ريحة "تنين" ميت

**verna2008auto** · 05-07-2011 09:51 AM

المشاركة الأصلية كتبت بواسطة medododo

تفك التابلوه وتنضف فتحات التكيف

افك الطابلوة ازاي ؟؟؟ كلة يعني بوش الكاست بفتحات التكييف ..؟؟؟
دي موصيبة دة عاوزلو كام علشان اشيل (( بيبية )) التنين دة
انا صارف لغاية دلوقتي
95 جنية فوم تنضيف
20 جنية غسيل جوة العربية نص كم
10 جنية غسيل تحت العربية (( بالجاز ))

كل دة (( ومازال -كاكية- التنين موجودة ))

**verna2008auto** · 05-07-2011 10:11 AM

المشاركة الأصلية كتبت بواسطة shahen

اعتقد كهربائى معرفه ممكن يفيدك فى الموضوع ده

ممكن الكهربائي يعمللي اية ؟؟؟
يكشف علي (( فيوزات التنين ))

"" دي ريحة ممكن تموت الكهربائي ""

**MOUSTAFA_SAAD** · 05-07-2011 10:13 AM

المشاركة الأصلية كتبت بواسطة verna2008auto

باشا ... هوا الماتور ممكن حاجة تدخل فية .. وكمان تموت ؟؟؟؟ جوه الماتور يعني مش جوة طابلوة العربية ولا تحت الكابوت ؟؟

باشا انا خلصت علبة فوم جاف ممتاز من ابو 95 جنية علي الماتور ولسة (( التنين )) موجود

انا مش قصدى جوه الماتور بالظبط يعنى
قصدى تحت الكابوت عموما
متدقش يااخى كده

**verna2008auto** · 05-07-2011 10:30 AM

المشاركة الأصلية كتبت بواسطة sasaasdf

البس كمامه يا باشا و خلاص و اهو منه حمايه و كده يعنى

و لا عزاء للسحالى

باشا ال(( هبو )) اللي خارج بيخترق (( البرفان المستورد- ومعطر العربية- والشبابيك المفتوحة ))

جربت موضوع الكمامة دي مانفعش

(( ريحة التنين الميت مازالت في العربية

- او سايب ما ينوب عنة ))

**verna2008auto** · 05-07-2011 10:34 AM

المشاركة الأصلية كتبت بواسطة ziabassem

مش ممممممممممممممككككككككككك كننننننننننن أبداً .. مش قادر أمسك نفسي من الضحك سواء منك ولا من الردود وربنا يكون في عونك .

أكيد في حاجة في تلاجة التكييف .. حتتفك وتتنضف وتبقى تمام إن شاء الله .. وحاول بعد ما تنضفها تركب فلتر للتكييف .

ححكيلك حكاية يمكن تهون عليك شوية .. واحد نسي عربيته مفتوحة .. المهم صحي الصبح لاقى واحد من المجاذيب اللي بيبقوا ماشيين في الشارع دول بايت في العربية وعمله العربية مراحيض عامة على الفرش والسقف وكل حته فيها وبعد ما مشاه مبقاش عارف يخش العربية من الريحة ولا المنظر الغير أدمي بالمرة وأخد العربية زق لأكتر من سروجي علشان يغيروا الفرش والسقف ومفيش ولا واحد راضي يشتغله في العربية .. لحد ما في الأخر واحد وافق بعد ما اشترط عليه يسبها مفتوحة في الشمس والهواء مش أقل من أسبوع علشان يبتدي يشتغل فيها .. وطبعاً ضربله السعر × 2

اللهم احفظنا .... اعتقد (( التنين بتاعي اهون ))

**dr.amr** · 05-07-2011 11:51 AM

انا تعبت من كتر الضحك والله
وخصوصا علي خرتيت ده هههههههههههههه
مش متخيل خرتيت يعدي من فتحة تكييف

عموما هي ملهاش غير ان تكون حاجه كان بايته ولما دورت العربيه
اي سير فرمها
ممكن تكون قطه غلبانه لا خرتيت ولا تنين

او ممكن تكون عرسه هي بتبقي صغيره ومش باينه وريحيتها صعبه

بس انا قعدت اقرأ كلمة عرسه في كل الردود عروسه
قولت ايه اللي هيجيب عروسه في الكبوت عندك

