اريد سيارة مستعملة اوتوماتيك ارجو المساعدة ؟؟؟؟؟

يا جدعان عاوز حد يساعدنى انا بقالى اكثر من 3 شهور بدور على سيارات مستعملة وتكون اوتوماتيك بس انا معايا حوالى
50000 ومش عاوز اكتر عن كدة ده كده اخرى فى السعر
بس عاوز اقول حاجة كل ماجى ابحث على سيارة واحبها جدا فى الاخر الاقى الناس بتقول فيها عيوب كثيرة انا عاوز اخر كلام ومضمون 100% عشان مش كل شوية ابحث على سيارة
يعنى على سبيل المثال بحثت على نوبيرا بس قالولى انها مش تمام وبحثت على البراتو وعارف انها مش اوتوماتيك برده قالولى مشى كويسة كده يعنى
وارجو ان تساعدونى فى ايجاد سيارة اوتوماتيك مستعملة فى حدود 50000 ايه انواع العربيات الى تنصحونى بيها

بس انا مش عاوز اى عربية صينى او مش معروفة لازم تكون قطع الغيار متوفرة وكمان تكون واسعة فى حدود 5 افراد يعنى اسرة بس هو ده الى انا عاوزة وشكرا جدا لاهتمامكم ولمساعدتكم

وشكرا

هو مفيش حد فى المنتدى ولا ايه

النبرة مش تمام ليه ؟

كيا سيفيا ومعاك من موديل 99 لحد 2003 واخرها 45 الف جنيه والسيفيا عربيه محترمه

اقتباس:

---

المشاركة الأصلية كتبت بواسطة mailo

النبرة مش تمام ليه ؟

---

قصدي نوبيرا مش تمام ليه ؟

كرولا 92 (الملكه)
لانسر كريستاله 94-98
دول فى رينج اواخر الاربعينات بس عيبهم انهم واطيين
كمان الهوندا سيفك 92-95 فى نفس الرينج بس ارتفاعها اعلى منهم حاجه بسيطه اوي
التلاته دول ياباني
الكوري (بعيد عن الدايو فى الاتوماتيك) فى الفيرنا 2005 ممكن تزيد الفين ولا حاجه بس عيبها انها مش واسعه
دول الى فى بالي دلوقتى وأكيد الاخوه الاعضاء هيقدرو يزودو كمان الاختيارات بالنسبه ليك

شكرا جدا جدا للمتابعة


معلش طيب فى كلام تانى

لو عاوز اشترى سيارة فى نفس المواصفات بس مش اوتوماتيك ايه رأيكم فى
1) اوبل كورسا

2) هيونداى اكسنت

3)كيا سيفيا

ايه احسن حاجة وايه عيوب كل سيارة منهم بالتفصيل وشكرا جدا جدا

والاخ الى كان بيسال ليه النوبيرا مش حلوة

انا بقولك انى فى ناس كتير اشتكو منها وكمان عامة الدايو وحشة فى الاوتوماتيك وفى صفة عامة الكورى

وارجو ان اكون قد وفقت فى اجابة سؤالك

وشكراا

لو هيونداي نيو أكسنت تبقى كويسه، ما سمعتش عن حد إشتكى من الفتيس الأوتوماتيك بتاعها، لكن لو أكسنت قديمه ما أنصحكش. غالباً هاتكون مستهلكه أوي.

جرب تبص برضه على بروتون ساجا أوتوماتيك مستعمله، ممكن أوي تكون قريبه من رينج الـ 55 ألف عشان هي كانت جديده بـ 69 في أول 2010.

