أولا الف الف الف مبروك لصاحبك علي العربية الجميلة و متشكرين جدا جدا علي التقرير الرائع اللي حضرتك قدمته لينا و فعلا قرأته باستمتاع لأنك مفصل حاجات مهمة جدا
بالنسبة حضرتك للمشاكل اللي معاك و بصراحة انت بسطتني من هدوئك في سرد المشاكل ديه و علي فكرة كلها بسيطة جدا و هتتحل بدون ادني مشكلة :
1- بالنسبة لموضوع التكييف حضرتك هتلاقي المشكلة هو زيادة في شحن الفريون يعني عايز يتظبط .. فلو لسة المشكلة موجوده .. حضرتك ترجع للسبع تاني و هما هيظبطوه و متقلقش
2- بالنسة لموضوع الحدفة .. حضرتك قولت ان السبع عملها و قلت شوية بس انا بصراحة مش بحب جهاز ظبط الزوايا اللي في السبع .. معلش حضرتك هتاخد العربية و تروح محطة كالتكس اللي في تقاطع عباس العقاد مع النحاس بمدينة نصر .. هناك فرع بريدجستون عندهم جهاز ظبط زوايا محترم جدا و هيظبطوا العربية عليه
3- بالنسبة لموضوع العداد مش هيشترط اوي انه يكون الشرطة اللي في النص يبقي نص التانك و علي فكرة دي مرتبطه برده بعوامة البنزين فممكن يفول العربية معلش للآخر و يجرب تاني
4- بالنسبة بقي لموضوع الكراسي .. عشان تبقي مستريح في السفر بالذات .. عليك و علي شركة جينزكار في مدينة نصر تعمل فرش تفصيل محترم .. هتستريح كتير اوي في السواقة بعد تركيبه و معاك اهم اللينكات الخاصة بفرش جينزكار لنيسان صني
ده الفرش بتاعي اللي ركبته :
http://www.nilemotors.net/Nile/203522-a.html
و ده لينك لمجموعة تركيبات لنيسان صني :
http://www.nilemotors.net/Nile/204172-a.html
و فرصة كمان تبقي تركب فرش للارضية :
http://www.nilemotors.net/Nile/212022-a.html
مبروك مرة تانيه ..
م / بيشوي
المفضلات