الحوادث ..الموقف القانونى

**محمد ابراهيم 1** · 13-05-2008 09:34 PM

السؤال الرابع
لو عربيتى إتخبطت أعمل إيه ؟ طريقه السؤال توحى وتدل على أن السائل مش غلطان نهائيا
توجد حالتين لهذه المسأله
الحاله الأولى الطرف الثانى معلوم
الحاله الثانيه أن الطرف الثانى مجهول مثال (عربيتك مركونه وتيجى تركبها تلاقيها مخبوطه )
بالنسبه للحاله الأولى
لو عربيتك متأمن عليها تأمين شامل ومفيش حل ودى بينك وبين الطرف التانى يبقى لازم بلاغ لشرطه النجده( لإثبات حقك )التى تأتى لعمل معاينه لظروف الحادث وإصطحاب الطرفين للقسم التابع له مكان الحادث لتحرير محضر بالواقعه وسؤال الطرفين ثم الإفراج عن الطرفين من ديوان القسم بدون عرض على النيابه (فى حاله عدم وجود إصابات من جراء الحادث )
وبعد عده أيام قليله يذهب المحضر من القسم إلى النيابه التى تتصرف فيه بقيده مخالفه وتأمر بتغريم المخطىء مبلغ لا يزيد عن 70 جنيه
وعقب ذلك يذهب المضرور إلى النيابه للحصول على صوره رسميه لتقديمها إلى شركه التأمين حتى تتكفل بالإصلاحات
لو السياره غير مؤمن عليها يتم إتباع نفس الخطوات السابقه بالكامل حتى يتم الحصول على الصوره الرسميه من المحضر ثم يتم رفع دعوى تعويض على المخطىء لإلزامه بكل تسبب به من خسائر لصاحب السياره ( يشمل ذلك مصاريف الإصلاح + نسبه إنخفاض قيمه السياره + أى تكلفه أخرى ) بتعبير قانونى كل ما لحق المضرور من خساره أو فاته من كسب

الحاله الثانيه الطرف الثانى مجهول
لو السياره مؤمن عليها يتم إتباع نفس الإجراءات السابق ذكرها بالكامل
(لو من الممكن تحريك السياره قم بقيادتها إلى القسم وقم بعمل المحضر وسوف يقوم محرر المحضر بعمل معاينه لها مثبتا ما بها من تلفيات )
لو أثر الحادث على السياره وأصبح لا يمكن تحريكها يبقى بلاغ لشرطه النجده

الحاله الأخيره لو الفاعل مجهول والسياره غير مؤمن عليها
يبقى عوضك على الله

أى إستفسارات أنا فى الخدمه

**sab3aawy** · 13-05-2008 09:40 PM

المشاركة الأصلية كتبت بواسطة محمد ابراهيم 1

السؤال الرابع
لو عربيتى إتخبطت أعمل إيه ؟ طريقه السؤال توحى وتدل على أن السائل مش غلطان نهائيا

مجموعة من الرسائل ولا اروع افادنا بها رجل قانون محنك

شكرا جزيلا يا استاذ محمد على المجهود الفائق ، فعلا وجود ناس مثلك هو مكسب للمنتدى

**محمد ابراهيم 1** · 14-05-2008 01:36 AM

المشاركة الأصلية كتبت بواسطة sab3aawy

مجموعة من الرسائل ولا اروع افادنا بها رجل قانون محنك

شكرا جزيلا يا استاذ محمد على المجهود الفائق ، فعلا وجود ناس مثلك هو مكسب للمنتدى

شهاده أعتز بيها وإن كنت لا أستحقها
آجى فين جنب خدماتك للمنتدى يا سبعاوى باشا

**AhmedGen2** · 14-05-2008 02:03 AM

ابلغ شرطة النجدة ازاى مش فاهم ؟ اطلب 122 ؟ واقولهم ايه فى التليفون بالظبط اصلى عمرى ماكلمت الندة قبل كدة صراحة .

**polo61** · 18-05-2008 06:45 PM

شكرا لكل معلومة مفيدة
بجد منتدى رائع واعضاء فى قمة الرقى والتعاون وحب الخير للناس

**onsi** · 18-05-2008 10:12 PM

كل الكلام اللى فات دة جميل جدا, بس اى الحل لو ان الناس نفسها هاجمتك او كسرتلك العربية فى 90% من حالات الحوادث وخصوصا فى اللاماكن الشعبية زى شبرا او العتبة, السيدة, مصر القديمة, القللى وكتير تكون ماشى بالصدفة وفجأة تلاقى تجمع شعبى حواليك وطبعا هتخاف تنزل من العربية لان الناس دى طبعها حامى غير الغل والحقد اللى جواهم ضد كل واحد راكب عربية ودى برضة بسبب الفقر ولو اتصلت بالنجدة فالعربية هتكون حتة خردة لغاية النجدة ماتجيلك دة لو ردوا على التليفون اصلا
وكل واحد واقف حواليك يسبك ويشتمك بجميع الالفاظ اللى سمعتها والجديد كمان وحتى زبال الشارع ممكن يقوللك ادينى رخصك وحجات كتير اوى حصلت وبتحصل...... بس يا ريت تيجى على الشتيمة وبس!!!!!!!!

