تجربة شد مع جيتز مانوال

**mememsaid** · 06-07-2011 01:44 PM

اشرف
انت عايز صلاح حكيم
وراني فيديو كان بيشد بالساجا بتاعته مع الفيرنا في شارع المرغني
الفيرنا طبعا طلعت في الاول بس عقبال ما جابو الثالث كانت الساجا عدت الفيرنا وقربت تقولها باي باي

**Ashraf_Ibrahim** · 06-07-2011 07:33 PM

:d
يبقا مكانش سواق اكيد بتاع الفيرنا :d

**mmffor** · 06-07-2011 08:16 PM

دا على كده الساجا مركبه جناحين

**das1328** · 06-07-2011 11:04 PM

أنا كان ليا تجربة مدوية مع المازدا 3 شدينا إحنا الإثنين مع بعض عديتو في الطلعة الأولى وفضلت ببعد عنو لحد ما وصلت ل 170 والطريق خنق وإطرينا نهدي مع بعض

**mmans** · 07-07-2011 02:47 AM

مع احترامي يا جماعة لأسماء العربيات السابقة إلا ان أهم حاجة والله و تفرق كتير جدا هو السواق--عشان متقولوش الهبل جه اهو عربيتي كورولا مشهقول بعدي من ايه بس السواق بيفرق فعلا

**ayman_83** · 07-07-2011 02:55 AM

كلنا عارفين ان الجاري والكلام ده كله وحش وغلط بس بصراحه انا عن نفسي وبتكلم عن شخصي انا مش بستحمل لما الاقي واحد ملهوش اي لازمه حتي لو راكب ايه وبيشد معايا وطبعا انا لو مشديتش معاه هيقول لاي حد انا قطعت جين تو وكده فبحاول اشد معاه واوريه مقامه حتي لو بي ام او مرسيدس والله لو فتحت عنه يبقئ يحرم وميلعبش مع جيناوي تاني لو هو فتح طبعا مش هيطير يعني والفرق هيكون بسيط يعرف ان امكانيات العربيه دي حلوه وميتعوجش عليها تاني اما بقئ لو طار وانا مشوفتهوش يبقئ حقه يقول انا قطعت كذا وكذ وكذا

**spiderloking** · 07-07-2011 02:56 AM

المشاركة الأصلية كتبت بواسطة mmans

مع احترامي يا جماعة لأسماء العربيات السابقة إلا ان أهم حاجة والله و تفرق كتير جدا هو السواق--عشان متقولوش الهبل جه اهو عربيتي كورولا مشهقول بعدي من ايه بس السواق بيفرق فعلا

فعلا عندك حق السواق اهم من العربيه كمان يعني تقدر تقول السواقه عليه عامل بنسبه 70 %

**mangere90** · 07-07-2011 03:47 AM

المشاركة الأصلية كتبت بواسطة Ashraf_Ibrahim

انا شديت بالفيرنا العظيمة بتاعتي مع واجا وساجا والاتنين روقتهم الحقيقة
الواجا كانت في وسط البلد
والساجا كانت على الدائري
لقيته بيعدي من جنبي وانا كنتي ماشي 100 تقريبا وواضح انه كان دايس يعني المهم لمحته في المراية وهو جاي
كبست بنزين المهم العربية طلعت ل 160 عند اكصدام عربيته الخلفي وقمت كابس كمان 180 قمت طاير من جنبه طبعا مفكرش يعملها تاني :d

تعالا يامعلم واحنا نشد مع بعض واخليك تبيع الفيرنا وتشتري جين2 وتبقي بروتوني اصيل هههههههه

**moamen_badboy** · 07-07-2011 10:47 AM

انا شايف فى منافسة بين الفيرنا والبروتون
وانا معايا ال 2 الحمد لله
الفيرنا على فكرة مش عربية اى كلام زى ما الناس فاكرة
الموتور بتاعها شديد خصوصا لو 1600 زيى كده
ومش بعيدة ان هو يفسح الواجا والساجا لو السواق كويس
بس بالنسبة للجين 2 صعب قوى الصراحة
بس على السرعات لحد ال 70 مثلا ممكن الفيرنا تسبق شوية
لكن بعد كده صعب قوى... المقارنة مش موجودة
بس برده ده كله يرجع للسواق
يعنى واحد صاحبى معاه جين 2 كان بيشد مع واحدة وراكبة سوزوكى التو
والبنت ظبطته خالص يا عينى وانا راكب جنبه عمال اضحك عليه من اللى البنت عملته فيه
يعنى انا شايف السواق 75% من الشد

-

الموضوع: تجربة شد مع جيتز مانوال

LinkBack

أدوات الموضوع

عرض

-

-

-

-

-

-

المواضيع المتشابهه

تجربة طنابير vttr للجين 2 وتقرير مفصل بعد تجربة وافية

تجربة تحويل السيارة لغاز طبيعي بعد غلاء البنزين-تجربة ومناقشة

تجربة تحويل السيارة لغاز طبيعي بعد غلاء البنزين-تجربة ومناقشة

كلاكيت تاني مرة.. سانديرو اوتو ولا صني اوتو ولا ريو مانوال ولا اكسنت مانوال

فتيس مانوال s20

الكلمات الدلالية لهذا الموضوع

المفضلات

المفضلات

ضوابط المشاركة