الموضوع: كيفية تنظيف الريداتير؟

المشاركة الأصلية كتبت بواسطة aymansaad

من فترة لقيت الريداتير المايه لونها اصفر والصدا ماليها ياترى ايه حل هده المشكلة وكيفية تنظيف الريداتير؟
وشكرا

اولا معلومات عن سائل تبريد الموتور

هأتكلم هنا عن العربيه اللى عاوزه تغير مياه التبريد بس المياه القديمه اصلا منزلش فيها مياه من الحنفية.
3 يتكون سائل التبريد الاساسى من كذا ماده مع بعض اهمهم ماده التبريد نفسها ايثيلين الجليكول و الماده دى ممتصه للحراره بنسبة كبيره يعنى لو حطيت الماده دى فى برطمان و رجتها جامد هتحس باديك بردت شويه لان من خواصها عند الحركه انها تبرد و الماده دى بيبقى ليها تركيز معين و كل كتالوج ذاكر فيه نسبة تركيز الماده دى ( عندى فى كتالوج السيينا 1400 50 % ) و الباقى مياه مقطره ( منزوعه الاملاح ) و سائل تزييت طلمبه المياه و مانع رغوه مياة و اخيرا مانع صدأ.
4 يعنى لو قلنا مثلا ان البيانات المكتوبه على جركن سائل التبريد ان تركيزه 33 % مثلا ده معناه ان 33 % من حجم الجركن ماده اللايثيلين جليكول و الباقى الاضافات المذكوره اعلاه.
5 - و علشان كفاءه التبريد متتغيرش بعد ما نغير او نغسل مياه التبريد نتاكم من النسبة المذكوره فى الكتالوج .
و ارجو ان افيدكم بالتالى :- يتم غسيل دوره التبريد كل 40000 كم او سنتان على الاكثر للمحافظه على كفاءه دوره التبريد .
عند غسيل الدوره فى التوكيل او محطه يجب مراعاة التالى :-

1 لف مفتاح ثرموستات درجه حراره كابينه السياره على اللون الاحمر علشان الميه تعدى جوه الكويل اللى داخل فى التابلوه و ده طبعا اذا ماكنتش عامل باى باص من المحرك .
يتم الغسيل بالدوره المغلقه و ليست المفتوحه على ضغط مناسب مرتين قبل اضافه المواد المنظفه افضلها الانواع الامريكيه ( سولدر سيل جنك ) و اوعى تحط المياه اللى عاملينها فى المحطة ( بتبقى خليط من الجاز و الرابسو و الخل ) بدون نسب ودى بتهلك الخراطيم .
بعد كده تغسل بالمنظف سولدر سيل جنك و اللى لحد دلوقتى بتعامل فيه من 15 سنه و مدينى ثقه و كفاءه فى كل منتجاتهم لمده 5 دقائق بعدين نشطف و ندى هواء علشان نفضى الدوره و الحقيقه لازم هيتبقى منها شوية فى البلوك صعب انهم يخرجوا .
نضيف سائل التبريد و ناخذ الهواء و نغسل القربه كويس و ان شاء الله صيف من غير مشاكل حراره
اما بالنسبه للانواع من سوائل التبريد الاخرى ارجو انكم تختاروا المضمون مثلا ايادا اسبانى 20 % موبيل بيرمازون 33 % و فى منه 50 % و شل و ابعد عند اللى تحس ان شكل الزجاجه او الجركن موش مضمون.
بالنسبه لمياه التبريد 50 % تشتريها من توكيل و معرض هوندا او تويوتا اللى فى الدائرى عند اكاديمية الشرطه - مدينه نصر
المنظف سولدر سيل جنك من اى بنزينه كويسه زى وطنيه - موبيل - توتال بس خد بالك علشان فيه مقلد كتير .
و لو عاوز تضيف مياه خضراء على اللى عندك بس اما انك تشترى مياه التبريد اللى مذكوره فوق و ده طبعا بعد ما تتأكد من النسبة المطلوبه من كتالوج عربيتك ( غالبا بتكون 50 % ) او انك تضيف من سائل التبريد اللى بيتباع اسمه cool من سولدر سيل جنك و هو لونه اخضر ( علشان لو لون المياه عندك لونها مختلف احمر او برتقالى او اصفر ) و منه انواع مقلده اتاكد دايما من كلمه كول سولدر سيل جنك بتتباع بسعر من 17 الى 21 جم حسب المنطقه و اخيرا متنساش تراجع تاريخ الصنع علشان الصلاحيه


او راجع الراوبط

http://www.nilemotors.net/Nile/217131-a-2.html

http://www.nilemotors.net/Nile/218718-a.html
http://www.nilemotors.net/Nile/218718-a.html


انا جمعت الموضوع من روابط بمعرفتى كنت كتبتها سابقا توفيرا لوقت الزملاء

دمتم بود