**محمد ابراهيم 1** · 19-05-2008 12:06 AM

المشاركة الأصلية كتبت بواسطة onsi

كل الكلام اللى فات دة جميل جدا, بس اى الحل لو ان الناس نفسها هاجمتك او كسرتلك العربية فى 90% من حالات الحوادث وخصوصا فى اللاماكن الشعبية زى شبرا او العتبة, السيدة, مصر القديمة, القللى وكتير تكون ماشى بالصدفة وفجأة تلاقى تجمع شعبى حواليك وطبعا هتخاف تنزل من العربية لان الناس دى طبعها حامى غير الغل والحقد اللى جواهم ضد كل واحد راكب عربية ودى برضة بسبب الفقر ولو اتصلت بالنجدة فالعربية هتكون حتة خردة لغاية النجدة ماتجيلك دة لو ردوا على التليفون اصلا
وكل واحد واقف حواليك يسبك ويشتمك بجميع الالفاظ اللى سمعتها والجديد كمان وحتى زبال الشارع ممكن يقوللك ادينى رخصك وحجات كتير اوى حصلت وبتحصل...... بس يا ريت تيجى على الشتيمة وبس!!!!!!!!

الكلام ده واقعى فعلا للأسف الشديد
وعليه فإن الخبره الحياتيه ترشدنا إلى الحل للتغلب على هذه المشاكل
وعليه فإن النصيحه فى هذه الحاله هى إن قائد السياره يقوم بأخذ المصاب فى سيارته والإنطلاق به إلى أقرب مستشفى قبل تجمع الأهالى وتنظيم صفوفهم والبدء بالتكسير

وهذا الحل فيه الكثير من المميزات
منها عدم الإحساس بالنداله مع المصاب
وكذا الإسراع بعلاجه
وإتقاء شر قطاع الطرق واللصوص

ويعيب ذلك الحل عدم إثبات ظروف الحادث فى الأوراق ولكن يعادلها إثبات نقلك للمصاب للعلاج
ويمكن التغلب على هذه الملاحظه بشهاده الشهود

**tmz9111** · 19-05-2008 01:57 AM

المشاركة الأصلية كتبت بواسطة محمد ابراهيم 1

السؤال الثانى لو خبطت عربية اعمل ايه؟
لو حصل تصادم بدون إصابات فهذه عباره عن مخالفتين فى القانون
الأولى هى إتلاف منقول من منقولات الغير بإهمال
والثانيه هى مخالفه قياده مركبه آليه بحاله ينجم عنها الخطر
الأولى عقوبتها الغرامه التى لا تزيد عن 50 جنيه طبقا لنص الماده 378 فقره 6
الثانيه عقوبتها الغرامه التى لا تزيد عن 50 جنيه طبقا لنص المواد 1و 3 و 4 و 77 من القانون 66 لسنه 73 المعدل
المهم إذا لم ينجح الحل الودى يتم إبلاغ النجده التى تحضر لعمل معاينه للحادث وكيفيه حدوثه مع إثبات التلفيات التى حدثت فى كل سياره ثم يتم إصطحاب الطرفين إلى قسم الشرطه لتحرير محضر وسؤال الطرفين والشهود إن وجدوا
ثم يتم إخلاء سبيل الطرفين من القسم بدون عرض على النيابه (وذلك لأنه لا يجوز حجز أحد لإرتكابه جريمه غير معاقب عليها بالحبس )
وبعد ذلك يرسل المحضر من القسم إلى النيابه التى تتصرف فيه بتغريم المخطئ فى حدود الغرامه بعاليه
وبعد ذلك يستطيع المضرور الحصول على صوره رسميه من المحضر ثم يرفع بموجبها دعوى تعويض على المخطئ لإلزامه بتعويضه عن الأضرار التى حدثت له من الحادث والأضرار تشمل ما تم إنفاقه لإصلاح السياره وكذا قيمه ما إنخفض من ثمن السياره وكذا قيمه إفتراضيه لفتره تعطل السياره فتره إصلاحها إلخ
وبمعنى قانونى (يشمل التعويض كل ما لحق المضرور من خساره أو فاته من كسب )

شكرا ‘لى المعلومات
و لكن لى سؤال لو حدثت حادثة من الذى سيدفع التعويض صاحب السيارة أم الذى يقوم بقيادتها مثل صديق مثلا

**MMamdouh** · 19-05-2008 10:28 AM

المشاركة الأصلية كتبت بواسطة tmz9111

شكرا ‘لى المعلومات
و لكن لى سؤال لو حدثت حادثة من الذى سيدفع التعويض صاحب السيارة أم الذى يقوم بقيادتها مثل صديق مثلا

لا دة ولا دة

التعويض بتدفعة شركة التامين اللى صاحب العربية اشترى منها وثيقة التامين و هو بيرخص العربية

MMamdouh

-

الموضوع: الحوادث ..الموقف القانونى

LinkBack

أدوات الموضوع

عرض

-

-

-

-

-

-

المواضيع المتشابهه

ايه الموقف القانونى من ابراج تقوية شبكات المحمول

افيدونى من ناحيه الوضع القانونى

مستشارك القانونى المجانى

ما هو الأجراء القانونى فى هذة الحالة

السن القانونى للرخصة

الكلمات الدلالية لهذا الموضوع

المفضلات

المفضلات

ضوابط المشاركة