امبارح واحد ابن حلال خارج من الشغل لقيته جايبلي الفردة اللي ورا على الارض بمطوة المهم استعوضت ربنا و قولت بلاش اعمل مشاكل قصاد شغلي خصوصا اني مشوفتش مين عمل كده ...

النهاردة بقى نزلت اسأل على كاوتش .. امبارح لفيت لفة في المنتدى كده لقيت متوسط سعر الكاوتش 275 ~ 300 جنيه ده تقريبا البريدجستون و انا نازل بقى اشوف الاسعار دي دخلت لاتنين في شارع البحر الاعظم مقاس الكاوتش اللوجان 15\65\186 سألته قالي البريدجستون عامل 520 و عنده بريللي صناعة 2008 عامل 300 جنيه و انواع تانية كده الاسعار فوق ال400 انا قولت ايه الجنان ده !!

المهم ربنا رزقني بواحد من اللي شغالين عنده قالي في مستعمل قولت لذيذ الموضوع ده طالما انا كده كده كلها 10000 كم و هغير الكاوتش كله المهم استنضفت فردة كده و كانت نقشة قريبة و نضيفة نوع هانكوك و النقشة مش متهانة قولتله بكام دي قالي 200 جنيه المهم خدتها ب 100 بالتركيب و حطيتها استبن و طرت على البيت