فرق حسيته بين ال m11 واللانوس

اخوانى الكرام .. تحية طيبة

زى ماعودتكم انى دايما بنقل تجاربى سواء بالايجاب او السلب فحبيت انقل ليكم تجربة بسيطة حصلت معايا اول امبارح لما ركبت عربية اخويا اللانوس

انا قبل ما اشترى الام 11 كان معايا جولييت واخويا معاه لانوس والعربيتين يعتبروا واحد فكنت بسوق الاتنين زى الرهوان ولكن اول امبارح جيت اركن عربية اخويا يادوب بس كنت هجيبها من الناحية التانية من الشارع لناحيتنا ادام البيت وكنت بتلكك وعندى حب فضول انى ارجع الذكريات واسوق الدايو تانى ولكن حسيت باحساس غريب اوى لما ركبتها:

1. العربية واطية على الارض جدا جدا جدا عن m11
2. المرايات الجانبية صغيرة وعقيمة مقارنة بال m11
3. الباور تقيل بشكل ملحوظ مقارنة بال m11

انا مش قصدى انى اعيب فى اللانوس ولكن دى فروق بجد حسيت انها ميزة فى الام 11 بشكل ملحوظ خلانى اكون مبسوط وسعيد بعربيتى الجديدة وان كنت سعيد ولكن حزنت جدا انى معرفتش اسوق اللانوس فعلا مكنتش عارف اسوقها مش فاهم ليه! وكأنى مكنش معايا جولييت قبل كده.

ياجماعة ان كانت الناس بتشتم فى الاسبرنزا وتشكر فى اللانوس على اعتبار انها عربية اعتمادية من الدرجة الاولى ولكن فعلا انا حسيت لما ركبت العربيتين ان اللانوس مش ركوبة خاااااالص ومفيش فيها اى ميزات باستثناء رخص قطع الغيار وتوافرها وان اى حد بيعرف يشتغل فيها وانك تقدر تصونها بأقل التكاليف وان كانت اعطالها كتيرة ومحدش يقدر ينكر ده.

فى الاول والاخر هى اختلاف اذواق ووجهات نظر وربنا يبارك لكل واحد فى عربيته

تقبلوا تحياتى

ربنا يباركلك فى سيارتك ياخالد وعاوزين نشوف مواضيعك تانى فى المنتدى انت تقلان علينا ليه ياعم

متابع

اقتباس:

---

المشاركة الأصلية كتبت بواسطة katoba

ربنا يباركلك فى سيارتك ياخالد وعاوزين نشوف مواضيعك تانى فى المنتدى انت تقلان علينا ليه ياعم

---

والله ولا اقدر يا عم احمد انت حبيبى وربنا يعلم وكل اللى فى المنتدى اخواتى بس الفترة اللى فاتت كنت تعبان شوية غير انى مشغول اوى فى شغلى وكمان انا فهمتك لما اتكلمنا بعض المواضيع بدأت تتحول لساحات من النزاع فبقيت احب ابعد شوية

تحياتى لك

كلام مظبوط وصح لدرجة كبيرة جدا جدا ... انا لاحظت كلامك يا خالد .. بحكم اني بسيب العربية في جراج تحت العمارة ففي بعض الاوقات باضطر اركب عربيات تانية علشان اخرج العربية او ادخلها .. كلامك علي الباور بينطبق علي الافيو وان كانت مش واطيه وعلي الاكسنت القديم في كل حاجة

الانوس لمل تركبها تحس انك قاعد في الشارع
ولو في حياديه عند الناس ها تعرف الفرق بينها وبين الانوس

فعلا انا حسيت بالمقارنه دى لما اركب عربيتى الفيرنا واخذعربتى ابويا الأم11 انا بركبها كتير لدرجة انه زهق منى بس بجد بحس بفروق كتيره راحه فى الأم 11 وفخامة وهدوء ماتور عن الفيرنا الى بحس انى ماشى على الأرض واضاءة محترمة للأم11 توفر رؤية ممتازه الصراحه الصينى بدا ياخذ وضعه

اخيرا في حد بيشكر في الام 11

انا ابتديت احس ان ال 516 احسن من الام 11

لولا اختلاف الاذواق لبارت السلع

اشكركم جميعا اخوانى على المشاركات الفعالة والمحترمة...

