عربيتى فيرنا 2004 كاملة كورى و عامله 100000 كم و صيانتها كلها فى التوكيل
مشكلتى غريبة ..... العربية كلها بتتهز فى الجرى ؟
قالوا قاعدة موتور مطلعتش قاعدة موتور كل القواعد طلعت سليمة
اللى عندو اقتراح يقول عليه
عرض للطباعة
عربيتى فيرنا 2004 كاملة كورى و عامله 100000 كم و صيانتها كلها فى التوكيل
مشكلتى غريبة ..... العربية كلها بتتهز فى الجرى ؟
قالوا قاعدة موتور مطلعتش قاعدة موتور كل القواعد طلعت سليمة
اللى عندو اقتراح يقول عليه
عجلة القياده بتتهز هى كمان ولا لاء ؟اقتباس:
المشاركة الأصلية كتبت بواسطة ahmedsameir
ايوه بتتهز بس على خفيف قوى و احيانا مبتتهزش خالصاقتباس:
المشاركة الأصلية كتبت بواسطة ezzeldin1234
اقتباس:
المشاركة الأصلية كتبت بواسطة ahmedsameir
لو عجلة القيادة بتتهز عندك مشكله فى العجل الامامى اما كوتش او جنط
السلام عليكم:بص حضرتك العربيه بتتهز كلها صح طيب والطاره كمان بتتهز تحت ايدك وعلى سرعة كام يعني لو العربيه بتتهز على سرعه كام مثلا 140 يبقى ده ترصيص وصدقني انا كان عندي المشكله دي ولو العربيه على جنوطها والكوتش المصري يبقى انسى ان هيه تروح ولو راحت حتبقى بنسبه متوسطه ولو عوزت اي استفسار انا معاك على فكره انا معايه فيرنا 2008 وكان فيها المشكله دي فجرب ترصص الاول وبعدين لما بتدوس فرامل هل العربيه بتتهز او بدال الفرامل بيتهز علشان لو بيتهز ممكن تبقى عندك مشكله ان يكون فيها طنابير جرب الترصيص الاول وان شاء الله المشكله تروح ان شاء الله وشكرا
متحرمش يا نجم و انا رايح ارصص و اقول النتايج بعد ما ارصصاقتباس:
المشاركة الأصلية كتبت بواسطة unks
مع العلم ان العربية فعلا مجنطه و العربيه بتتهز عند 140 كم فعلا و غالبا ان الكاوتش اللى راكب من المعارف زى الزفت و بتاع الكاوتش قالى قبل كده بس ده بقاله 15000 كم بس و موضوع الهزه فى الفرامل مش موجود الحمد لله لانى مغير طنابير من 6 شهور و الفرامل زى الفل
و على العموم ده الايميل بتاعى لو حبيت نتواصل
ahmed_sameir@yahoo.com
مشكلة ترصيص بنسبة كبيرة جدا
رصص وقلنا ايه النتيجة
السلام عليكم
انا روحت رصصت النهاردة بس المشكلة طلعت حسب وصف مهندسين التوكيل اللى انا بشك فيهم اصلا ان المشكلة فى الكبالن الداخلية و لازم اغيرها قلتلهم انتوا الاسبوع اللى فات قلتوا قاعدة موتور و مطلعتش هى و النهارده بتقولى كبالن داخلية و سالتهم سعرها كام قالوا الجنب كامل كوبلن خارجى و داخلى و الاكس اللى بينهم ب 2500 جنيه :oops1: :untitled 1: شوفتوا الكلام يا بلاش والله المهم مش هطول عليكما روحت للميكانيكى بتاعى و خدته و روحت عند واحد بتاع كبالن شرحتلوا المشكلة و هى ( لما بدوس بنزين احس بهزهزه جامده و لما اشيل رجلى او اخف السرعه شوية العربيه بتهدى ) رد عليا بتاع الكبالن و قالى اه كده كوبلن داخلى بكام يا عم قالى 240 جنيه الجوز :oops1: قلتله هما صناعة ايه قالى صينى قلت اممممممممممممم طيب متشكر
انا عرضت عليكما اللى حصل النهارده و مستنى الردود
اظبط زوايا و رصص
و عليكم السلام و رحمة الله
لو حضرتك و الميكانيكي أتأكدت إن الهزه من الكبالن يبقي غيرها و ممكن تغيرها بره التوكيل أو عند ميكانيكي نضيف
و أبعد عن الكبالن الصيني لأنها هاتمشي و الهزه هاتروح لكن مش هاتعيش آخرها يوم ما تقول أنا عشت سنه
