الموضوع: انا كرهت غبور و eit و كل توكيلات حاجه تخنق!!!!!!1

بسم الله الرحمن الرحيم
النهارده كنت راجع من الامتحان من جامعه القاهره وداخل علي فيصل المهم وانا معدي علي اول فيصل ببص علي المعرض الابيض اوتوموتيف اللي انا مشتري منه السيراتو لاقيت العروسه واقفه اول عربيه علي وجهه المعرض قولت لازم اشوفها
المعرض هناك ناس حبايبي قعدت اشوفها اكتر من نص ساعه شوفت فيها كل حاجه كان ناقص امشي بيها
المهم
العربيه كانت اول فئه اوتو وكيل كانت عامله 125 الف جنيه !!!!!!!!!!
العربيه من جوه خامتها معقوله بس احسن من السيراتو اول فئه اوتو
والطابلوه شكله جميل والعدادات والكمبيوتر متطور عن السيراتو وزرار التحكم الخاص بيه موجود في الطاره
بصراحه العربيه مريحه جدا
وشكلها من الخلف حكايه
اللي مجنني السعر بتاعها
سؤال لاي حد تشتريها ب 125 ولا تشتري كيا سيراتو هاي لاين ب 126 الف كاميرا وسقف وabs abd وبلوتوث
فرامل ديسكات كماليات لاتعد كتييير اوووي

سبب الموضوع ليه العربيه نازل كامله ب 153 تقريبا ومش فيها dvd +auto parking
ليه ده اللي باين اكيد في حاجات ناقصه وشكل الكمبيوتر هنا مختلف عن اللي شوفتها
ليه العربيه مش نازل بموتور gdi ليه
ليه العربيه غاليه اوووووووي زي الكروز
لييه
انا بجد كرهت التوكيلات اللي في مصر
ولازم نشوف حل
العربيه دي لو اتقاطعت محدش اشتراها نربي غبور شويه
والمشكله ان العربيه غاليه وخدمه ما بعد البيع زي الزفت وعايز يلبسك كل حاجه ويشيلك كل حاجه
والشروط القاسيه مثلا لو ركبت زينون العربيه بره الضمان
لو ركبت انزار العربيه بره الضمان لييييييييييييييييييييييه ؟؟؟
بجد كده كتيير


اعذروني اذا كنت متحمس شويه
انا فعلن العربيه عجباني اووي وسعرها مش حلو خالص وانا عارف انها هتنجح نجاح خارق
وده اللي مضايقني اكتر
دي فيديوهات اللي خلتني اعمل الموضوع

[youtube]http://www.youtube.com/watch?v=zhEQd2d73ds&feature=player_detailpage[/youtube]
[youtube]http://www.youtube.com/watch?v=6ys4oQ3dJGQ&feature=player_detailpage[/youtube]


والسلام عليكم ورحمه الله

برجاء حذف هذا الموضوع