قيادة سيارة ليست باسمي

**ahmdmagdy** · 05-07-2011 02:45 AM

المشاركة الأصلية كتبت بواسطة abo_anas

طبعا ينفع ده انت كده مالك العربيه بالتوكيل ده .

المشاركة الأصلية كتبت بواسطة m.alaa92

لا يا باشا تمشى بية ف اى حتة و مالهوش عندك اى حاجة

شكرا لكم الصراحه الواحد مش ناقص التلاكيك بتوع اخونا البعدا دول

**madaxman** · 05-07-2011 01:05 PM

عمري ما قابلني الكلام دا وان شاء الله ميقابلنيش
دانا كمان بخلي اصحابي ساعات يسوقوا العربيه وبنقف في كمين وبيشوف الرخص وبنمشي عادي والاسماء بتكون مختلفه طبعا خالص يعني رخصه صاحبي والعربيه بأسم والدي يعني مفيش تطابق أبدا وحصلت معايا بدل المره عشره

**medododo** · 05-07-2011 01:09 PM

المشاركة الأصلية كتبت بواسطة ralliart

لازم توكيل ومش هياخد منك 10 دقايق
انا وقفت في كمين في المنصورة والعربية بإسم والدي يعني نفس الاسم بالظبط واصر على التوكيل وكان هيعمل مشكلة كبيرة وعايز يسحب العربية

فكرتني في مرة عربية والدي وأنا سايق ووالدي قاعد جنبي
الظابط قالي فين التوكيل والدي قاله انا قاعد جنبه وهو معاه رخصة وانا معايا رخصة ياأخي إفرض جالي أزمة قلبية وبيوديني المستشفي يطلع الاول علي الشهر العقاري
الظابط بصلنا بإستغراب وادانا الرخص

**zegzaag** · 05-07-2011 01:53 PM

انا لما بسوق عربية الحجه وبقف فلجنه بيقولو وريني توكيل منها ( توكيل خاص ) للعربيه بس
انا عملتو وهو فعلا رخيص ووثقو فالشهر العقاري وبتعملو وانته واقف

امشي قانوني يا كبير وريح دماغك عشان اي حاجه تبقى فالسليم

**phantom0xx0** · 05-07-2011 02:35 PM

طبعاً التوكيل أحسن ، أنا مراتي بتسوق عربيتها و هي أصلاً كانت بتاعتي و الرخصة بأسمي ، و محصلش أي حاجة أبداً ، صحيح أن بطاقتها عليها إسمي بس محصلش أن حد طلب منها بطاقتها

**SYD** · 05-07-2011 08:27 PM

المشاركة الأصلية كتبت بواسطة amazingahmed

متشكر على الرد السريع. أنا فعلا ناوي أعمل توكيل و أخليه في العربية لكن لما الاقي وقت. الشغل كابس عليا مخليني مش عارف أهرش

مش لازم حضرتك الي تروح اساسا
يكفي الي هيوكلك انه هو الي يروح ومعاه بالكتير اوي صورة بطاقتك عشان ينقل منها البيانات
روح شهر عقاري أكتوبر بيبقي فاضي أخر حاجة والتوكيل رسمه #10# جنيه فقط عشرة جنيهات لا غير

والله المستعان
،
،