صوت غريب في موتور النوبيرا ارجو المشوره..

**sammor_28** · 03-05-2008 02:23 AM

ازيكم ياشباب في صوت ظهر في العربيه غريب بقاله 4 ايام هو صوت تكتكه طاعه من جوه الموتور وصوته بيزيد وسرعته لما بزود بنزين ياترى حد عنده فكره ايه الصوت ده ؟ وفي واحد قالي انها تاكيهات او كستبنات ياريت لو كلامه صح حد يوضحلى المعنى والتكلفه وشكرا جزيلا

**dr_3eshoo** · 03-05-2008 03:49 AM

صوت تروح لميكانيكي متتخص يكشفلك عليه
هو من كلامك دي ممكن تكون تاكيهات ممكن الزيت عاوز يتغير او نسبته قليله لو مرحش تبقى عاوزة تتظبط او تتغير و متخفي حاجه بسيطه

**BomBom** · 03-05-2008 01:01 PM

انا عندي نفس المشكلة في اللانوس ، فالاول ناس قالتلي انها التيكيهات بس لما رحت للميكانيكي قالي ان تكيهات اللانوس غير قابلة للظبط و اني المفروض اغير الكستبنات ، مش عارف كده صح و لا ايه؟

**sammor_28** · 03-05-2008 02:54 PM

المهم انها تكون حاجه بسيطه وانا هغير الزيت وربنا يسهل والصوت يروح لأن انا مش فاضي لني داخل على امتحانات وياريت ياشباب لو حد يشرح موضوع الكستبنات ده يعني وظيفته وتكلفته وهل غلط لو الواحد مشي عليه ولا لأ ؟

**MMamdouh** · 03-05-2008 10:00 PM

الكستبان هو قطعة ميكانيكية بتبقى بين الصباب و عامود الكامة و هو عبارة عن قطعطين معدنيتين داخل بعض و ضغط زيت الموتور هو الىى بيخللى القطعتين بعيد عن بعض و اول ما يبداء عامود الكامة يدوس على احد اطراف الكستبان بيبداء الطرف دة يتحرك و يقفل مجرى التغذية بالزيت و باقى الزيت اللى جوة الكستبان بيدعع النص التانى و يتحرك الكستبان كانة قطعة واحدة و يزق الصباب

دة السبب ان العربية اللى فيها كستبانات متحتجش ضبط لان الكستبان دايما بيملا الفراخ اللى بين الكامة و الصباب ايا كان حجمها و هو بيعدل نفسة عشان يملا اى فراغ حصل نتيجة التاكل و كمان نظام الكستبانات صوتة اوطى من النظام العادى لان مفيش خلوص او بوش بين الاجراء المتحركة اللى بتلمس بعض و بالتالى فيش صوت دق من النظام و هو شغال

http://en.wikipedia.org/wiki/Hydraulic_lifters

لو الكستبانات صوتها عالى ابقى استعمل engine oil flush مع التغيير اللى جاى للزيت لازالة اى رواسب او اوساخ متكونة داخل الكستبانات... لو الموضوع متحلش و محتاج تغير كستبانات... اخر مرة سالت كان الكستبان ب 85 جنية تقريبا

MMamdouh