**verna2008auto** · 05-07-2011 12:37 PM

المشاركة الأصلية كتبت بواسطة dr.amr

انا تعبت من كتر الضحك والله
وخصوصا علي خرتيت ده هههههههههههههه
مش متخيل خرتيت يعدي من فتحة تكييف

عموما هي ملهاش غير ان تكون حاجه كان بايته ولما دورت العربيه
اي سير فرمها
ممكن تكون قطه غلبانه لا خرتيت ولا تنين

او ممكن تكون عرسه هي بتبقي صغيره ومش باينه وريحيتها صعبه

بس انا قعدت اقرأ كلمة عرسه في كل الردود عروسه
قولت ايه اللي هيجيب عروسه في الكبوت عندك

ياباشا اعتقد ان دي مش (( عرسة )) اعتقد (( ديناصور ومتخفي في صورة عرسة ))

الريحة كل يوم بتزيد مع التكييف او منغيرة لدرجة في محل كشري كنت با اركن العربية نحيتة قفل والزباين خرجت تتف علي العربية..!!!!

دي لعنة اعتقد ان فية حد بيحطلي ( خرتيت ميت كل يوم في فتحة التكييف )

اعمل اية فى المصيبة دي !!!

**Mohatfhd** · 05-07-2011 06:04 PM

المشاركة الأصلية كتبت بواسطة verna2008auto

ياباشا اعتقد ان دي مش (( عرسة )) اعتقد (( ديناصور ومتخفي في صورة عرسة ))

الريحة كل يوم بتزيد مع التكييف او منغيرة لدرجة في محل كشري كنت با اركن العربية نحيتة قفل والزباين خرجت تتف علي العربية..!!!!

دي لعنة اعتقد ان فية حد بيحطلي ( خرتيت ميت كل يوم في فتحة التكييف )

اعمل اية فى المصيبة دي !!!

مادام بتقول انك كنت سايب زرار التهوية يبقى فية حاجة جوة فتحات التهوية............

عروسةزز

**mshmshm3** · 05-07-2011 10:08 PM

بص حضرتك اولا بالوصف ده تبقي دي ريحة كائن مات او بالمعني الاصح اتفرم ودي ريحة الاعضاء في حلين اولا توصل لمكانه وتنضفه كويس بالجاز والصابون والديتول وجميع المعطرات وده افضل حل الحل التاني تستني الريحة تروح ويتحلل بفعل الطبيعة وعوامل الجو اللي اكيد واصلة للمكان اللي هو فيه ونقلة الريحة لحضرتك ده لو كان في كائن فعلا مقتول في مكان ما ما بين اول الكبوت لحد التابلوه او ممكن لو حضرتك عامل ارضية العربية موكيت ومشغل فتحات التكييف اللي عند الدوسات وفي ميه او اي سائل وقع علي الموكيت ده ممكن يعمل ريحة بس اعتقد مش هاتبقي زي ما حضرتك واصف وفي كل الاحوال خد حضرتك العربية في مكان في شمس وهوا وافتح العربية كلها وسيبها طول اليوم في الهوا بس خليك جنبها علشان ما ترجعش تلاقي كلاب وقطط احتلوا العربية

**sara2001** · 05-07-2011 11:58 PM

بيع العربيه او سيبها للتنين

انا قلقت من فتحات التكييف الثابته
طب دي اعمل فيها ايه اقفلها بسوليتيب كل يوم ولا ايه

الموضوع: ريحة "تنين" ميت

LinkBack

أدوات الموضوع

عرض

-

-

-

-

-

-

-

-

المواضيع المتشابهه

_""""""""الاسطورة لكزس gs الكوبيه تنتظركم في عام 2013 """"""""_

""""""""ارقى مايتعلمه الانسان فى الحياه""""""""

الحكومة بتفلس""""تخفيض حوافز الاطباء """خلوها تخرب""

الحقنى يا استاذ سبعاوى """"""""""""""""""""""""""""""""""""""

يا جماعه محتاج مساعده سريعه لضيق الوقت """"""""""""""

الكلمات الدلالية لهذا الموضوع

المفضلات

المفضلات

ضوابط المشاركة