نفس المشكلة لثالث سنة علي التوالي

**tamer_aj** · 04-07-2011 04:01 PM

و الله يا جماعة أنا زهقت.
نفس مشكلة ثرموستات الموتور لثالث سنة علي التوالي, كل صيف نفس المشكلة (الثرومستات فيها مشكلة تخلي الحرارة تزيد و أروح التوكيل يفكها و كالعادة من غير مسأل- مش موجودة هاتتفضل سيادتك تمشي من غيرها لحد مايجلنا قطع غيار) و بعدين أمشي بالعربية لمدة شهر أو أتنين لحد ماتوصل القطعة و بعدين أغيرها, و بعدين الصيف الي بعده ترجع تبوظ تاني.....
مش عارف أعمل إيه؟ حد عنده حل ؟(غير إني أمشي من غيرها علي طول) لأني ببساطة مابحبش حاجة تبقي ناقصة في العربية, و ده مش طبيعي إنك تمشي من غيرها.
حد ممكن يفدني بخصوص الثرموستات ألاقيها بتتباع فين ., أنا مش هاستني الضمان.
أو لو حتي بتاعت الجين تو مطابقة لحاجة تانية ممكن أجيبها و أركبها؟
لو سمحتم أفيدوني أفادكم الله.

**Hegazio** · 04-07-2011 06:55 PM

يعني لما بتمشي من غيرها بيحصل ايه
و ليه بيبوظ اصلا

**spiderloking** · 05-07-2011 01:26 AM

المشاركة الأصلية كتبت بواسطة pedro732000

بص هو الثيرموستات وظيفته انه بيتحط فى نص الدايرة لما نص الدايرة بتاعة تبريد الموتور تسخن جامد وتتحول لبخار هنا تفدر قوة البخار ترفع الثيرموستات عشان النص التانى يخش يبرد الموتور كمان وده يعود عليك بالنفع فى توفير البنزين
بس هو السؤال انت بتحط مية خضرا وبتزويدها ميه عادية ولا ميه خضرة بس
لان الافضل والصح انك تحط مية خضره بس

111111111111111

وبالنسبه لأنك تمشي من غيرها لأ طبعا اكيد ليها فائده امال هما عملوها ليه

**koheya** · 05-07-2011 07:12 AM

حضرتك ممكن تمشى من غير الثرموستات بس دة حيخلى الموتور دايما حرارتة واطية والمفروض حرارة اى موتور احتراق داخلى زى مواتير العربية كدة تكون درجة حرارتة المثالية حوالى من 90 الى ما قبل ال100 درجة مئوية وفى درجة الحرارة دى استهلاك البنزين بيبقى اقل وخرج الموتور "القوة الحصانية للموتور" اعلى وعادم الموتور بيبقى افضل شوية.المهم حضرتك حتلاقى مؤشر الحرارة عندك اقل من قبل كدة بس التاثيرات السابقة تاثيرات غير قوية بمعنى ان مفيش ضرر ضخم انك تمشى من غيرة شوية.
بالنسبة انة كل شوية بيبوظ فدى حاجة غريبة بس راجع على اسلاكة يمكن ملمسة او ممكن تكون حضرتك بتخبطة خبطة جامدة وانت بتنظف الموتور مثلا او بتحط ماية غير مانعة للصدا فبيصدى بسرعة من املاح بخار المية بصراحة هية حاجة تحير.بس الاهم من دة كلة تابع حرارة الموتور بعد ما تركب الثرموستات دايما وانت سايق لان الحرارة لو زادت اوى حتضرب جوان وش السلندر واحتمال تخش فى خراطة وفيلم.اسف جدا للاطالة بس اهى محاولة للمساعدة.

**أبومعاذ** · 05-07-2011 09:21 AM

لو معاك الثيرموستات القديمة ممكن تلاقي زيها فعلا يا باشمهندس لو نزل بصيت في شارع دمشق عند بتوع قطع الغيار

**Hegazio** · 05-07-2011 09:10 PM

معلومة بس لكن مش لازم تمشي عليها .. انا شلت الثيرموستات ده في الرينو ميجان بتاعتي لما كنت في السعودية ( بعد ماخرجت من الضمان ) و لغاية دلوقتي من غير و انا في مصر
النتيجة .. العربية ما بتسخنش .. و ف مصر مش باردة ولا يحزنون

**m_marmoush** · 07-07-2011 10:40 AM

المشاركة الأصلية كتبت بواسطة ahmad alshaaer

اسأل عليها في مركز عصام وصفا ب 106 انا مركبها من شهر بالكتير

ترموستات الموتور غير ترموستات المروحه أو الرادياتير، أعتقد يا أحمد أن السعر اللى بتقول عليه دة سعر ترموستات الرادياتير لأن سعر ترموستات الموتور غالى (مش عارف كام بالضبط)

أحسن حل أنك تفكة و تجيب قطعة غيار بديله (ماركه تانيه تكون متوافقه مع الجين تو)
وطبعا ماتنساش تقولنا أيه هيه عشان الأفاده العامه

-

-

-

الموضوع: نفس المشكلة لثالث سنة علي التوالي

LinkBack

أدوات الموضوع

عرض

نفس المشكلة لثالث سنة علي التوالي - انشر الموضوع فى :

-

-

-

-

-

المواضيع المتشابهه

بلي العجل باظ لتالت مرة على التوالي

(إن المشكلة ليست مع الآخرين أحياناً كما نظن. . ولكن قد تكون المشكلة معنا نحن..!!)

ارتفاع حرارة لليوم الثامن على التوالي

الكلاب لثالث مرة ( قطعولى الغطاء الوتر بروف )دول فرتكووووه !!!

الكلمات الدلالية لهذا الموضوع

المفضلات

المفضلات

ضوابط المشاركة