الموضوع: حادثة سيراتو ومرسيدس

المشاركة الأصلية كتبت بواسطة nicegypt

لا حول ولا قوة الا بالله
اللهم اجرهم فى مصيبتهم واخلف لهم خير منها اللهم مين يارب العالمين
يا جماعة مش المهم دلوقت ابدا مين المخطئ
الصور بصراحة تعـبتنى قوي .. وحسيت بيها قوي وتخيلت اللى حصل
كلنا يا جماعة ندعي ونطلب من الله ان يشفي صاحب الكيا اللهم اشفية وخفف عنة ألمة واخلفة عما اصابة
وندعي بالرحمة لصاحب المرسيدس اللهم ارحمة واجعل مثواة الجنة .. دة قدر ومكتوب عند الله
ومحدش يعرف ساعة القدر اية اللى بيحصل .. تركيزك ممكن يختفي ف لحظة
انا ربنا نجانى من مشكلة على سرعة 140 ك .. وبعد موقفت سألت نفسى انا وقفت العربية ازاي ؟؟
تدخلت العناية الالهية لدرجة ان معرفش انا وقفتها ازاي ولما حكيت للاحد الاصدقاء عن الطريقة اللى اتحكمت فيها بالعربية
قالى ان الطريقة دى اصلا ف السباقات نظام الدرافت وانا لا بعمل درافت ولا غيرة .. مقصود كلامى ربنا لة فى كل شيئ حكمة
وساعة القدر مخك ممكن يـتوقف عن العمل حتى لو انت شوماخر بذات نفسة .. دة حتى شوماخر تعرض لحوادث مميتة رغم خبرتة العالية
لا نحكم على احد فالله اعلم وادري بهم .. ونكتفى فقط بالدعاء لهم جميعا َ .متنسوش تدعوا بالشفاء لصاحب الكيا .. ونقرا كلنا الفاتحة لصاحب المرسيدس

الحمدلله انك بخير ،،، انا مرة واحد دخل فيا بوشه فى عربيتى الكلام ده فى 2001 تقريبا،،، كان قصده يقف قدامى بدل ما يدوس فرامل داس بنزين،،، الحمدلله على كل شىء

المشاركة الأصلية كتبت بواسطة mody100

يا حول ولا قوة الا بالله ,ربنا يستر طريقنا جميعا و يكفينا شر الحوادث قولوا امين

أمين يارب العالمبن

المشاركة الأصلية كتبت بواسطة shaddadfalcon1

الموت واحد ولكن تعدد الأسباب

نسينا الموت ومسكنا فى الاسباب

المشاركة الأصلية كتبت بواسطة mohkhattab

ربنا يرحم المتوفى و يسلم المصاب
ان شاء قريبك يقوم بالسلامة

يارب

المشاركة الأصلية كتبت بواسطة tyler_durden

ربنا يرحم المتوفي و يشفي المصاب
ده دليل للناس اللي بتقول القديم جامد و الجديد ورق
كفاية نخدع نفسنا و لازم ناخد بالعلم و التطور
و الله خير حافظا

والله انا مبقتش عارف مين الكويس ومين الوحش القديم ولا الجديد!!!!

المشاركة الأصلية كتبت بواسطة zegzaag

ربنا يقومه بالسلامه يارب هو وصاحبو ويرجعو احسن من الاول وفداهم خمسين عربيه وان شاء الله يكون التأمين شغال وياخدو واحده كوبيه كمان بأذن الله
انا بس هعلق على نقطتين

اولا الحادثه بما ان الطريق حاره واحده فالسيارتو حاولت تتفادى المرسيدس يعني تقريبا هو افتكر انو وسعلو وان المسافه تجيبو فقرص جامد ولكن سائق المرسيدس رجع تاني او كسر عليه الخبطه من يمين السيراتو وشمال المرسيدس يعني تخيشه في الباب

ثانيا الاخ عزيز سنهوري قالي ان الكيا امتصت الصدمه بص يا صديقي الغالي الخبطه في الكيا من قدام لكن المرسيدس مخبوط من ناحية الباب والقايم وسدقني لو الكيا اتخبطت من الباب الي جوه من غير كلام (هيتأذي جامد يعني مش هتلاقيه) فالقديم انا جربتو فحادثتين وجربت الجديد فحادثه ( القديم ممكن تطلع منو مش فيك خدش واحد ) لكن الجديد لازم تطلع متعور
طبعا ان رأيي يحتمل الخطأ والتصحيح والبركه فيكو تصححولنا

بس الحادثة كانت العربيتين فى وش بعض!!!!

المشاركة الأصلية كتبت بواسطة levelpower

ياستر يارب
الف سلامه يامحمود على ابن خالتك
و الله يرحم المتوفى
و ربنا يكفينا شر الطريق

الله يسلمك يا ايهاب

المشاركة الأصلية كتبت بواسطة medociv

ربنا يرحم المتوفى ويصبر اهله
ويشفي ابن خالتك
انا لله وانا اليه راجعون

اللهم امين

المشاركة الأصلية كتبت بواسطة l0new0lf

حمد لله على سلامة قريبك و صاحبه و ان شاء الله يقوموا بالسلامه
و يرحم المتوفى و يغفر له و يصبر اهله
انا شايف ان العربيتين داخلين فى بعض وش و الاثنين مخبوطين من الجنب الشمال
يعنى واحد فيهم كان عايز يتخطى عربيه امامه لبس فى القادم من المقابل
و غالبا اللى كان بيتخطى بيتخطى عربيه كبيره ممكن نقل و مش سايب بينه و بينها مسافه كان كابس في ضهرها
علشان كده مشافش القادم فى المقابل
و الله اعلم

انا يتهيألى ان هو ده اللى حصل بالظبط

المشاركة الأصلية كتبت بواسطة zegzaag

يجماعه انا مش قريب المصاب قريبو هو الاخ الفاضل frozen_pain

اسف على سوء الفهم ده انا بس كنت بقول وجهة نظري

في اخ بردو قال انهم خبطو وش لوش لما بصيت عالصور تاني فعلا عندك حق يا صديقي

ياباشا حصل خير

هو فعلا الحادثة وش فى وش

انا امبارح كنت عنده فى المستشفى لقيته عمل عملية تركيب مسامير وزى عاملين قفص خارجى على الرجل الشمال،،، ولسه فى مراحل تانى كتير

كل ما اجى اسأله اقوله ايه اللى حصل مش بقدر بيكون تعبان جدا ومش عارف يتكلم

الحمدلله على كل شىء

والله يا جماعة الواحد مش عارف يقول ايه حزين على اللى راح وحزين على اللى فى المستشفى ربنا يشفيفهم يا رب اللهم الطف بنا فى قضائك وقدرك لطفا يليق بكرمك يا ارحم الراحمين