكشف عليها كشف دقيق طبعا
وربنا يوفقك للأصلح ان شاء الله

تحياتي

**sonik2** · 05-07-2011 02:00 PM

شكراااااااااااا

**sonik2** · 05-07-2011 02:04 PM

اشكرك جدا يا استاذ sha2e وكمان انا ركزت شوية على ميتسوبيشى لانسر اوتوماتيك او مانيول فى ناس بتقول انها تساوى او تفوق شوية على النيسان صنى لكن عادى وفى كمان ناس سمعتهم بيقولوا ان الانسر عيبها انها واطية عن الارض فهل الكلام ده صحيح وهل الارتفاع الصغير بتاعها ده بيأثر جامد على السيارة عشان عاوز اطمن على العيب ده وبس

وشكرا جدا يا استاذ sha2e

**mrwho1982** · 05-07-2011 03:31 PM

السلام عليكم اولا

نصيحه ليلك من اخوك الصغير

ابعد عن اي عربية مستعملة واسال مجرب ال 50 اللي معاك ممكن تدفعهم مقدم لحاجة جديدة وتقسط

ممكن ساجا اتوماتيك او جيتز يعني شوف الاسعار

لكن مستعمل لا ااااااااااااااااااااااااا اااااااااااا

اخوك الصغير .ابو عبد الله