-
رأى حازم صلاح ابو إسماعيل فى ما يحدث وفى المجلس العسكرى
-
كلام محترم جدا طالع من راجل قلبه على البلد مش كل همه انه يفتح حوار مع امريكا زى بعض الناس
-
أبو إسماعيل ده عبقري
سبحان الله فكره متميز جدا
ربنا يهدي الحال والبلد تستقر على بر
-
الراجل ده كل يوم اكتشف فيه حاجة جديدة .. بس يا خوفى من المجلس العسكرى !
-
اقتباس:
المشاركة الأصلية كتبت بواسطة m3_dolphen
الراجل ده كل يوم اكتشف فيه حاجة جديدة .. بس يا خوفى من المجلس العسكرى !
أنا بحترم الراجل ده أوي صاحب مبدأ لم يتلون ولم يتحول مثل عمرو موسى وسليم العوا
رغم اني بحب البرادعي كعقليه سياسيه واداريه فريده بعتبر الشيخ حازم صلاح اضافه مميزه للحياه السياسيه المصريه وشايف انه والبرادعي مكملين لبعضهم
ودمتم
-
اقتباس:
سليمان وشفيق يستعدان لحمله انتخابه قويه على الانترنت
انزعجت لما قريت الخبر ده
لا مقارنة ما بين البنبوني و اصدقاء اولاد العم و الراجل الفاهم المحترم الشيخ حازم
و زي ماقالوا : نحن مثل الزوجة التي تعلم بخيانة زوجها و لا تستطيع الحديث خوفا من خراب البيت
-
بلد مقرفه
انا زهقت
نزلنا التحرير من يوم 26
ومررضنا واتبهدلنا
وبرضو اللي ماسكينها هما هما
والله انا عايش فيها شويه علي اي حال
لغاية ما ربنا يكرمني واعرف اغور منها
وخليهالهم بقي
حاجه تقرف وتغم
ويقولك الجيش خط احمر
ربنا يخليلهم الخط
وادي دقني اهه لو ممسكناش واحد عسكري تاني
-
امبارح كنت مع ناس مصريين جايين من السعوديه وفي منهم اساتذة جامعه زعلانين على عمر سليمان واحمد شفيق وبيشتموا البرادعي ووائل غنيم بيقولوا ان كان زمان عمر سليمان ظبط البلد وخلص على البلطجيه بصراحه الواحد مش عارف ايه نوع الفيروسات اللي معششه في دماغ الناس دي
-
اقتباس:
المشاركة الأصلية كتبت بواسطة memo_p910
امبارح كنت مع ناس مصريين جايين من السعوديه وفي منهم اساتذة جامعه زعلانين على عمر سليمان واحمد شفيق وبيشتموا البرادعي ووائل غنيم بيقولوا ان كان زمان عمر سليمان ظبط البلد وخلص على البلطجيه بصراحه الواحد مش عارف ايه نوع الفيروسات اللي معششه في دماغ الناس دي
للاسف بنسبة 99 %
اللي هيمسكنا عسكري
مش هينفع يسيبوها لواحد نضيف لانه هيبهدلهم
:I_angr1[1]:
مش بشتم في العسكريين بس قصدي واحد من الشله
-
لكل واحد عايز رئيس عسكري
انا كنت في منشأة تعليمية عسكرية تقدم خدماتها للمدنيين من كام يوم
موقف رقم 1:
ممنوع تخش بال iPad لاحسن "ده كمبووطر و ممكن تعمل بيه "هكرز" عالسيرفر"
موقف رقم 2:
دخل ملازم الفصل ياخد الغياب ...... المدرس مدني على فكرة ..... و ملاااااااااازم يعني لا مؤاخذة وقت ما انا اتخرجت و اشتغلت و قبضت مرتب و ركبت عربية كان هو في اولى اعدادي بياخد مصروف من ماما !!!!!!!!! يعني حتى المفروض يحترم فرق السن
لقاني حاطط رجل على رجل (عشان البهوات حاطين كراسي بس من غير مكاتب فحاطط رجل على رجل عشان اسند على ركبتي و اكتب)
قال لي نزل رجلك
قلت له ليه
قال لي التعليمات ..... ممنوع تحط رجل على رجل داخل (.......) "اسم المنشأة"
..........
ثالثة الأثافي كانت لما الحصة خلصت قبل ميعادها بحوالي 40 دقيقة ...... بس عشان التعليمات بممنوع المغادرة قبل نهاية المحاضرة قعدنا محبوسين زي التلامذة لحد ما الميعاد جه و مشينا
و من يوميها و انا حالف ما اطلع جنيه من جيبي و ادفعه لأي منشأة عسكرية خدمية بتخدم المدنيين ان شالله يا رب يكون تمن قطعة جاتوه من حلواني دار الدفاع الجوي !!!!!!!