المشاركة الأصلية كتبت بواسطة krooota
الحمد لله النهاردة استلمت التيدا الهاتشباك الكاملة بفتحة سقف لونها اسود 131500 جنيه من عند السبع وبصراحة العربية تحفة فى القيادة وسلسة جدا ودى انطباعاتى ::
1-العربية واسعة جدا ومريحة من الداخل وانوارها شيك اوى
2-انا قعدت ساعة ادور على مؤشر الحرارة وفى الآخر معرفتش انه مش موجود الا لما قرات دليل المالك وعرفت انه بيدى مؤشر أحمر لما تسخن وده فى رايى انه مش حلو اوى لأنه لازم يكون موجود مش لازم لما يسخن يعرفنى المفروض انا ابقه متابع بنفسى الحرارة ..
3-الدركسيون سلس اوى لدرجة انى حاسس انها لعبة قصاد الانسر بومة اللى معانا
4-الكاسيت صوته حلو وقوى وكويس وموضوع التحكم فى الصوت من الطارة ده عاجبنى اكتر .
5-العربية اول لما استلمتها رحت فولتها بنزين 92 زى ما بتاع المعرض قالى عربيتك وحسب ما تعودها .
6-التقفيل المكسيكى حلو جد ومفهوش غلطة بصراحة .
7-انا قرأت فى الكتيب انى ممكن اشغل التليفون بالبلوتوث مع الكاسيت !! هل ده صحيح ؟؟ او حد جربه ؟؟
8-لاحظت ان مفيش مكان لتثبيت لوحة رقم السيارة من الخلف ولقيت الراجل بيقولى هضطر اخرم ليها مكان ؟ هل ده صحيح ؟؟
9-التكييق بصراحة محولتش اشغله الا لما تعمل اول 500 كيلو على حسب نصيحة الراجل ..
10-الحاجة بقه الأخيرة انى لاحظت ان الفتيس بتاعها وبتاع الهيونداى الانترا واحد يعنى مختلف عن بتاع الانسر البومة انه الار بى بم بيعلى وبياخد نقلته وبيرجع ينزل تانى مش سلس زى بتاع البومة واللى بصرحة عاجبنى اكتر انى مبحسش بالنقلة.
11- العربية مبتلقطش فى التشغيل الصبح بسرعة ؟ هل ده علشان انها لسه جديدة ولا فى عيب ؟؟