فـــيــات هــامـــر

**PRO-DRIVE** · 03-05-2008 02:22 AM

المشاركة الأصلية كتبت بواسطة ramyso4

ثانية واحدة بس إنت متحكمش على عربية غير لما شركة تنزلها ملكش بال concepts وال كلام ده عشان أصلاً أصلاً ممكن يكون واحد عملها في بتهم نيجي بقة للنقطة الأهم ازاي فيات شركة فاشلة وعالة وال كلام ده مفيش حد يقول الكلام ده دي من أعظم شركات العالم أصلاً ومش بالكلام ده بال عربيات الهي مادامها ف جميع الفئات

لو تلاحظ انا حاطط دايما وجوه ضاحكه بجانب الكلام اللي من النوع دا :D :D

**PRO-DRIVE** · 03-05-2008 02:25 AM

المشاركة الأصلية كتبت بواسطة فادى

ديه مش تقليد للهامر و لا حاجة و مفيش أى تشابه بينها و بين الهامر سواء فى الشكل أو فى أى حاجة هى تتشابه مع المركبات الفضائية فقط:), مع انى أحب فيات الا أننى أرى أن السيارة قبيحة جدا:( و لكنها لا تمت للهامر بصلة, بص كويس على السيارة يا برو و على شكلها و قولى فين التشابه؟؟!
كل التشابه الى ممكن نلاقيه انها مربعة زى الهامر, و ده طبيعى لأنها أصلا سيارة جيش.
هى سيارة تفكر فيات فى انتاجها على طراز ايفيكو ال ام فى و هى سيارة ناجحة جدا فى أوروبا و هى سيارة تستخدم فى الجيش البريطانى و الايطالى و البلجيكى و قريبا فى الجيش الألمانى, و هى أيضا لا تشبه الهامر فى شكلها سواء من قريب أو من بعيد, و تفكر فيات فى انتاج نسخة مدنية منها لمنافسة الهامر(لاحظ منافسة الهامر) و ليس لتقليد الهامر, يعنى مثلا بورش شركة أنشأت لمنافسة فيرارى و ليس لتقليد فيرارى, و هكذا فيات سوف تصنع سيارة لتنافس الهامر و هى ضربة معلم من فيات أخيرا سوف نرى سيارة تنافس الهامر التى بقيت لفترة طويلة بلا منافس حقيقى.
بس حتى الأن لا أعرف اذا ماكانت فيات تنوى انتاجها أم لا, أعتقد انو السوق الأوروبى مازال غير مستعدا لمثل هذه السيارة, لكن أتمنى فعلا أن نراها من فيات, و هى سيارة أعتقد أنها سوف تعطى درسا قاسيا للهامر.

اسمحلي دا تلاعب السياره من شكلها بعيدا عن شكل الانوار 100% همر
حتي بالصندوق اللي ورا

حتي بالمكعب اللي جوا التبلوه حتي بنفس زاويه ميله تقريبا كمان

انكشفت كل خيوط المؤامره :D

قبل ما تتهموا تويوتا شوافوا شركاتكم الاول :D
مع اني مبحبش الاتنين

**فادى** · 03-05-2008 02:36 AM

المشاركة الأصلية كتبت بواسطة PRO-DRIVE

كريبتون معترضتش علي اي حاجه خالص من كلامك :)

بس في الاخر مليييش دعوووووووه

عربيه فيات عملاها تقليد لهمر :@

انا مالي بقي بأصلها ايه ؟؟ اكيد الشركه بتلاقي موديلات ناجحه حربيه بتقلدها

و الصوره اللي انت حاططها تعتبر نسخه من سيارات جيب

في الاخر والله احسنلهم انهم مأنتجوهاش ههههههه

و برضه انا عاوز اقولك علي تقليد حتي جوا :D حتي مبتعرفوش تصمموا تبلوهات و بتسرقوها

يا تري المكعب اللي في الوسط مجرد تشابه عابر :D

على فكرة الهامر هى الى تقليد ليها, لأن الهامفى بدأ انتاجها عام 1984, بينما هذه السيارة موجودة من الحرب العالمية الأولى.
عليك أن تعتذر لفيات الأن.
و بلاش غلط فى فيات, طب هقولك حاجة يا برو, عارف الV-TEC الى هوندا بتكتبه على مؤخرة سياراتها؟ عارف مبن الى اخترعه و طوره و امتى؟
فيات فى عام 1960, و أول استخدام له كان فى ألفاروميو سبايدر ثم لانسيا, و بعد ذلك التقطت شركات بورش و أودى الفكرة ثم هوندا.
ده طبعا حاجة بسيطة من ابتكارات فيات التى قدمتها لعالم السيارات. اسأل و أنا هجاوبك.

