الموضوع: استلمت اللنترا 2012

الف مبروك
ربنا يباركلك فيها و يديك من خيرها و يكفيك شرها

المشاركة الأصلية كتبت بواسطة hussein_ramdan

ربنا يخليكو ياشباب تسلمو وشكرا ليكو
فى حاجتين مضيقانى جدااا
انا واخد مفاتيج قابلة للطى زاى بتاعيت السيراتو المفاتيج دى بتكون فى الجى ال اس بس تقريبا
المهم
المفتاحين بيهنجو يعنى ممكن اجى افتح ميفتحش لازم افتح من العربية والعربية تزمر وبعد كدة اشغلو عادى مش عارف دة بئة عيب اية برمجة ولاة اية
تانى حاجة الابوب قفلتها مش حلوة يعنى بتهبد جامد
مش عارف بئا استنى لما اروح الصيانة اقولهم ولاة اعمل اية
غير كدة العربية جميلة جداااا وان اشاء الله التقرير قريبا

يا باشا الف مبروك مرة تانية
لكن الغريب انة لسة غبور بيعمل الحركة الزبالة دى
انت عارف انا من حوالى سنتين او اكتر كنت بفكر فى الالنترا و كنت ناوى اشتريها و لما كنت بسمع من اصدقائى اللى معاهم هيونداى عن عيوب او مشاكل عربياتهم كانوا كلهم مجمعين على حاجة و مختلفين فى حاجات تانية
اللى كانو كلهم مجمعين علية و خصوصا صديق ليا كان معاة ماتريكس هيه مشكلة المفتاح اللى انت بتقول عليها دى
و لما سأل فى التوكيل قالوله روح ميدان الجامع عند واحد معين حيظبطلك المفتاح ببلاش طلع للأسف ان الانزار اللى راكب فى العربية مش جاية بية من كوريا لكن غبور بيجيب العربيات و يدخلها عندة فى الورشة و يركبلها انزار بريموت صينى رديئ الصنع بيعمل المشاكل دى
لما روحت معرض هيونداي اللى فى البطل احمد عبد العزيز علشان احجز الانترا طلبت من مندوب المبيعات انى لو ححجز معاهم ليا طلب وحيد ممكن استنى فترة اطول بشوية ماستلمش العربية علشانة ان عربيتى لما توصل مصر من كوريا استلمها زى ما هيا بدون ما حد يركبلى فيها اى حاجة فى التوكيل و كمان مش حنقص من سعرها ولا جنية واحد
الغريبة انة رفض بشدة و قالى ماينفعش لازم كل العربيات اللى بتيجى من برة قبل ما تتسلم للزباين تخش الورشة و يتركب فيها الانزار بالريموت اياه و كمان الكاسيت قولت له لية لازم يعنى قالى علشان فية عقد بين غبور و المتعهد اللى بيستورد اجهزة الانزار و الكاسيت من الصين بينص على كدة
لما رفضت وهوه اصر كبرت فى دماغى و قولت استنى شوية لغاية لما اشوف عربيات تانية
عموما ربنا يباركلك فيها و ان شاء الله تطلع مشكلة بسيطة و تستمتع بعربيتك