انا شفت الفيديو بس دي جي تي ار متعدله للصبح ومينفعش نقارنها بعربيه ستوك ولو عايز المقارنه تبقي عادله يبقي اعمل حتي ربع التعديلات علي البوجاتي
تاني حاجه ان البوجاتي انت تقدر تعمل كل اللي نفسك فيه كل شويه ومش هيحصلها حاجه لانها ستوك وتم اختبارها كتيير لكن الجي تي ار كل ريس او شد بيها هتحتاج تبص عليها وصيانات وممكن الموتور ينفجر عشان التعديلات الجامده يعني مش امان ومش هتبقي مطمن
الجي تي ار من وجهة نظري بتعمل كل اللي السوبر كار بتعمله بس هي مش شبه السوبر كارس كشكل وبرسيتج وصوت واداء علي سرعات عاليه
بالنسبه للسعر فهي بدات ب 60 الف ودلوقتي وصلت ال 100 و V-Sepc منها بيعدي ال 150 تقريبا يعني اعتقد النسخه الجايه هتوصل لسعر البورش 911 واللي اتعمل ده مجرد تسويق ليها وكان ناجح جدا
حاجه مهمه بقي: الجي تي ار دايما تلاقي الناس بتلكم عليها كالأتي : من 0 الي 100 - وقتها علي النيربرينج وكل الحوارات دي
بس لو بصيت علي عربيه زي ال LFA ولا اللامبو ولا الفيراري ايتاليا هتلاقي ان محدش بيتكلم علي الحاجات دي خالص وان العربيه هي اللي بتعلن عن نفسها ومش محتاجه تتزوق بتوقيت والكلام ده
زي البنت اللي بتفضل تقول دي حلوه وبتعمل كذا وكذا وكذا وبينت تانيه مجرد انك تعرف انها بنت فلان تبقي مطمن
وعلي فكره ترتيب ال جي تي ار علي النيبرينج هو رقم 7
المفضلات