ارائكم بسرعه جزاكم الله مل خيـــــــــــــر

**Electric** · 05-07-2011 04:17 AM

السلام عليكم

اشكر كل من سيشارك في الموضوع

انا معايا 90000 و مش عارف اجيب ايه محتار

يا ريت ترشحولي حاجه كويسه تكون زيرو و اوتوماتيك و راعو اني شاب و احب ادلع نفسي :)

راعو اني ان شاء اله نازل من فيرنا

فعايز احس بختلاف

انا فكرت في الجين 2 2011 اوتوماتيك بس الناس بتقول التقفيل و الخامات و انا اتعقت من ناحية التقفيل مع الفيرنا ( كرتونة شيبسي ماكش )

اراكم المفيده يا ريت

جزاكم الله كل خير

**M.Alaa92** · 05-07-2011 06:32 AM

احيك على الجين تو
جيبها و اتكل على الله و ما تقلقش من حوار التقفيللانو فى تطير و اى حاجة تتغير ف الضمان

**Ghosts** · 05-07-2011 06:46 AM

بص يا معلم ....
الجين 2 عربية فعلآ ممتازة ....
ومينفعش تقارن تقفيلها بالفيرنا ....
أنا كنت فى نفس حيرتك وكنت ناوى أجيب عربية أوروبى ....
بس بعد الثورة و أنخفاض الجنية أمام اليورو و الدولار العربيات الأوروبى بقت غالية ناااااار ....
فلقيت أن أنسب بديل هو الجين 2 لأنها عربية ماليزية بمواصفات أوروبية ....
أنا نزلت التوكيل وشفتها من جوة لقيت الفرش والتقفيل مقبول جدآ ....

وبعدين دى حاجة نسبية ....
يعنى اللى يقارن تقفيل الفيات البرافو أو الأيفو بالجين 2 ....
هيلاقى أن تقفيل جينا فى الضيااااع ....
لكن لما تقارن تقفيل الجين 2 بالعربيات اللى فى نفس الرنج ....
هتلاقية مرضى جدآ ....
ودة مش ممكن يكون عيب خطير يخليك تقفل من العربية ....

العيوب اللى تخوف فى أى عربية ....
الفرامل الضعيفة ....
الصاج ضعيف ....
العربية مش ثابتة على الطريق ....
الدريكسيون مش بيتقل على السرعات العالية ....
مفيش فيها عوامل أمان ....
لكن مشكلة التقفيل دى أنت تقدر تعالجها وبمنتهى السهولة ....
ممكن تغطى فرش العربية بأفخم نوع فرش جلد طبيعى يعجبك فى السوق ....
وممكن كمان تعمل فرش للابواب و ده عبارة عن تغليف فرش الابواب بالجلد للمناطق اللي فيها قماش بس ....
وكمان تقدر تغلف أرضية العربية ....
أقرا الموضوع دة http://www.nilemotors.net/Nile/223807-2.html
عشان لو حبيت تروش عربيتك ....
هو أنت صحيح هتدفع قرشين زيادة بس فى النهاية أنت الكسبان ....
ربنا يوفقك ....

**bero0o0o0** · 05-07-2011 08:12 AM

شوف يا باشا جين 2 اوتوماتيك و اتكل على الله
تقفيلها مش سيئ زي ما الفكرة واصلة لحضرتك يعني
هو مش اعلى حاجة لكنه جيد او على الاقل فوق المتوسط
غير كده بقى موتور و ثبات و امان و شكل شبابي كل دي مميزات تخليك تتغاضى عن العيوب البسيطة
لانك مش ممكن تلاقي عربية فيها كل اللي انت عايزه من غير عيوب بالسعر ده
تحياتي و ربنا يوفقك

**dya2008** · 05-07-2011 09:44 AM

بالنسبة لاحتياجاتك اللي قلتها و السعر اللي حددته ..... ارشح لك جين2 و بعدين يا عم لو التقفيل مش قد كده انا شفت جين2 عامل لها كار كيت تقريبا مغير كل حاجة جوه العربية ( الا كراسي الطيارة ) و مخليها طيارة لان التقفيل مش هو الفيصل المهم اساسيات العربية

**akmall** · 05-07-2011 01:40 PM

جين تو عشان عاوز تدلع نفسك لكن مفيش مقرنا بينها وبين الفيرنا انسى الموضوع دوة خالص

النيسان بردوا فى نفس الرنج بس حنة الدلع والترويش دية بقى انت اللى تحكم عليها نظرا لشكل النيسان التقليدي

**Abdm** · 05-07-2011 08:00 PM

يا ريس عليك وعلى النيسان صنى جرى وبسرعة وبدون تفكير خالص لآنها هى اللى تفوز فى الرنج دة فى كل حاجة توكيل محترم وقطع غيار منتشرة وموجودة فى كل حتة

لو حبيت توفر شوية فلوس وتخليهم فى جيبك ممكن تجيب اللوجان زيرو كاملة ب 70000 جنية وهى عربية ممتاذة أيضا وتتفوق بنسبة كبيرة على اللانوس والفيرنا

والله الموفق والمستعان