موعد المقابلة القادمة الجمعة 15يوليو2011 بإذن الله الكل ينورنا

**sv065** · 05-07-2011 01:07 AM

السلام عليكم ورحمة الله وبركاته

السادة الأفاضل

أعتقد آن الأوان للقاء القادم ونتمني الجميع يشرفونا سواء من مالكي الجميلة BYD أو من معجبينها

إن شاء الله اللقاء القادم يكون يوم السبت 10/7/2011 وبمكان تجمعنا المعروف للجميع وهو البارك العلوي لكارفور سيتي سنتر - المعادي وياريت يا جماعة بجد تنورونا كلكم وفيه مفاجآت جميلة إن شاء الله للسادة الحضور

والمرة دي حنجمع أصوات الناس اللي جايين فقط إن شاء الله وبنأكد اللي جايين فقط علشان المفاجآت حتكون علي قدر العدد المتواجد فقط

لذلك كل من ينوي الحضور يؤكد معانا يا جماعة علشان نرتب نفسنا

وأحب أنبهكم إن المقابلة حيتم فيها الحدث الهام جدا وهو تسليم السيد /باسم ziabassem الجائزة التي فاز بها في موضوع سابق عن جدارة وبهذه المناسبة فعليه تجميع أكبر قدر ممكن من الأعضاء بما لا يقل عن 3458965459.14 عضو علشان يقدر يستلم الهدية اللي فاز بيها

وبخصوص المفاجاة الموجودة في الموضوع اللي كنا أعلنا عنه من قبل:-

http://www.nilemotors.net/Nile/227867-byd.html

سوف يتم الإعلان عنها للحاضرين هذا اللقاء فقط فبادر بحجز مقعدك فالأماكن محدودة

إلي أن ألتقي بكم جميعا إن شاء الله خالص تحياتي للجميع

تم تغير تاريخ المقابلة فى العنوان الرئيسى للموضوع

مشرف7ب
14/7/2011
2.33am

**hossam165** · 05-07-2011 01:49 AM

المشاركة الأصلية كتبت بواسطة sv065

السلام عليكم ورحمة الله وبركاته

السادة الأفاضل

وعليكم السلام ورحمة الله وبركاته
أعتقد آن الأوان للقاء القادم ونتمني الجميع يشرفونا سواء من مالكي الجميلة byd أو من معجبينها
نحن لها ان شاء الله

إن شاء الله اللقاء القادم يكون يوم السبت 10/7/2011 وبمكان تجمعنا المعروف للجميع وهو البارك العلوي لكارفور سيتي سنتر - المعادي وياريت يا جماعة بجد تنورونا كلكم وفيه مفاجآت جميلة إن شاء الله للسادة الحضور

باشا يوم السبت هيوافق 9 يوليو واقل من بي واي دي اتوماتيك مش هقبل
فارجو تاكيد التاريخ والساعة
ههههههههههههههههههههه
والمرة دي حنجمع أصوات الناس اللي جايين فقط إن شاء الله وبنأكد اللي جايين فقط علشان المفاجآت حتكون علي قدر العدد المتواجد فقط

ان شاء الله معاكم عشان نفسي اتشرف بمعرفتكم و عشان كمان محتاج رايكم في شوية حاجات في السيارة بتاعتي
لذلك كل من ينوي الحضور يؤكد معانا يا جماعة علشان نرتب نفسنا

وأحب أنبهكم إن المقابلة حيتم فيها الحدث الهام جدا وهو تسليم السيد /باسم ziabassem الجائزة التي فاز بها في موضوع سابق عن جدارة وبهذه المناسبة فعليه تجميع أكبر قدر ممكن من الأعضاء بما لا يقل عن 3458965459.14 عضو علشان يقدر يستلم الهدية اللي فاز بيها :e_braces[1]:

اعتقد انه شرط تعجيزي للتنصل من تسليم الجايزة للاستاذ باسم عشان 3458965459 وفهمناها ومفيهاش مشكلة تضامنا مع استاذ باسم هنجيب الي في كارفور والي علي الدائري ويمكن ندعو لمليونية تسليم الجائزة وان شاء الله يكمل العدد بس ازاي هنجيب 0.14

وبخصوص المفاجاة الموجودة في الموضوع اللي كنا أعلنا عنه من قبل:-

كلنا شوق لهذه المفاجاءة ويارب خير ان شاء الله وتكون علي مقدار التشويق والاثارة الي حضرتك عملها
هههههههههههههههههههههه
http://www.nilemotors.net/nile/227867-byd.html

سوف يتم الإعلان عنها للحاضرين هذا اللقاء فقط فبادر بحجز مقعدك فالأماكن محدودة

ممكن تحجزلي في اول صف تاني كرسي علي يمين المنصة لو سمحت
إلي أن ألتقي بكم جميعا إن شاء الله خالص تحياتي للجميع

الي القاء ووعو تروحو في اي حتة :b4_611:

**bassem.naguib** · 05-07-2011 02:30 AM

أمسك .. وعندك واحد مقابلة مع الناس الجميلة أصحاب الجميلة .. سجل يا زمان .. سجل يا تاريخ .. أخيراً وليد باشا حيسلمني الجايزة بتاعتي (كيس الشيبسي بالجبنة) .