بعيد وبكرر تانى انى مش بشتم فى الدايو بالعكس دى ليها معايا ذكريات حلوة كتيرة وياما استحملتنى بس حبيت اوضح الفرق اللى حسيته فعلا من فخامة واوبشنز اعلى فى الام 11

انا معاك الانوس بور تقيل وواطيه فعلا وما فيهاش متعه القيادة خالص غير طلعتها البطيئه بس الصراحه هيه قويه وماتورها بيستحمل انا ماشى 380 الف ولسه الماتور فل و بالرغم انى والله بحرق جامد ومرة مشيت من غير ميه يوم كامل والعربيه كانت بتبطل خرطوم ميه اتقطع وانا مكنتش واخد بالى لان مؤشر الحرارة لم يرتفع وغيرت الخرطوم فقط والماتور لم يتا ثر الصراحه الانوس تتحمل لكن ليست رفاهيه ولا متعه

فرق عقد كامل من الزمن من 99 الى 2010 اية ياجدعان !!

ربنا يبارك في السيارتين اكيد في فروقات بين الاتنين بس في النهايه الاتنين مش ركوبه

بس يعنى للعلم عن تجارب مع اصدقاء ليا اشتروا عربيات صينى من فترة العربيات الصينى زى المناديل الورق استعمال مرة واحدة فقط يعنى بعد 3 سنين ممكن نتكلم عن العربيه ونقارن بجد بين عربيه قديمه زى الانوس وفقيرة وعربيه زى m11 الى كلها امكانيات انا عن نفسى راكب لانوس موديل 2004 بس لو حبيت اركب عربيه تانيه هركب يا بانى يا اوربى صينى لا اعتقد الى بعد عشر سنوات على الاقل ويكفى ان تصميم الانوس فى الشكل مش مقلد ومسروق من عربيات اخرى وغير ممل بعد السنين دى كلها شكلها لسه مقبول انا من الناس الى جربت عربيات كتير جدااااااااا وشايف ان الانوس معقوله بالنسبه لسعرها غير انها عمرها ما وقفت بيا على طريق ودايما شيلانى علشان كدة انا بحب الانوس اعذرونى انا بحب الانوس مهما الناس قالوا عنها

ربنا يبارك للكل فى سياراته مهما كانت انواعها

اقتباس:

---

المشاركة الأصلية كتبت بواسطة ashouhdy

فرق عقد كامل من الزمن من 99 الى 2010 اية ياجدعان !!

---

+1111111

اقتباس:

---

المشاركة الأصلية كتبت بواسطة amado318

انا معاك الانوس بور تقيل وواطيه فعلا وما فيهاش متعه القيادة خالص غير طلعتها البطيئه بس الصراحه هيه قويه وماتورها بيستحمل انا ماشى 380 الف ولسه الماتور فل و بالرغم انى والله بحرق جامد ومرة مشيت من غير ميه يوم كامل والعربيه كانت بتبطل خرطوم ميه اتقطع وانا مكنتش واخد بالى لان مؤشر الحرارة لم يرتفع وغيرت الخرطوم فقط والماتور لم يتا ثر الصراحه الانوس تتحمل لكن ليست رفاهيه ولا متعه

---

ربنا يباركلك فيها ويبعد عنك كل شر..

اقولك نصيحة .. شيل علبة البيئة وعوض عنها بوصلة شكمان فاضية ونضف رشاشاتك واتاكد ان حساس الشكمان سليم واستمتع بقمة السحب والطلعة القوية فى اللانوس وعن تجربة :16:

اقتباس:

---

المشاركة الأصلية كتبت بواسطة ahmedfoud

ربنا يبارك في السيارتين اكيد في فروقات بين الاتنين بس في النهايه الاتنين مش ركوبه

---

شكرا لمرورك يا احمد ولكن الاتنين ركوبة لكل واحد على اد فلوسه

تحياتى

اقتباس:

---

المشاركة الأصلية كتبت بواسطة amado318

بس يعنى للعلم عن تجارب مع اصدقاء ليا اشتروا عربيات صينى من فترة العربيات الصينى زى المناديل الورق استعمال مرة واحدة فقط يعنى بعد 3 سنين ممكن نتكلم عن العربيه ونقارن بجد بين عربيه قديمه زى الانوس وفقيرة وعربيه زى m11 الى كلها امكانيات انا عن نفسى راكب لانوس موديل 2004 بس لو حبيت اركب عربيه تانيه هركب يا بانى يا اوربى صينى لا اعتقد الى بعد عشر سنوات على الاقل ويكفى ان تصميم الانوس فى الشكل مش مقلد ومسروق من عربيات اخرى وغير ممل بعد السنين دى كلها شكلها لسه مقبول انا من الناس الى جربت عربيات كتير جدااااااااا وشايف ان الانوس معقوله بالنسبه لسعرها غير انها عمرها ما وقفت بيا على طريق ودايما شيلانى علشان كدة انا بحب الانوس اعذرونى انا بحب الانوس مهما الناس قالوا عنها

