السلام عليكم :
ياجماعه انا عربيتي لانوس 1 موديل 99 كنت شاريها وهي عاملة 119100 كيلو وطبعا غيرت سير الكاتينه والبوجيهات والزيت و فلتر الزيت (ده اللي فاكره دلوقت) ام هند انا أول مره أركب عربيه ونسيت موضوع الزيت ده خالص لحد ما اكتشفت امبارح ان العربيه عامله 125400 كيلو
علطول رحت بصيت علي الزيت لقيت العلامه عند max والزيت طبعا اسود وبصيت علي لزوجته واللزوجه بتاعه شويه من اللي في الجركن بصراحه حسيت ان الدنيا مش بعيده قوي يعني وقبل ما اسخن و اعمل اي تصرف متهور قلت ابص بصه علي رجاله المنتدي الأفاضل ذوي الخبره عاملين ايه وايه النصايح
وهنا كانت المفاجئه
1-تشتت تام في الأنواع (موبيل - شيل هيلكس - باور سنث - توتال - كاسترول إيدج ) واشي مصري واشي اماراتي واشي مصري اماراتي
2- mobil super xhp اللي يقول بيعمل 3000 كيلو واللي يقول 5000 كيلو طبعا دا غير الشكل الجديد والشكل القديم
انا ماكدبتش خبر رحت علي بنزينه caltex ودي القريبه من البيت لاني ساكن في الكتوبر لقيت الاتي:
1- زيت mobil super xhp ب 116 جنيه غير 5 جنيه تغيير وطبعا الشكل الجديد زي ما قريت برده في المنتدي هنا اللي مكتوب عليه super 1000 بس الجديد انه قالي ان ده او ده 5000 كيلو مش 3000
2- زيت شيل هيلكس الأصفر واللي منصوح بيه من ناس كتير زمايل هنا بنفس السعر و برده 5000 كيلو وده اللي نصحوني بيه
3- عنده اسلوبين للعمل المكنه اللي بتشفط او يفتح الطبه
4- عنده فلتر gm ب 27 جنيه
انا عارف انا انا طولت قوي بس معلش استحملوني انا اصلي مشتت ومش عاوز يضحك عليه وارجع اندم زي ما حصل قبل كده اسألتي بصوره واضحه كالتالي:
1- ما هي المخاطر اللي ممكن تكون حصلت في العربيه لما قعدن عدد الكيلوات ده ولا الدنيا بيس وماعدتش أعمل كده تاني وربنا ستر؟
2-ان شاء الله انا هاروح النهارده بعد الشغل علشان اغير الزيت طبعا اجيب ايه (super 1000 )اللي هو الشكل الجديد مع العلم ان عندي حوالي لتر قديم ولا (شيل هيلكس الأصفر) مع التساوي في السعر
3- لو كان موبيل ما مدي صحه الكلام اللي بيقول ان البنزينه اللي فيها on the run معتمده ومافيهاش مضروب ولو شيل اي مكان وخلاص ولا برده بنزينه شيل معينه ؟
4- استخدم ماكينه الشفط ولا يفتح الطبه عادي ؟
5- هل الفلتر ال gm اللي عنده ده شغال ولا ممكن يكون مضروب لاني اكيد مش هروح التوفيقيه ولا شارع دمش من أكتوبرعلشان اجيب فلتر ب 27 جنيه ؟
6- يفضل ال 3000 ولا 10000 مع العلم اني مش بسافر كتير قوي (استخدامي طبيعي يعني)؟
7- هل في نصايح أخري زي مثلا اقيس كميه الزيت اللي نازله علشان أعرف المكنه بتاكل زيت ولا لأ (ولا فيه اي حاجه تانيه)
8- حاجه أخيره انا هحط ان شاء الله ميه من الخضراء هل برده في نوع معين أو نصايح معينه والسعر تقريبا لو أمكن )
أأأأأأأأأأأأأأأأأأأأأأأأأ أأأأأأأأأأأأأأأأأأأأأأأأأ أأأأأأأأأأأأأاسف جدا وانا مكسوف منكوا من طول الشرح بس هو ده العشم ويمكن يجي اليوم اللي نفيد في اي حد وشكرا
ا
خلاصة الكلام :
اشتري زيت موبيل
غير الزيت كل 5000
الفلتر اشتريه اصلي من اي مكان
حط مية خضرا موبيل
المفضلات