الموضوع: اللمبة راحت فين

السلام عليكم ورحمة الله وبركاته >>>

لو امكن لو في صورة تاني لطابلوه العدادات كامل,

ممكن يكون فيشه من الفيش اللي راكبه ع الطابلوه من وراء, واحده راكبه مكان التانيه ,,,

او الطابلوه ممكن يكون زي بتاع المرسيدس لو اتفك ممكن يتجمع غلط وتتركب الباغات المرسوم عليها الرسومات الداله علي وظيفة اللمبه باسفلها واحده راكبه مكان التانيه ,

بس في الاغلب الاحتمال الاول هو الاقرب للصحه..

اشكر حضرتك على الرد والمشكلة انا معنديش اى رسمة فى التابلوه تدل على انها لمبة الزيت باستثناء لمبة الزيت اللى على الكمبيوتر على اليمين وطبعا مش شغالة لان الكمبيوتر لا يعمل ودى صورة للتابلوه بالكامل والجزء اللى ناقص فقط هو كمبيوتر الاعطال اقصى اليمين وحضرتك لو كبرت الصورة مش هتلاقى علامة لمبة زيت نهاءى ولكن هل انا صح عندما اكتشفت ان لمبة الزيت هى المضاءة على اليمين فى الصورة الاولى ام ليست هى ؟

السلام عليكم ورحمة الله وبركاته

اولا لا شكر علي واجب,,,انا كنت ناسي ان الريجاتا فيها اللوحه اللي ع اليمين خالص.

فعلا لمبة الزيت فيها بتكون,بس طالما حضرتك جربت من بره ع الصباع بتاع الزيت وفصلت السلكه بتاعته واللمبه فصلت ف الطابلوه . يبقي كلام حضرتك صحيح,ولما بتشغل العربيه اللمبة بتطفي هي دي بتاعت الزيت,
افتح كونتاك وفي فرده رفيعه خارجه من الدينامو افصلها وشوف اللمبة التانيه هاتفصل ولا لا؟ لو فصلت يبقي هي دي لمبة الدينامو اللي بيكون مرسوم عليها اشارة البطاريه.

تحياتي لك...