---

شكرا لمرورك ليا اكتر من تعليق:

1. بعد 3 سنين نبقى نتكلم فعلا منحكمش من دلوقتى .. وانا مجرب الجولييت كانت موديل 98 يعنى بقالها اكتر من 10 سنين ماشية ومتقدرش تنكر ان اعطالها بالجملة
2. اللى معاه فلوس كفاية اكيد هيشترى اوروبى او كورى نضيف
3. تقليد الشكل مش عيب فى العربية ومش معنى ان اللانوس مش مقلدة يبقى شكلها مقبول بالعكس مفيهاش اى لمسات جمالية بالمرة وحكاية ان شكلها مقبول فده عشان هى عربية اعتمادية فالناس بتتغاضى عن الشكل مقابل رخص الصيانة وقطع الغيار
4. مفيش عربية مفيهاش اعطال مهما كانت صناعتها ومسيرها هيجيلها يقوم وتعمل حركة نقص لانها فى الاول وفى الاخر مكنة وحديد فى حديد (ربنا يباركلك فى عربيتك ومتعطلش خالص).

اقتباس:

---

المشاركة الأصلية كتبت بواسطة katoba

ربنا يبارك للكل فى سياراته مهما كانت انواعها

---

امين يا رب وعقبال عربيتك ان شاء الله يا احمد

نورت موضوعى .. تحياتى

بجد الصينى بقى ليه سوق فى مصر و بيثبث كفائته

شوف انا معرفش حاجه عن m11 شكلها بس هيه ممكن تكون نقله فعلا انا ركبت الاسبرانزا بتاعت صحبى سواقتها كانت حلوة بس مجال الرؤيه فى الزجاج الامامى مكنش كويس بالنسبه ليا تانى حاجه هوة كان بايت عندى وانا سبت العربيه معشقه قام الصبح يمشى دور مارش والعربيه معشقه المارش اتحرق ودة الى كرهنى فيها صراحه غير انها كانت بتتحرك كتير فى المطبات حسيت ان عفشتها مش قويه كما يجب ربنا يسهل واجرب m11 ممكن تكون مختلفه واغير رائى فى العربيات الصينى بس عموما m11 شكلها جميل وشبابى طبعا غير الانوس بتاعت العواجيز الى زى حلاتى وربنا يباركلك فيها ان شاء الله

اقتباس:

---

المشاركة الأصلية كتبت بواسطة amado318

شوف انا معرفش حاجه عن m11 شكلها بس هيه ممكن تكون نقله فعلا انا ركبت الاسبرانزا بتاعت صحبى سواقتها كانت حلوة بس مجال الرؤيه فى الزجاج الامامى مكنش كويس بالنسبه ليا تانى حاجه هوة كان بايت عندى وانا سبت العربيه معشقه قام الصبح يمشى دور مارش والعربيه معشقه المارش اتحرق ودة الى كرهنى فيها صراحه غير انها كانت بتتحرك كتير فى المطبات حسيت ان عفشتها مش قويه كما يجب ربنا يسهل واجرب m11 ممكن تكون مختلفه واغير رائى فى العربيات الصينى بس عموما m11 شكلها جميل وشبابى طبعا غير الانوس بتاعت العواجيز الى زى حلاتى وربنا يباركلك فيها ان شاء الله

---

ربنا يباركلك ويبارك للجميع فى عربيته...


1. مجال الرؤية ضعيف عشان العربية عالية ودى ميزة عشان المطبات تنساها خالص مع الوقت بتتعود ده لو اللى راكبها سواق طبعا :16:
2. دوارة العربية مالها ومال التعشيق؟ كلنا بندور والعربية معشقة!!
3. عفشة الاسبرنزا مش ضعيفة ولكن ناشفة مش رياضية بتخليك تحس بالمطبات زى الحال فى اللانوس انعم منها ولكن اعتقد انه مش عيب انما حسب راحة اللى سايق لو مش بتفرق معاه يبقى الاسبرنزا بالنسبة له حلوة جميلة


تحياتى

صينى مين ياجماعه دى عربيه ورق وعن تجربه كفايه اللانوس موجوده من سنين m11 لسه جديده ومشاكل كتير بصراحه عاوز تخسر فلوس هات عربيه صينى عريبه 75000 فكربيع بعد شهور 55000 ويكون حظك كويس لوحد خدها مابالك بعد 3سنين مثلا تعمل كام ---كلام الاخ
تمام</B>amado318

