الموضوع: السقف

يا جماعة أنا عندى مشكلة إن السقف إجرب و شكله وحش أوووى فحد يعرف حل ليه غيير رشه

إيه يا جماعة مفيش حل ولا إيه

شكل كده مفيش حل غيير الرش

ممكن تجرب تلمعه بالكمبوند كويس وبالبولش ممكن يكون فيه امل بالاخص لو اللون مش ميتالك لان الميتالك لو طبقة الورنيش اتكلت يبقى مفيش فايده وفيه كمان مكنة تلميع عند بعض بتوع الدوكو بتسهل التلميع

شكراااا ليك يا أ.ذ إبراهيم و أنا فعلن عملت كده و راح شويه و مره مع مره هيروح وبالنسبة للأستاذ أحمد هو أنا لسه شريها مبئلهاش 6 شهور و مكنتش بيها

اى خدمه يا زعيم هى المعلومه ممكن تكون مش جديده بس هو ده اللى انا عارفه وكلنا بنستفيد من بعض وربنا يوفقك بس خلى بالك متغسلش العربيه وهى سخنه ولا فى الشمس ولا بمسحوق زى السافو او التايد علشان الصودا بتحرق البويا احسن حاجه فى الغسيل بليل والعربيه بارده او الصبح بدرى ولو مسافر بلاش الناس اللى فى الريست يخلوك تبعد ويرموا عليها ميه _ الكبوت بالاخص بيكون سخن فالبويه بتطفى جامد وممكن كمان تشقق والمشكله اللى محدش بياخد باله منها وخطيره جدا ان الميه على الكوتش وهو سخن خطر وبالاخص تيل الفرامل والطنابير
احسن حاجه فى الغسيل جردل الميه تحط عليه فنجان جاز وبعد التنشيف تسيب الفوطه المتزفره بالجاز تنشف وتمر بيها على العربيه هتلاقيها لمعت وبقت مرايه كام مره على كده الناس هيفتكروك لسه راششها فرن والبويه جديده

شكراااااااااااااا ليك جدا أ.ذ إبراهيم على المعلومات المفيدة و أنا غلتطى إنى كذا مره أغسل العربيه و هيا فى الشمس و سخنه فممكن يكون هو دا اللى عمل كده بس أنا لو عملتها بالميه و الجاز هتلمع و طبقه الطافيه دى هتروح و أغسلها الأول بميه و صابون و بعد طدا أنشفها و أعملها بميه و جاز ولا الجاز بس أحسن

المشاركة الأصلية كتبت بواسطة loaytotti

شكراااااااااااااا ليك جدا أ.ذ إبراهيم على المعلومات المفيدة و أنا غلتطى إنى كذا مره أغسل العربيه و هيا فى الشمس و سخنه فممكن يكون هو دا اللى عمل كده بس أنا لو عملتها بالميه و الجاز هتلمع و طبقه الطافيه دى هتروح و أغسلها الأول بميه و صابون و بعد طدا أنشفها و أعملها بميه و جاز ولا الجاز بس أحسن

لا شكر على واجب يا باشا كلنا بنستفيد من بعض هو يا باشا تملى جردل ميه وعليه فنجان جاز وبلاش الصابون خالص وان كان ولا بد صابون يبقى فيه صابون بيتباع فى البنزينه من غير صوده زى الشامبو بتباع فى زجاجات لتر وجراكن ويبقى كل فتره كبيره شهرين ثلاثه سته وتتأكد ان الصاج بارد وتشطف بسرعه وان شاء الله لما تغسلها بالميه والجاز وطوقها بالفوطه المتزفره بالجاز هتلمع تانى ان شاء الله وممكن تبقى تلمعها بالبولش او بالشمع