انا عاوز اشترى عربية جديدة وهجيبها بالتقسيط من بنك ناصر
أرجو إفادتى من كل النواحى مقارنة بين السانديرو والجيز
انا متردد بين الاتنين جدا
وكل الناس بتقولى ابعد عن الرينو .... مع ان الفرق بين الاتنين حوالى 8 الاف جنيه
انا عاوز اعرف مين افضل
انا عاوز اشترى عربية جديدة وهجيبها بالتقسيط من بنك ناصر
أرجو إفادتى من كل النواحى مقارنة بين السانديرو والجيز
انا متردد بين الاتنين جدا
وكل الناس بتقولى ابعد عن الرينو .... مع ان الفرق بين الاتنين حوالى 8 الاف جنيه
انا عاوز اعرف مين افضل
ارجو اى حد عنده خبره فى السيارات يساعدنى ضرورى عشان انا تعبت
و الله انا تحت امرك فى اى حاجه تخص السانديرو ...بس سامحنى مش هقدر اقارن علشان معرفشى اى حاجة عن الجيتز غير انها فيها موتور عظيم على جسم خفيف شويه بيخليها تطير ما شاء الله :d
طب بالنسبة للسانديرو ايه رايك فيها
كتوكيل وصيانة وقطع غيار وكل حاجه
انا الناس خوفتنى منها جدا وبصراحه قلقان الواحد مش بيلاقى الفلوس
مبدايا انا عارف الكلام ده.....جزء منه صحيح و الباقى غير صحيح مثلا قطع الغيار غاليه شويه كلام مظبوط بس مش غليه نار يعنى...اسعار الصيانات هتلاقيها اغلى من غبور شوية بسيطة ....انا عايز اقول ان كل الكلام ده مش هيخلينى ابعد عن عربية معينة انا شيفها كويسة و محترمة و ديه وجهة نظرى
نتكلم عن العربية : انا عامل 8000 كيلو لغاية دلوقتى و الحمد الله العربية زى الفول عندى بس نقطه ان تيل الفرامل بيصفر باستمرار تقريبا :angry06:
غير كده كلو تمام العربية واسعة و مريحه و شكلها مقبول جدا
التكيف انا مبسوط منو جدا ..اكيد بيسحب و بيضعف من سحب العربية الى حدا ما
العفشة مريحة
الثبات جيد جدا مقارنتا بنفس العربيات الى فى نفس الفئة
الشنطة بـــــــــــــــــــــحر بالنسبة لعربية هاتش
العربية تاخد 5 افراد بالغين مستريحين جدا :)
متاسف مفيش نــــــظام :d
بص يا باشا السانديرو هى هى اللوجان فى المحرك و العفشة تقريبا بس الاختلاف ف الشكل الخارجى نيجى للجيتز عربية طلقة موتور الانترا 2006 و وزن العربية خفيف عليها فشوف انت محتاج الطلقة ولا محتاج عربية متناسقة عفشة و موتور
شوف حضرتك ....
مش عيب أن ميكنش عندك خبرة فى العربيات ....
أنا كنت زيك بالظبط ....
دة أنا مكنتش أعرف يعنى أية سى سى ....
بس أنا قريت كتير عن العربيات فى الجرايد ....
وفى المنتدى هنا اللى فعلآ أتعلمت منة حاجات كتير ....
ندخل بقى فى الموضوع ....
الواحد مابيشتريش عربية كل يوم ....
فأنا لو مكانك بصراحة لكنت هشترى دى ولا دى ....
لية بقى ؟
الأتنين صاجهم ضعيف مع موتور قوى و مفيش فيهم عوامل أمان خااااالص ....
وعوامل الأمان دى حاجة مينفعش أن أحنا نتغاضى عنها فى العربية ....
أنا أرشحلك الجين 2 ....
الجيتز المانيوال ب 83000 جنية ....
ليييييييييييييييييييييييي ة ؟؟؟!!!
مش عارف .... :untitled 1:
الجين 2 ب 87000 جنية و عربية شيك ....
وأكبر من الجيتز و السانديرو وتناسب أسرة ....
