للاهميه وبسرعه

**abdouafifi** · 05-07-2011 02:26 PM

انا االريس بتاعى 919 م 99 المشكله الا بواجهه حاليا السخونه من بعد ما ركبت البوجهات الاصلى بتاعتها المعلم الا بيركب فصل سلك المروحه التبريد رحت لكهريائى عندى شغلها عمومى بمفتاح المكنه برده بتسخن وعندها مشكله بعد ما عمل المفتاح الغبى داه بدات تاكل من البطاريه مش عارف اعمل ايه انا بجد زهقت

**Alandalusi** · 05-07-2011 02:34 PM

روح لاحمد فهمي في العجوزة..

**yascro** · 05-07-2011 03:00 PM

المشاركة الأصلية كتبت بواسطة alandalusi

روح لاحمد فهمي في العجوزة..

+1
وقله جايلك من طرف دياب

**sanseemoon** · 05-07-2011 03:05 PM

انا المشكلة دى وقعت فيها برده بالظبط وكانت المكنة اول مادورها كانت زى الفرن ما تطيق تركبها المهم بقى انا لما سيبت المكنة علشان يغير ليها البوجيهات الميكانيكى المحترم ماكنش عنده لقمة طويلة علشان يفك بيها البوجيه فقام فاكك الردياتير وطبعا لما فكه نزل الميه الى فيه وبعدين غير البوجيه وركب زى ماهو والغلط الكبير هنا انه زود ميه من القربة .. اكتر الناس فاكرة ان لما الميه تنقص تزود من القربة وده اغلط كبير المهم انا ركبت وكنا فى عز الشتاء ولاقيت نار مقبلانى والحرارة على الاخر ومافيش مروحة بتشتغل كنا متاخر استنيت للصبح وقالى ده الطبة بتاعت الحرارة بتاعت الردياتير عايزة تتغير غيرتها ب40 جنية غير التركيب واخد 30 جنية كمان اجره ايده بردو المشكلة موجودة بس المروحة اشتغلت فضلت ماشى كده اسبوع لحد ماخلاص هتجنن فقولت فى بالى طب ماتشوف المية فى الريدياتير بصيت لاقيت مافيش ولا نقطة مية قولت يانهار اسود جريت جيبت زجاجة مية خضراء وحطيتها كله الا حاجة بسيطه وركبت الطبة الاصلية بتاعتها وكله رجع زى الاول بقيت زى الفل ........ شوف كده ويمكن يكون العيب هو ده الله اعلم اغلب الناس الايام دى معتش عندها ضمير

**tamertamer** · 05-07-2011 03:33 PM

المشاركة الأصلية كتبت بواسطة abdouafifi

انا االريس بتاعى 919 م 99 المشكله الا بواجهه حاليا السخونه من بعد ما ركبت البوجهات الاصلى بتاعتها المعلم الا بيركب فصل سلك المروحه التبريد رحت لكهريائى عندى شغلها عمومى بمفتاح المكنه برده بتسخن وعندها مشكله بعد ما عمل المفتاح الغبى داه بدات تاكل من البطاريه مش عارف اعمل ايه انا بجد زهقت

هى 919 بتسخن فى الزحمة دة طبيعى بس طبعا مش بالطريقة دية
بص اكيد هو فصل يا الترموستات بتاعت الحرارة ودة بيكون فى الطرف السفلى للردتير لونة ذهبى بيكون فية طرفين ممكن يكون فى طرف منة مخلوع او طرف الارضى الباشا مركبوش وحصلت معاية قبل كدة بس عشان انا حافظ الموتسكل ركبتة انا بيكون ماسك فى الجمجمة سلك رفيع تمشى وراة من طرف الترموستات شوفة راكب ولا لا او طرف المروحة شوف المشكلة فين الاول او روح لكهربائى بيفهم بلاش العك فى المكنة دية بذات عشان قطع الغيار هتزعلك يا زعيم على العموم انت ممكن تبص على المية بتاعت الردتير بتفك الجزء بتاع الفيبر اليمين قالى فوق ماسك فى الجمجمة الطرف الاسود قالى بيكون ماسك بمسمار النكية تحتة رقبة الردتير شوف الدنيا عندك مشية اذاى

**abdouafifi** · 05-07-2011 04:54 PM

كله تمام المياه موجوده جوة الريتاتير والقربه بتوقع مياه بس خفيف الحل ايه انا خلاص ها تجنن والله والمروح مشغله زى مقلت ليكم مش عارف والله انا زهقت

**sanseemoon** · 05-07-2011 04:56 PM

شيك على الزيت وعلى ترموستتات الحرارة

**yascro** · 05-07-2011 05:20 PM

الحل ميكانيكى كويس يعمل كل اللى الناس قالولك عليه

**abdouafifi** · 06-07-2011 04:58 PM

بيقولوا ان فى واحد كويس جدا فى دير الملاك اسمه جمال عنتر ايه اخبارة وكنت عايزرقمه لو مع حد فيكم

**tamertamer** · 06-07-2011 06:43 PM

المشاركة الأصلية كتبت بواسطة abdouafifi

بيقولوا ان فى واحد كويس جدا فى دير الملاك اسمه جمال عنتر ايه اخبارة وكنت عايزرقمه لو مع حد فيكم

ايوة معروف كويس بسمع عنة كلام كويس مرة رحتلة عشان البطرية كانت ضعيفة شوية بس مرحتلوش فى حاجة كبيرة للاسف معيش نمرتة بس مكانة وانت رايح على غمرة قبل غمرة بشوية عند مستشفى الدمرداش وهو فى دهر الكتدرائية بتاعت المسحين