مشكور جدا على الردود بس انا كنت بسأل على عيوب السيارات الى انا ذكرتها سابقا الى هى
1) اوبل كورسا

2) هيونداى اكسنت

3)كيا سيفا

المرة ده انا بسأل على دول عامة مش على الوتوماتيك ايه رأيكم فيهم

وعلى فكرة يا اخ marsguy انا اخرى فى الفلوس 50000 مش عاوز اكتر جنيه واحد لان لو انا هجيب مستعمل ب50000 لازم مصرفش عليها كتير لان ده اخرى وشكرا جدا على اهتمامك واهتمامكم

1) أوبل كورسا : عربيه حلوه وشكلها لذيذ هتكون فى رينج 45-55 موتورها كويس واستهلاكه للبنزين اقل من الفيكترا التسعينات
عيوبها : قطع غيارها اغلى سنه من الكوري - مش واسعها من جوا - ثباتها اقل من باقى عائلة اوبل

2) هيونداي أكسنت : لو القديمه تبقى فئه اقل من الفئه الى بنتكلم عليها لو النيو اكسنت (خلاص مبقتش نيو بقى بعد نزول الار بي :grin54:) او الرابيت على وجه التحديد فبتبدأ من 55 الف للمانيوال واهم حاجه بتميز الرابيت هيا استهلاكها للبنزين القليل جدا وسحبها حلو ومنتشره واسعار قطع غياره كويسه
عيوبها : فى المانيوال سعات طقم الدبرياج بيحتاج يتغير على فترات متقاربه - وفى بعض الموديلات (سنه او اتنين ) ظهرت بعض المشكال فى الدريكسيون الى ان تم تغيره فى الموديلات الاحدث - الاتوماتيك منها بيبدأ من 60 لو تقدر توصل للمبلغ ده تبقى اختيار ممتاز نظرا لحداثة الموديل (ساعتنها ممكن تدخل فى منافسه مع الاوبل فيكترا 2001 اتوماتيك 1600)

3) كيا سيفيا : هتكون فى رينج 40-42 مو99-01 وهيا عربيه ممتازه جدا بالنسبه لسعرها موتورها 1500 لكن نشيط ويتفوق على عربيات 1600 - ثباتها كويس جدا (اثبت من الكورسا والرابيت) ومن جوا واسعه جدا (اوسع من الاتنين برضو)
عيوبها : صاجها ضعيف جدا جدا يعنى اى حاجه بتبان فيه - في منها مانيوال واتوماتيك (الاتنين بنفس السعر تقريبا) الاتوماتيك فيها قد يكون افضل من الدايو لكن لا يرقى للاوتوماتيك فى الياباني

تحياتي

أقول لك على اللى انا مجربها
لانسر 99 اتوماتيك
واسعة و يعتمد عليها و قطع غيارها متوفرة و الفتيس الاتوماتيك ممتاز و ما لوش اى مشاكل و الحمد لله و اعتقد انها فى نفس حدود ميزانيتك
و موضوع انها واطية ده مش للدرجة اللى الناس بتقولها و عربيات كتير زيها
أى سؤال انا تحت أمرك
ربنا يوفقك للخير

هز السعر شوية وهات ميجان 2005 حتبقى في حدود 55- 60 ألف جنيه بحالة فابريكة ومتسدقش كل الإشاعات إللي بتطلع عالعربية المحترمة دي أنا إن شاء الله حجيب واحدة بانوراما قريب
هات ميججججججججججججججججججججججج ااااااااااااااااااااااااا اااانننننننننننن

انا اشكرا جدا اعضاء المنتدى كلهم على الردود الحلوة ده وبخصوصا sha2e و أبو_حمزة و شاهين - بنز اشكرهم جدا جدا

وانا كنت بقول يعنى من الاخر بجد عشان انا خلاص بجد زهقت لو هشترى مستعمل دلوقتى واخرى اخرى اخرى 50000

اشترى ايه ويكون الكلام مضمون 100% وياريت طبعا تكون موديل حديث شوية مثلا 2001 2002 2003 2004 2005 كده يعنى بس احنا حوالى 5 افراد ومش مهم قطع الغيار انشاء الله هنحافظ عليها وكل واحد ونصيبة

وشكرا جداجدا جدا جدا جدا جدا جدا جدا جدا

معلش يا جدعان انا عصرت دماغى وفى الاخر فى 3 سيارات اوتوماتيك او مانيول

1) اوبل كورسا

2) كيا سيفيا

3) كيا سبكترا

ايه رايكم ايه احسن فيهم وعارف ان السبكتر تكملة للسيفيا لكن ايه الافضل فى 3 سيارات دول عشان ناوى انى اشترى خلاص