**فادى** · 03-05-2008 02:52 AM

المشاركة الأصلية كتبت بواسطة Chicco

يا رااجل يا طيب يعني حلال على فيات حرام على تويوتا .....و ما بقتش تقليد بقيت منافسه

يا أستاذ شيكو الوضع مختلف.
أولا فيات تنتج هذه السيارة الحربية قبل الهامر. و على فكرة الهامر أصلها ايطالى أو محاكاة لتصميم ايطالى من لمبرجينى كان اسمه "لمبرجينى شيتاه" و لكن الجيش الأمريكى لم يتعاقد مع لامبرجينى (شركة اي ام الأمريكية و لمبرجينى كانو بيتنافسوا على عقد الجيش الأمريكى و كسبته ايه ام). ثانيا السيارة مش متشابهة مع الهامر بأى شكل, تويوتا نسخت شكل الهامر بالضبط و بشهادة جميع الخبراء فى الميجا كروزر, حتى موقع ويكيبديا هتلاقيه كاتب ان السيارة تشبه الهامر و كذلك مجلة سبور أوتو أشارت لهذا التشابه من قبل, أما الفيات فمفيش أى حد ذكر انو فيات اولترى تتشابه مع الهامر بأى شكل من الأشكال, و أتحدى أى حد يطلعلى أى تشابه بينهم؟!
أستاذ برو معتمد اننا أصبنا بالعمى عشان نصدق انو فيه علاقة بين هذه السيارة و الهامر.
و تاامبرجينى الشيتاه صممت قبل الهامر عام 1970, و أعتقد انو الهامر اقتبست منها التصميم, و الذى أعتقد أنه كان مقتبسا بشكل ما من سيارة فيات للجيش الايطالى.
و الشيتاه تطورت بعد ذلك الى المبرجينى ال ام 002, و بدأ انتاجها 1983 قبل الهامر.
أتركك مع مجموعة من الصور للمبرجينى الى ام 002 لتلاحظ مدى التشابه بينها و بين الهامر.
http://www.heritageclassics.com/lamb...m002/Page.html
و على فكرة كان السبب الأساسى لرفض هذه السيارة الرائعة هو كونها غير أمريكية الصنع.
أعتقد بعد هذا محدش يقدر يقول انو فيات بتقلد الهامر بعد ما طلعت الهامر أصلا تقليد لسيارة ايطالية.
سبحان الله, يعنى الايطاليين هم ملوك السيارات الرياضية و كمان هم ملوك سيارات الدفع الرباعى و الاتنين أبعد حاجة عن بعض!!

**hazem_khidr** · 03-05-2008 03:01 AM

مش حزود كلمه علي كلام الاخوه
الاستاذ محمد ابراهيم
المهندس كريم
المهندس فادي
الاستاذ رامي.
.................................................
آل تقليد آل ههههههههههههه
و الله موت علي نفسي من الضحك

**PRO-DRIVE** · 03-05-2008 03:03 AM

المشاركة الأصلية كتبت بواسطة فادى

على فكرة الهامر هى الى تقليد ليها, لأن الهامفى بدأ انتاجها عام 1984, بينما هذه السيارة موجودة من الحرب العالمية الأولى.
عليك أن تعتذر لفيات الأن.
و بلاش غلط فى فيات, طب هقولك حاجة يا برو, عارف الV-TEC الى هوندا بتكتبه على مؤخرة سياراتها؟ عارف مبن الى اخترعه و طوره و امتى؟
فيات فى عام 1960, و أول استخدام له كان فى ألفاروميو سبايدر ثم لانسيا, و بعد ذلك التقطت شركات بورش و أودى الفكرة ثم هوندا.
ده طبعا حاجة بسيطة من ابتكارات فيات التى قدمتها لعالم السيارات. اسأل و أنا هجاوبك.

حتي اذا كلامك صح حيعتبروا تقليد لجيب :) او حتبقي تقليد للاند روفر ديفندر

**Chicco** · 03-05-2008 03:05 AM

ايطاليين إيه اللي ملوك الدفع الرباعي...... هي فين العربيات الأيطالي ال-suv و يا فرحتي هامر أصلها إيطالي طب عملوا إيه بالتصميم ده

**ams** · 03-05-2008 04:04 AM

المشاركة الأصلية كتبت بواسطة PRO-DRIVE

انكشفت كل خيوط المؤامره :D

كل شىء انكشفن وبان :D
فيات دى شركة فاشله فاشله متعرفش الالف من عمود الكردان :D
صح يا برو

**CryptonX** · 03-05-2008 09:47 AM

لما سوبارو تعرف تعمل عربيات من غير الاستعانة بتويوتا و دايهاتسو ( دور كدة علي سوبارو جاستي Justy الي هي هي سبحان الله سريون ) يبقى اتكلم XD

و كلها كام سنة و نشوف سوبارو كامري و سوبارو كورولا XD