وبعدين مفاجآت أيه بس اللي حتكون على عدد الموجودين .. حتدي كل واحد بالونة ولا أيه النظام ؟!!

وبالنسبة للعدد مش مشكلة خالص عندي .. هو فاكر يا حسام باشا أنه حيعجزني .. ميعرفش أني ممكن ألمله ناس من على الدائري زي ما بتقول .. وهي ديتها حعمل ورق وأوزعه على أول الدائري أن كارفور بيوزع شاي وسكر ورز ببلاش بمناسبة شهر رمضان في الدور التاني من البارك .. وحديهم أسمه ومواصفاته وأقولهم أن هو ده المسئول عن التوزيع .. واستحمل بقى يا عم هههههههههه .

نتكلم جد شوية بقى يا وليد باشا .. أنا حكلم الجرايد والصحف علشان تيجي تصور وأنت بتسلمني الجايزة (مفتاح العربية الأتوماتيك) ويكتبوا تحت الصورة "وقد قام السيد منسق القسم الصيني الأستاذ/ وليد بتسليم الجائزة للفائز" .. وميقولوش أسمي ههههههههههههه

بس أنت محددتش الساعة .. والتاريخ السبت هو 9 / 7 / 2011 .. زي ما قال حسام بيه .

**bassem.naguib** · 05-07-2011 05:04 PM

سجل أنك جاي يا عم أيهاب .. وعارف لو مجتش حــ .

وبعدين حتبقى مصيبة لو وليد مش عارف المفاجأة .. ويجي يقولنا مفاجأة أيه وهدايا أيه أنا معرفش حاجة وزي زيكم .. ههههههههههههه

واحتمال كمان يبقى فيه ضيف شرف من قسم تاني (مش أنا طبعاً) .. شخصية قمة في الاحترام وأعتقد الكل حيبقى حابب يتعرف عليها .

**Ashraf_Ibrahim** · 05-07-2011 11:25 PM

انتوا مصرين على يوم السبت :d
انا من اشد معجبين العربية دي الحقيقة
طيب هيبقا الساعة كام يا شباب ؟!
ان شاء الله بنسبة كبيرة جدا جاي
حددوا التوقيت وعلى أساسه هقلكم انا جاي ان شاء الله اكيد

**bassem.naguib** · 06-07-2011 09:29 AM

المشاركة الأصلية كتبت بواسطة ashraf_ibrahim

انتوا مصرين على يوم السبت :d
انا من اشد معجبين العربية دي الحقيقة
طيب هيبقا الساعة كام يا شباب ؟!
ان شاء الله بنسبة كبيرة جدا جاي
حددوا التوقيت وعلى أساسه هقلكم انا جاي ان شاء الله اكيد

حتنورنا يا باشا والله .

المشاركة الأصلية كتبت بواسطة ehabpopo

إن شاء الله انا جاى المقابلة ... وبسجل اسمى يا باسم اهو ...

أوك يا باشا .. ويا ريت "تبصم" كمان جنب التوقيع زيادة في التوكيد .. علشان مبقتش أضمنك بصراحة .

-

-

-

-

الموضوع: موعد المقابلة القادمة الجمعة 15يوليو2011 بإذن الله الكل ينورنا

LinkBack

أدوات الموضوع

عرض

موعد المقابلة القادمة الجمعة 15يوليو2011 بإذن الله الكل ينورنا - انشر الموضوع فى :

-

-

-

-

-

المواضيع المتشابهه

المقابلة التاسعة لاعضاء نيسان يوم الجمعة القادمة 18/5 عند جينز كار

معاد و مكان المقابلة الجاية بإذن الله

مسافر يوم الجمعة بإذن الله... نصيحتكم تهمني

المقابلة القادمة في سنغافوره إن شاء الله

موعد ومكان المقابلة القادمة .. يوليو 2007

الكلمات الدلالية لهذا الموضوع

المفضلات

المفضلات

ضوابط المشاركة