اقتباس:

---

المشاركة الأصلية كتبت بواسطة aftr

صينى مين ياجماعه دى عربيه ورق وعن تجربه كفايه اللانوس موجوده من سنين m11 لسه جديده ومشاكل كتير بصراحه عاوز تخسر فلوس هات عربيه صينى عريبه 75000 فكربيع بعد شهور 55000 ويكون حظك كويس لوحد خدها مابالك بعد 3سنين مثلا تعمل كام ---كلام الاخ
تمام</B>amado318

---

مع احترامى لسيادتك انا مش عارف انت جبت موضوع 55000 ده منين وبعدين العربية ب70000 جنية هى لسة سعرها زايد من فترة بسيطة
وبعدين اى عربية زيرو بتيجى تبيعها بعد شهور من شراءها اكيد لازم تخسر فيها مش الصينى بس ممكن توصل ل10000 جنية على حسب ظروف البيعة من حيث الاستعجال او شطارة الشارى لكن الموضوع مش قاعدة

وبعدين احنا لو حطينا اللانوس بجانب الm11 الفرق فى السعر 3000 جنية الفرق فى الامكانيات والتكنولوجيا ب30000 جنية وده مفيش كلام وبعدين اللى يجيب عربية زيرو مبيفكرش يبيع الابعد 3 او 4 سنين على الاقل وقتها مش هتكون الخسارة كبيرة

لكن 20000 جنية فى شهور ده صعب شوية

اللانوس وقتها خلص
دلوقت وقت اسبيرانزا

حضرتك ادخل على كونتكت كار وانته تعرف جبت السعر ده منين ونروح بعيد ليه هنا فى القسم عضو جبها 56 الف ياعنى مش غريبه على عربيه صينى وبعدين انا بتكلم على السعر اول مانزلت كانت 75000 الف وبعدين الباشا نزل 5000 من تمنها فى خلال شهور انا مش عارف نزل m12 على اساس ايه مش لما يزبط m11 من العيوب وبعدين ياريت تقولى كام عربيه m11 موجوده ده بسبب فشل العربيه والخامات الرديئه اللى موجوده فى العربيه والمشاكل انا مش هقول غير حسبى الله ونعمه الوكيل فيك ياابو الفتوح

انا فعلا اشتريت ال m11 مستعملة ب 56 موديل 2010 لكن ده المتوقع من اي عربية في الدنيا تمنها ينزل من 10 الى 15 الف خصوصا انها مش كسر زيرو ده غير ان العربيات االفرنساوي على سبيل المثال تخسر فيها اكتر من الصيني ولو روحت اجيب لانوس فاضية موديل 2010 وماشية 30 الف تمنها من 50 او 52 ومستحيل تزيد عن كده ولو كسر زيرو يعني ماشية 5 الاف مثلا حتعملها من 55 ل 58 مش حتزيد عن كده ... انا لسه شاري العربية قريب ولفيت وقتلت الاسعار بحثا فلو بنتكلم عن سعر ال m11 من الناحية دي فسعرها معقول

برده الم 11 عربية كويسه وبنحبها والى معاه فلوس يجيب احسن منها يجيب

انا وجهة نظرى انها احسن من الانوس والفيرنا والساجا والوجان والأفيو ومنافس قوى للجين 2

تمااااااااااااااااااااااا ااااااام

اقتباس:

---

المشاركة الأصلية كتبت بواسطة huss2000

انا فعلا اشتريت ال m11 مستعملة ب 56 موديل 2010 لكن ده المتوقع من اي عربية في الدنيا تمنها ينزل من 10 الى 15 الف خصوصا انها مش كسر زيرو ده غير ان العربيات االفرنساوي على سبيل المثال تخسر فيها اكتر من الصيني ولو روحت اجيب لانوس فاضية موديل 2010 وماشية 30 الف تمنها من 50 او 52 ومستحيل تزيد عن كده ولو كسر زيرو يعني ماشية 5 الاف مثلا حتعملها من 55 ل 58 مش حتزيد عن كده ... انا لسه شاري العربية قريب ولفيت وقتلت الاسعار بحثا فلو بنتكلم عن سعر ال m11 من الناحية دي فسعرها معقول

---

+111111111111111 :16::16:

كلامك مضبوط مليون فى الميه والى يقول غير كدة يبقى بيضحك على نفسه

ال m11 انا سقتها...وجريت بيها...عربيه ثباتها تحفه تحفه...احسن من النوبيرا كمان...والقعده مريحه...بس التقفيل سىء جدا ودى حاجه تلفت النظر اوى

