الموضوع: أرجوا المساعدة فى عربية فيات 124

لو سمحتوا انا كنت شارى عربية من فترة وكانت زى الفل ودلوقتى بقا فيها صوت خشونة فى الماتور لما ادوس بنزين وبقا فى صوت صفارة متقطعة طالعة من وش السلندر وفى حد قالى انها ممكن تكون من الزيت علشان تقيل انا كنت بحط تعاون وحطتلها زيت موبيل فا كنت عايز اعرف صوت الخشونة دة جية من اية وصوت الصفارة دة الى فى وش السلندر هل الزيت مش واصل ولا فى سدد فى مخارج الزيت ولا الطرمبة الزيت بقيت ضعيفة ومش بتوصل زيت لعمود التاكيهات ياريت الافادة

المشاركة الأصلية كتبت بواسطة mrastra

اولا بما انك خايف ان يكون الزيت ما بيطلعش لفوق
فك غطا التاكيهات والعربية دايرة وشوف الزيت واصل لفوق وبيقلب ولا لا
اما سبب الصوت اللى عندك وبحكم انها فيات 124 واعتقد ان الموتور عندك كاتينة جنزير فاممكن تكون الكاتينة رخت وهى اللى بتعمل الصوت دة
فلو هى مصدر الصوت حلها سهل جدا جدا اى ميكانيكى يربط البلف شوية الى ان صوت الموتور يهدى
بالتوفيق

شكرا ياباشا انا روحت للمكانيكى وطلع فى شوائب فى البيانوا فالحمد لله تمام متشكر جداً