وفيه سيارة معروضة قدامى كيا سبكترا 2004 وفيها الحاجات ده

مريات كهرباء * زجاج كهرباء * إريال كهرباء * جنوط إسبور * أتوماتيك * باور * تكييف * سنتر لوك * جهاز إنذار * كاسيت cd * ليست بحاجه لأى مصاريف 1600 س س
و سعرها 52000 ممكن افاصل معاه وانزلها 50000 عشان ده اخرى ايه رأيكم فيها وفى السيارات الاخرى

الاسبكترا عربيه جميله وثباتها ممتاز جدا يقترب من ثبات الالمانى وموتورها كويس
عيبها الوحيد قطع الغيار مرتفعة الثمن بدون مبرر بالاضافه الى صعوبه الحصول عليها
لكن كعربيه من جوا كويسه وثباتها ممتاز
بخصوص المعروضه امامك فسعرها في رأيي 49 ولابد من التأكد والكشف على السياره جيدا - والتأكد من انها فابريقه من الداخل بالكامل وكذلك التأكد من حالة الفتيس بدقه

وبخصوص الترشيحات انا ارشحلك نيسان صنى 2001 اتوماتيك ودي بتكون تقفيل ياباني مش مصري وموتورها 1300 اقتصادي فى البنزين وبتكون فى رينج 52 الف (معتقدش ان الالفين جنيه هما الى هيكونو مشكله)
ولو تقدر تصبر على الشراء شويه يكون افضل (لان دلوقتى يعتبر الموسم والعربيات بتكون كلها شدا فيه شويه)

تحياتي

اشكرك جدا يا sha2e على الردود الحلوة ده واهتمامك
وانا لاحظت من كلامك انك مكلمتش على الاوبل كورسا يعنى ممكن تكون مش اوى وكمنان السبكترا بالنسبة لقطع الغيار انا اكيد لو حفظت على الحاجة نوعا ما ممكن تستمر معايا لكن اكيد لو حصل حاجة هتظبت عشان اجيب الحاجة ده

والنيسان صنى انشاء الله هبص عليها كويس تانى لانى بحثت عنها سابقا بس لقيت الموتور 2000 :crying2: فقلت بلاش بس هبص عليها تانى

وشكرا جدا جدا جدا جدا :16:

لا يا فندم اتكلمت على الاوبل كورسا وهيا عربيه جميله لكن عيبها انها ضيقه شويه من ورا وكمان مفيش منها اتوماتيك وده كلامي الموجود فى آخر الصفحه الاولى

اقتباس:

---

المشاركة الأصلية كتبت بواسطة sha2e

1) أوبل كورسا : عربيه حلوه وشكلها لذيذ هتكون فى رينج 45-55 موتورها كويس واستهلاكه للبنزين اقل من الفيكترا التسعينات
عيوبها : قطع غيارها اغلى سنه من الكوري - مش واسعها من جوا - ثباتها اقل من باقى عائلة اوبل

---

رأيي الشخصى انك مش لازم تلتزم بنوع او موديل معين حاول تتفرج والفيصل الحاله مش نوع العربيه او الموديل بتعها
لانك لو حددت رينج معين هتلاقى كل عربيه من العربيات الى سعرها فى الرنج ده بتكون متميزه فى نقطه ومش متميزه فى نقطه تانيه وكده هتشتت نفسك يعنى مثلا تلاقى الثبات على حساب الموديل او المتانه على حساب سعر قطع الغيار او استهلاك البنزين على حساب الوسع وهكذا
ولو فى عربيه متميزه عن باقي الفئه فى أكتر من نقطه هتلاقي سعرها غلي عشان تنافس فئه اعلى او رينج اغلي
عشان كده ارجع واقولك فى المستعمل متحصرش نفسك فى عربيه معينه اعرف مميزات وعيوب كل نوع وانزل اتفرج والى تلاقى حالتها كويسه وانت مرتاح فيها وعجباك خلص فيها بعد ما تكشف عليها كشف دقيق طبعا
وربنا يوفقك للأصلح ان شاء الله

