ممكن اعرف سعرها كام
عرض للطباعة
ممكن اعرف سعرها كام
اعتقد ان هناك شكل احدث ها ينزل شكله احلى كثير من الحالى
الف مبروك على العربية بس جمع كل الملاحظات اللى حتلاقيها علشان صيان ةالالف مهمة جدا
بارك الله فيكم جميعا
أنا الحمد لله استلمت السيارة ورخصتها
تكلفة الترخيص
845 ضريبة 3 سنوات (متضمنة 60 جنيه ضريبة رفاهية لكون السيارة السابقة ما زالت باسمى وبعتها بتوكيل)
126 طفاية حريق
31 ملف الترخيص
320 تأمين اجبارى 3 سنوات
الجملة 1322 جنيه
وبعد ما استلمت السيارة فى نفس اليوم (طلعت من أبو الفتوح لهناك) رحت لجينز كار وركبت فرش للكراسى وللأرضية اتكلف 1500 جنيه بعد الخصم (كنت حجزت معاه قبل الاستلام بحوالى 3 أيام)
العربية حلوة وعالية سحبها جميل واسعة جدا من جوه ، موضوع الكراسى الخلفية انها بتتحرك لورا وقدام ده رائع جدا ومخلى الصالون واسع بجانب أن الشنطة كبيرة ورائعة - كرسى السائق بيعلى مخلينى قاعد فوق (رائع) أبعادها سهلة - جربت التكييف وانا باستلمها هو ان شاء الله هيبقى كويس - بس ما شغلتوش تانى منتظر بعد صيانة 1000
انا حريص فى الفترة الأولى انى ما اعليش لفات الموتور فوق 3000 لفة /دقيقة ولا حظت إنها بتجيب سرعة 100كم على عدد لفات حوالى 2500 لفة (حاجة جميلة ومريحة)
ملاحظاتى كالتالى :
1- الأبواب محتاجة تترزع (أنا عارف انها ببتظبط فى صيانة 1000)
2- الفتيس فى الغيار التانى بحس وأنا ماسك عصاية الفتيس انه زى ما يكون فيه خبطة خفيفة
3- كنت اعتقد ان ما فيش فيها انذار فرحت لوكيل الكاسيت (كلاريون فى المهندسين) كنت باسأل عن شاشات lcd فسألته عن الانذار قالى ان التيجو من غير انذار وهما بيركبوا جيمنى ايطالى بـ 600 جنيه بالتركيب وبيتبرمج على نفس ريموت السيارة وان تركيبهم لا يخرج السيارة من الضمان فكلمت الخط الساخن لاسبيرانزا قالى ان اى عربية من انتاجهم بيكون فيها انذار - وان شركة كلاريون مسئولة عن ضمان الكاسيت فقط ولو عملوا اى شغل تانى السيارة بتخرج من الضمان عموما انا مش عارف هو بيشتغل ازاى ومستنى صيانة 1000
4- نور الشبورة الخلفى الأيسر بس اللى بينور اليمين ما بينورش - مش عارف اليمين ده نور شبورة ولا مجرد عاكس فقط
5- النور الأمامى عالى جدا سواء الواطى أو العالى وفيه مفتاح المفروض انه بيظبط مستوى النور ولكنه ما بيغيرش حاجة - مستنى صيانة 1000
رأى المبدئى أنا الحمد لله رب العالمين مبسوط من السيارة وهى موفية لاحتياجاتى (مش محتاج أكتر من كده)
الف الف مبرووووك يااستاذ احمد ومستنين تقريرك المدعم بالصور عن التيجو ومبروك مره تانيه وربنا يديك خيرها ويكفيك شرها
الف مبروك يامان ربنا يديك خيرها ويكفيك شرها ويفرحك بيها دايما يارب
نور الشبورة اليمين مجرد عاكس فقط
ربنا يبارك فيكم جميعا
بالنسبة لمفتاح تعلية وتوطية النور هو فى مفتاحين واحد لنور التابلوه وواحد للنور الأمامى والاتنين جنب بعض