.........السحب تعبان جدا فى الاول...العربيه تقيله بشكل ملحوظ...يعنى لو عايز تشد من ثبات هتتعذب...انما بعد كده بتبقى كويسه...وليست بممتازه

...............فى حاجه كمان لاحظتها انها على 100 ال rpm بيبقى مريح جامد يعنى مش بيبقى على 3 او حتى 2 ونص...لا بيبقى اقل من كده...وطبعا دى حاجه كويسه جدا

...............استهلاك البنزين معقول

................التكييف بيقتل العرببببيه قتلللل

................الباور كويس وناعم جدا

..............شكل العربيه من بره حلو وحديث

..........العربيه كتير بتسقف فى الطالعه الاول ولازم تكبس شويه (البنزين 92) يعنى غير الانوس اللمسه بتخليك تطير ودة تحت بند تقيله فى الطالعه

عموما هيا عربيه على قد سعرها ليست بممتازه ولا وحشه

اقتباس:

---

المشاركة الأصلية كتبت بواسطة ahmed_nubira

ال m11 انا سقتها...وجريت بيها...عربيه ثباتها تحفه تحفه...احسن من النوبيرا كمان...والقعده مريحه...بس التقفيل سىء جدا ودى حاجه تلفت النظر اوى

.........السحب تعبان جدا فى الاول...العربيه تقيله بشكل ملحوظ...يعنى لو عايز تشد من ثبات هتتعذب...انما بعد كده بتبقى كويسه...وليست بممتازه

...............فى حاجه كمان لاحظتها انها على 100 ال rpm بيبقى مريح جامد يعنى مش بيبقى على 3 او حتى 2 ونص...لا بيبقى اقل من كده...وطبعا دى حاجه كويسه جدا

...............استهلاك البنزين معقول

................التكييف بيقتل العرببببيه قتلللل

................الباور كويس وناعم جدا

..............شكل العربيه من بره حلو وحديث

..........العربيه كتير بتسقف فى الطالعه الاول ولازم تكبس شويه (البنزين 92) يعنى غير الانوس اللمسه بتخليك تطير ودة تحت بند تقيله فى الطالعه

عموما هيا عربيه على قد سعرها ليست بممتازه ولا وحشه

---

احييك على التعليق الممتاز كلام صائب وسليم وانا معايا ام 11 وبصدق على كلام حضرتك

التسقيف واضح فى العربية فعلا فى الطلوع من الثبات لو رجلك مش حساسة اوى على الدبرياج وده يمكن لسببين:

1. دبرياج العربية واطى بمعنى انه بيجمع التروس بدرى فى بداية رجوع دواسة الدبرياج فى المشوار بتاعها على عكس اللانوس الدبرياج عالى
2. موتورها مصصم على اوكتان 93 واحنا بنحط 92 فبالتالى بتحس بتسقيف لو مكنتش بتكبس بنزين مع حساسية رجلك على الدبرياج

انا ايضا احييك على تقييمك الموضوعي للعربية لكن أحب اوضح نقطة .... عايز العربية تجمع معاك كويس ادي الغيار حقه يعني يكفي نعرف ان ال rpm على التاني بيبقى على 4 والعربية ماشية على 60 وعلى التالت بيبقى على 3.5 والعربية على 80عشان كده تحس ان التالت بتاعها الطبيعي بتاعه 80 والرابع بيبقى على 3 والعربية على 100 فبتحس ان الخامس بتاعها من 120 وده طبعا ميزة كويسة لانها بتديك فرصة انك تأخر الغيار .... وبالنسبة للتكيف فهو اكيد بيأثر على العربية لكن مش بدرجة كبيرة

اقتباس:

---

المشاركة الأصلية كتبت بواسطة huss2000

عايز العربية تجمع معاك كويس ادي الغيار حقه يعني يكفي نعرف ان ال rpm .... وبالنسبة للتكيف فهو اكيد بيأثر على العربية لكن مش بدرجة كبيرة

---

انا بتكلم فى نقطه النقله الاولى فقط... وبينى وبينك انا مش لازم يعنى احرق على 4 ار بى ام فى الاول عشان اطلع...كده هيبقى الموضوع صعب

وعندك حق فى موضوع ال 100 طبعا...ميزه عجبانى انا شخصيا

وبالنسبه لنقطه التكييف انا شايف انه بيقتل العربيه دى بالزات...خد بالك انا بقارن بالنوبيرا اللى معايا

يمكن انا غلط لانى يدوبك ختها فى مشوارين تلاته...بس دة اللى لاحظته :satelite: