الحمد لله اخيرا استقريت وحجزت تيجو

**Ahmed73** · 05-07-2011 01:38 PM

علشان ما اطولش عليكم كان معايا عربية ريجاتا فضلت معايا 3 شهور بعتها واشتريت فورد اسكورت 1300 بصراحة (فى رأيى الخاص) عربية ممتازة فضلت معايا 3 سنين ما كحتش (بعتها لأنى كنت داخل على مشروع وربنا كرمنى وما حصلش) بعديها اشتريت ماتريكس 2008 قعدت معايا 3 شهور وما ارتحتش لا ليها ولا فيها وبعتها وأخيرا وبعد عناء أيضا 3 شهور -أنا مش عارف ايه حكاية الرقم 3 ده معايا- فى البحث والتدقيق والمتابعة لجميع موضوعات التيجو اقتنعت بيها ورحت أمس توكيل اسبيرانزا فى شارع الحجاز اتفجرت عليها بدقة - بصراحة عربية جميلة، كنت رايح احجز 2000 سى سى مانيوال 2×4 ما لقيتش وعرفت ان المصنع ما بينتجهاش دلوقتى ومش معروف السبب ولقيت فى عرض خاص على 4×4 بـ 99 ألف كاملة حتى بشاشات العرض الموجودة فى المخادع ، وبصراحة 4×4 ما لهاش فايدة عندى فحجزت 1600 سى سى رمادى (كنت عايز النبيتى بس بصراحة خفت من التراب)
وعموما كنت صليت صلاة استخارة قبل ما اروح ولقيت ربنا مسهلها فإن شاء الله يكون فيها الخير (المعرض بيقفل الساعة 8 - بسبب الزحام وصلت الساعة 9 مساء وبصراحة انا كنت مكلم الناس انى رايح ليهم وفضلوا مستنينى)
ان شاء الله هاستلم فى مدة لا تتجاوز 7 أيام أية نصائح للاستلام
واخيرا اشكر جميع من ساهم فى تكوين رأيى من خلال المناقشات الجميلة التى قرأتها ما بين مؤيد ومعارض لهذه الماركة

**atefadel** · 05-07-2011 05:43 PM

مبروك مقدمأ عاوزين تقرير مفصل
وفية ادق التفاصيللللللللللللل
بس مش في خلال 3 شهور

**esam722** · 05-07-2011 05:55 PM

ان شاء الله ربنا يباركلك فيها ويكفيك شرها ويديلك خيرها

اهم حاجة انك فكرت وقررت يعنى متخليش حاجه او كلام ينقص من فرحتك بالعربية

العربية ممتازة وده عن تجربة مش سمع وخلاص

الف مبروك ياباشا

**chicobon** · 06-07-2011 12:35 AM

بلتوفيق ان شاء الله

**Ahmed73** · 06-07-2011 11:24 AM

المشاركة الأصلية كتبت بواسطة atefadel

مبروك مقدمأ عاوزين تقرير مفصل
وفية ادق التفاصيللللللللللللل
بس مش في خلال 3 شهور

الله يبارك فيك ويكرمك ان شاء الله فى خلال 3 أيام بعد الاستلام وربنا يسهل (ملحوظة : موضوع رقم 3 ده حقيقى فعلا ويكاد يكون بالظبط)

المشاركة الأصلية كتبت بواسطة esam722

ان شاء الله ربنا يباركلك فيها ويكفيك شرها ويديلك خيرها

اهم حاجة انك فكرت وقررت يعنى متخليش حاجه او كلام ينقص من فرحتك بالعربية

العربية ممتازة وده عن تجربة مش سمع وخلاص

الف مبروك ياباشا

زى ما ذكرت ان اخترتها بعد تفكير طويل وعن اقتناع كامل - لما اشتريت الفورد كان كل الناس معارضينى ومع ذلك اشتريتها ، ولما بعتها باركولى بالخلاص منها ، ، كأنها كانت عماله مشكلة وانا تعبان منها ، والحقيقة انى افتقدت الفورد ، ولكن كنت عايز اجيب زيرو أو كسر زيرو وان شاء الله التيجو ستقضى على كلام المشككين فيها (أدعو الله بذلك) وبارك الله فيك

المشاركة الأصلية كتبت بواسطة chicobon

بلتوفيق ان شاء الله

شكرا جزيلا

**egypt0777** · 06-07-2011 03:59 PM

متابع

**hugan** · 06-07-2011 04:13 PM

مبروك مقدما

**ashraf_omaraeg** · 13-07-2011 11:50 PM

ألف مبروك ياأستاذ /أحمد
ربنا يأتيك خيرها ويكفيك شرها......وأنا إن شــاء الله نويت عليها ....فأدعيلي

**sv065** · 14-07-2011 12:35 AM

مبارك إن شاء الله عليك السيارة الجديدة

وتأكد... ما ندم من إستخار

-

الموضوع: الحمد لله اخيرا استقريت وحجزت تيجو

LinkBack

أدوات الموضوع

عرض

الحمد لله اخيرا استقريت وحجزت تيجو - انشر الموضوع فى :

-

-

-

-

المواضيع المتشابهه

الحمد لله جبت اخيرا فيات 127

اخدت القرار وحجزت البيرسونا 2010 اخيرا

اخيرا استقريت واستلمت البرسونا الحمد لله

الحمد لله حجزت تيجو 1600 بالأمس

الحمد لله استقريت اخيرا وانضميت لمالكي السيريون

الكلمات الدلالية لهذا الموضوع

المفضلات

المفضلات

ضوابط المشاركة