تحياتي

شكراااااااااااا

اشكرك جدا يا استاذ sha2e وكمان انا ركزت شوية على ميتسوبيشى لانسر اوتوماتيك او مانيول فى ناس بتقول انها تساوى او تفوق شوية على النيسان صنى لكن عادى وفى كمان ناس سمعتهم بيقولوا ان الانسر عيبها انها واطية عن الارض فهل الكلام ده صحيح وهل الارتفاع الصغير بتاعها ده بيأثر جامد على السيارة عشان عاوز اطمن على العيب ده وبس

وشكرا جدا يا استاذ sha2e

السلام عليكم اولا

نصيحه ليلك من اخوك الصغير

ابعد عن اي عربية مستعملة واسال مجرب ال 50 اللي معاك ممكن تدفعهم مقدم لحاجة جديدة وتقسط

ممكن ساجا اتوماتيك او جيتز يعني شوف الاسعار

لكن مستعمل لا ااااااااااااااااااااااااا اااااااااااا

اخوك الصغير .ابو عبد الله

انا بحترم رأيك لكن والله انا فكرت كتييييييييييييييييييييييي ر اوى فى الحكاية ده ولقيت انى هدفع تقسيط كتييييييييييييييييييييرر

لانى لو دفعت 50000 مقدم كده انا مش معايا فلوس خاااااااااااااااااااااااا اااااااالصصص فهمت بس هى ده الحكايا

وبرده انا بسأل تانى وبقول

اشكرك جدا يا استاذ sha2e وكمان انا ركزت شوية على ميتسوبيشى لانسر اوتوماتيك او مانيول فى ناس بتقول انها تساوى او تفوق شوية على النيسان صنى لكن عادى وفى كمان ناس سمعتهم بيقولوا ان الانسر عيبها انها واطية عن الارض فهل الكلام ده صحيح وهل الارتفاع الصغير بتاعها ده بيأثر جامد على السيارة عشان عاوز اطمن على العيب ده وبس

وشكرا جدا يا استاذ sha2e

اللانسر كريستاله و الكرولا الملكه انا رشحتهم لحضرتك فى اول مشاركه ليا فى الموضوع
وانا شايف انك لو هتجيب واحده منهم هاتها اتوماتيك افضل لأن الاتوماتيك فيهم ممتاز وحضرتك ميال اكتر للاتوماتيك
بخصوص الارتفاع فهوا باين فى العربيتين دول اوى لسببين:
1) ارتفاع جسم السياره عن الارض مش كبير
2) ارتفاع الكراسي داخل السياره نفسها منخفض (يعنى المسافه بين الكرسي والارض صغيره والمسافه بينه وبين السقف كبيره) وده بتلاحظه لو واحده او واحد قصيره راكب العربيه -من غير اعادة تنجيد الكراسي- بتلاقيهم مش باينين من العربيه :grin54:
وده الى بيعزز الاحساس ان العربيه واطيه اوي
لكن فى المقابل الوضعين دول بيعطو للعربيه ثبات كبير جدا جدا فى السرعات والمنحنيات
وبعدين مسألة الوطو متعتبرش عيب اوى لأنك ممكن تتغلب عليها بسهوله لو كانت بتسببلك مشاكل عن طريق تعلية العربيه وتظبيط السوست والمساعدين
وفى عربيات كتير لانسر وكرولا معليينهم حاجه بسيطه ومظبطين العفشه ومبتحكش فى المطبات ولا حاجه

وبخصوص اللانسر لو عجباك حاول متستعجلش فى الشرا لاتها عربيه مطلوبه فى السوق وبالتالى اغلب المعروض بيكون اتباع لاكتر من مره واكيد اتبهدل جاااامد فحاول انك تصبر لحد ما تقع قدامك حاجه نظيفه مش متهانه عشان متبهدلكش معاها

تحياتى