الزينون شغال واطى فقط

**mrghost** · 21-07-2011 08:42 PM

انا بالفعل عامل كتاوت خارجى

**MMIIDDOOALEX** · 17-08-2011 12:41 PM

بص يا باشا انت الاول خلى الكهربائى اللى ركبلك الزينون يفك اللمبه و يجربها على البطاريه يعنى يوصل طرف بالكهرباء و طرف ارضى قله كده بوعدين لو اللمبه اشتغلت و قعدت تدى صوت العلى و الواطى و شفت بعينك حركه اللمبه و هيه بتدخل و بتطلع ذى الابره يبقى سليمه و خليه يكشف على الظفيره او على الجهاز انا كان عندى نفس المشكله

**theking_med** · 17-08-2011 02:22 PM

المشاركة الأصلية كتبت بواسطة ramyhekal

لو عندك كتاوت للنور راجع على كتاوت العالى ضرورى قبل اى حاجه

المشاركة الأصلية كتبت بواسطة braveheart911

السبب من الضفيره بتاع الزينون وممكن لو رحت لكهربائى يعملها كتاوت خارجى هتشتغل معاك

انا كانت عندي المشكله ديه وبتحصل لما تغسل العربيه الكتوات الي جايه مع الزينون بتملح فا مبتديش الاداء انت تخلي الراجل يفكلك الفيشه بتاعت الكتوات وممكن انت تفكها في الاول تبص عليها وشوف لو حليها ابيض "ملح" تحاول نظفها او الكهربائي بينظفها بفرشه وغاز وهترجع زي الفل ان شاء الله ده لو العيب من الكتوات وغالبنا بيكون من الكتوات لو اللمبتين فصلوا مره واحده مش واحده بس

**hko** · 18-08-2011 05:21 AM

روح يا باشا للى اشتريت من عندة لو معاك ضمان و خليه يشوف لو باظ يغيرهولك

+111111

**MuhamedNabil** · 18-08-2011 12:38 PM

النور الواطى بيكون اللمبة برة يعنى لو قيست المسافة من اول القعدة لحد الكبسولة المدورة الجواها الغاز المسافة تقريبا 1.4-1.5 سم و لما بتشغل العالى اللمبة بتتسحب لجوة 0.5 سم.
ممكن الجزء البيسحب اللمبة بايظ بس صعب الاتنيين يبوظوا مرة واحدة ممكن فيوز العالى , على العموم ممكن تجرب القلاب بتاع اللمبة منغير متشغل النور , حتلاقى فيشة صغيرة قوى طالعة من اللمبة دى بتاعت القلاب لو جربت تدليها 12 فولت المفرض تشوفها بتتسحب جوة.
ممكن بردة تحط لمبة هالوجين و تجرب العالى حيشتغل فيها و لا لا

**mrghost** · 19-08-2011 02:03 AM

بص ياباشا انا فعلا عندى اللمبتين خارجين لبره ولما بدخلهم بأيدى لجوه واقلب نور يرجعوا تانى لبره وأتأكدت ان الفيوزات سليمه وكمان جربت اقلب نور من ضفيره الزينون نفسه وبرضه نفس العيب موجود

**MuhamedNabil** · 19-08-2011 02:35 PM

لو مفيش ضمان و الانت اشتريت منه باعك يبقى فك القعدة بتاعت اللمبة عشان تشوف الجزء الداخلى , الوضع بتاع النور الواطى ان تكون اللمبة برة و لما تشغل العالى اللمبة بتتسحب لجوة, البيعمل كدة ملف صغير لما بتوصله كهربة بيعمل مجال مغنطيسى و بسحب الجزء القاعدة عليه اللمبه.
لو فتحت اللمبة حتلاقى 4 اسلاك 2 بينوروا اللمبة و 2 بتوع الملف ممكن يكون اللحام بتاع الملف فك من السخونية و ممكن الملف نفسه اتحرق.
الافضل انك تحاول مع التاجر عشان يغيرهملك