السلام عليكم
طقت فدماغى انى اعمل دبلومة واستغل الوقت الفاضى بدل مالواحد قاعد وانا خريج حقوق اسكندرية
لو حد عندة خبرة عن الموضوع دة يقولى وعايز اعرف اسهل حاجة اية ؟؟ واية نظام الساعات المعتمدة دة ؟
السلام عليكم
طقت فدماغى انى اعمل دبلومة واستغل الوقت الفاضى بدل مالواحد قاعد وانا خريج حقوق اسكندرية
لو حد عندة خبرة عن الموضوع دة يقولى وعايز اعرف اسهل حاجة اية ؟؟ واية نظام الساعات المعتمدة دة ؟
اية دة محدش هنا عمل دبلومة قبل كدة ؟؟؟
يبقى انا بفكر غلط كويس انكم لحقتونى
هقولك على حاجه اغلبيه الى بيعلمو دبلومه بيحضروا بعدها ماجستير ودكتوراه وكلام من كدا
او بمعنى تانى بيبقوا فعلا حابين الموضوع ده وبيدوا ليهم وقتوا تمام
حضرتك قاعد مثلا من الشغل زهقان قولت اعمل دبلومه
طب لو فرضنا ان فيما بعد جالك شغل او انشغلت هتعمل ايه
مع العلم ان الدبلومه عاوزه مذكره متفتكرش انها زى الدارسه عادى
فنصحتى ليك فكر تانى
شوف يباشا انا مستنى النتيجه اان شاء الله ع خير واتخرج من حقوق عين شمس وناوى ان شاء الله اشوف الجيش وبعدين ابدأ ف الدبلومات وسعتك ف دبلومه جديده ف القاهره دبلومه تحكيم وبيقولو مفيده جدا وطبعا تخد معها واحده عام او خاص لكى تكون درجه مجاستير تمام ونظام الساعات المعتمده والمعمول به ف بعض الجامعات كا جامعه حلوان وجنوب الوادى يعتمد ع وجوب حضور حد معين من الساعات للناجح ف الماده ويجب الا تتعدى نسبه الغياب 25% كما انها تكون بنظام التيرم كا ليسانس وليس نظام انك تمتحن ف شهر 5 او 10 ويارب اكون افدك
هيه فعلا موجود فى جامعة القاهرة دلوقتى دبلومة للتحكيم .وكانت فى الاول مادة فى دبلومة قانون التجارة والاستثمارات الدولية .لكن دلوقتى بقت منفصلة وبعدين علشان تكمل الماجيستير الاوقع تاخد دبلومة قانون خاص مش عام ده فى حالة انك هتاخد دبلومة التحكيم .وهيه كدراسة ظريفة جدا ومفيدة .ولو ربنا وفقك فى شغل فيها بتبقى كويسة جدا .
لانها عبارة عن تحكيم خاص قائم بذاته .
وتوجد بالقاهرة المركز الاقليمى للتحكيم .
اما عن نظام الدراسة الحضور عادى خالص بنسبة معينة وبعد كده الامتحانات تبداْ بالتحريرى اذا ربنا وفقك فيه تدخل الامتحانات الشفوى .يعنى العدد فى الاول بيبقى مثلا 70 طالب هتلاقى فى الاخر اللى اخد الدبلومة 5 طلاب فقط .وربنا يوفقك للخير دائما
شاكر ليكم جدا ياشباب
بس كام سؤال كدة
عندى هنا فجامعة اسكندرية شغالين بنظام الساعات المعتمدة
وكنت قريت ان من مميزات النظام دة ان مفيش شفوى هو امتحان تحريرى فقط ؟
تانى حاجة كنت قريتها انك لو اخدت اى دبلومتين تبقى ماجستير ولا لازم دبلومة معينة مع واحدة بردة معينة ؟
وفى دبلومات كتير جدا حوالى 15 واحدة ومحتار فعلا اختار مين واكيد فى سهل وصعب فى المحتوى نفسة ولا اية ؟
واخر حاجة بالنسبة انى هقدر اكمل ولا لا انا عارف انها مش هتفدنى بحاجة عمليا ولاحتى فشغل
بس فكرت ان الواحد اخد شهادة وتوقفت فى العلم عند مرحلة معينة هل افضل كدة بقيت عمرى ولا استفاد من عمرى اللى بيعدى فحاجة مفيدة
وعموما بردة هفكر تانى...
والله حضرتك نظام جامعة الاسكندرية انا مش عارفاه .اللى اعرفه نظام جامعة القاهرة .والدبلومتين تعادل الماجستير .وكان يتطلب انك تاْخد اى دبلومة حضرتك عايزها بس الدبلومة التانية لازم تبقى اما قانون عام او خاص .