فيها كل عوامل الأمان من فرامل abs & ebd و 2 وسادة هوائية ....
و صاجها ناشف وتقيل ....
أدخل حضرتك على قسم بروتون وشوف أراء أصحاب الجين 2 فى العربية ....
وسع دايرة أختياراتك عشان تختار أنسب حاجة ليك ....
وربنا يوفقك ....
انا معايا لوجان وهى السانديرو مع اختلاف الشكل
قطع الغيار الاستهلاكيه عاديه جدا ومفيش فرق بينها وبين اى عربيه
زى الفلاتر و السيور والتيل والطنابير و الفوانيس واتنتشرت جامد فى السوق خصوصا للوجان
العربيه واسعه جدا
شنطه كبيره رغم انها هاتش باك وبنفس حجم شنطة اللانوس تقريبا
عاليه عن الارض ومحكتشى منى قبل كده
ثبات ممتاز رغم ان العربيه عاليه
توكيل يعتبر احسن توكيل فى مصر
مقابل كده
دركسيون البارور بتاعه مش ناعم اوى
ممكن تحس ان العربيه مش ناعمه مجملا زى الكورى فى كل حاجه بس يعنى الاحساس ده بيختلف من واحد للتانى بالنسبه ليا مش عامل مشاكل لانى متعود على الفرنساوى
اما الجيتز فمش عارف عنها اى حاجه
وادخل كل قسم واعرف مميزات وعيوب كل عربيه من موةاضيع الاعضاء بنفسك من غير ماتسال فى موضوع جديد لان كل واحد بيشكر فى عربيته وخلاص
السانديرو و معظم العربيات الكورى اللى بتنزل مصر غير اللى بتنزل برة ....
يعنى مثلآ السانديرو فى أوروبا بيبقى فيها كل عوامل الأمان ....
لكن لما تنزل مصر بيشيلوا منها عوامل الأمان دى ....
ويسيبوا لك وسادة هوائية واحدة بس ....
عشان يضحكوا بيها علينا ....
عارفين أننا غلابة ....
وراضيين بقليلنا ....
لكن مع الجين 2 الوضع مختلف تمااااااااااااامآ ....
السياسة المتبعة فى بروتون هى أن الناس كلها متسااااااااوية ....
يعنى مينفعش العربية اللى بتنزل فى دولة متقدمة تبقى أحسن من العربية اللى بتنزل فى دولة نامية ....
يعنى العربية البروتون اللى بتنزل مصر هى بالظبط نفس العربية الموجودة فى كل دول أوروبا و أستراليا ....
نيجى بقى لمسألة السعر ....
لو حضرتك شايف أن سعر الجين 2 أكتر من الرنج اللى كنت محددة للعربية ....
يبقى أستنى شوية عشان تجيب حاجة كويسة من الأخر ....
أو ممكن أنك تدفع اللى معاك مقدم وتقسط الباقى ....
ما كل الناس دلوقتى بتشترى بالتقسيط ....
هو أحنا بنشترى كل يوم ....
ربنا يوفقك ....
لا لا :) عربيتى الحمد لله كويسه و راضى عنها جدا ما شاء الله ربنا يباركلى فيها :) مش معنى ان بقول ان كلام صح يبقى بذم فى عربيتى :) لما حضرتك يكون فى بدائل فى نفس الفئة السعرية يبقى سعاتها حضرتك تقولى الكلام ده مش تقولى قسط ,,,انا حر اكيد ديه حاجه ترجعلى
اللهم ديمها نعمة واحفظها من الزوال
السانديرو واتوكل على الله
انا معايا لوجان ولو كان معايا 3 الاف جنية زيادة كنت جبت السانديرو بسبب شكلها التحفة وهى هى اللوجان
شكرا لكل الاعضاء اللى بيشاركوا وبيحاولوا يساعدونا فى نقل خبراتهم
وسؤالى لمالكى اللوجان
عيوب عضة الفتيس والسخونة عند الدواسات والهزة بعد 100 ده حقيقى
جيتز ولا سانديرو