شوف حاجه تايواني أو كوري أو أي صناعه غير الصيني
سؤال جانبي (هي دي كبالن الفابريكه؟؟؟) و من أمتي الهزه دي بتحصل
السلام عليكماقتباس:
المشاركة الأصلية كتبت بواسطة hossam99
متشكر على مشاركة
ايوه هى كبالن الفبريقة بتاعة العربية و العربية موديل 2004 كاملة اوتوماتيك كورى
الهزه دى بتحصل من كام يوم بس حوالى اسبوع
ترصيص
اقتباس:
المشاركة الأصلية كتبت بواسطة ahmedsameir
و عليكم السلام و رحمة الله
هو الصراحه علي حد علمي و خبرتي مع الكبالن أنا شايف إنها كلها مش أعراض كوبلن داخلي أبدا و الكوبلن الداخلي كل اللي بيحصله بيملص من البار و لا بتسمعله صوت و لا بنشوفله هزه
أما اللي حضرتك بتوصفه هو ترصيص أو جنوط غير قابله للترصيص لردائة نوعها
و الحل إن الميكانيكي اللي متأكد من إنه كوبلن تتفق معاه أن حضرتك هاتجيب الكوبلن و تغيره و لو العيب ما أختفاش هايتحمل هو كل شئ
و لو حصل كده فعلا يبقي حضرتك غير الجنوط
بالتوفيق إن شاء الله
أعمل تجربة بسيطة الأول
غير أماكن الكاوتش هات اللي ورا قدام أو اليمين شمال
لو لقيت الهزة خفت أو اتغيرت
يبقي الموضوع جنوط و كاوتش مش كبالن
و الله يا حسام انا بعت جبت قطمه كامله عبارة عن كوبلن خارجى و بار و كوبلن داخلى شمال و يميناقتباس:
المشاركة الأصلية كتبت بواسطة hossam99
و هنشوف لان امبارح فى التوكيل كمان قالولى الكلام ده انا نفسى مستغرب العيب ده لانه مش منطقى
ممكن بردواقتباس:
المشاركة الأصلية كتبت بواسطة Ahmed Anwer
اقتباس:
المشاركة الأصلية كتبت بواسطة ahmedsameir
بالتوفيق و بلغنا بآخر الأخبار
جرب والعربية واقفة ودايرة دوس بنزين برجلك اليمين والمس الدبرياج او دوسه يس مش للاخر برجلك الشمال وشوف حتحس برعشة فى الدبيراج تختفى لو شلت رجلك من البنزين ولا لاْ ... ده فى حالة لو العربية مانيوال لو حصل اللى بقولك عليه يبقى عندك مشكلة فى طقم الدبرياج
السلام عليكم
اشكر كل اللى شاركونى فى مشكلتى و الحمد لله تم التوصل للحل و هو ترصيص و زوايا لانه كان فى عجلة مقفولة شوية و طلع مهندسين التوكيل على قدهم و بيعملوا شغل وخلاص
و عليكم السلام و رحمة الله
الحمد لله إن المشكله تم حلها
و فعلا لازم الواحد قبل ما يأخذ بكلام الصنايعيه و المهندسين يسأل و يقتنع بالخلل أولا
بالتوفيق
دايما اقول ان صنايعية و مهندسين التوكيل كفتاجية
ترصيص يا باشا أو كاوتش محتاج تغيير
انا حصلتلى قبل كده المشكله دى ورحت التوكيل قالى ترصيص. فقلتله رصص يا برنس بكام ؟ قالى 100 جنيه فقلتله ماشى (ما هو برده ده التوكيل بجلالة قدره )
واستلمت العربيه وخرجت لقيتفيها نفس المشكلة رجعتلهم . فضلو يشتغلو ويحاولو فيها وفى الاخر قالولى علشان المشكلة دى تروح محتاج تغير الاربع جنوط وهنعملك خصم على سعرهم.
قلتهلم بكام قالولى 1500 جنيه بس (من حوالى سنتين ونصف) فسألتهم دى نوع ايه اسبور يعنى ؟ قالولى لا دى الاصلى!!!
اتصلت بواحد صاحبى خبره اخد رأيه قالى اخرج بسرعه من عندك دول شوية نصابيين
المهم روحت عند بنزينة كالتيكس فى المعادى رصصلى الاربع كاوتشات ب 20 جنيه واتحلت المشكلة زى الفل وحسبى الله ونعم الوكيل.
انا عربيتى فيرنا اوتو 2011 وعمرى ما هوبت ناحيه التوكيل علشان عارف انهم طقم نصابين ولاد تيت