الموضوع: حــدث فـي عــبــاس الــعــقــاد !!!!!!! ( مــفــاجــأة )

المشاركة الأصلية كتبت بواسطة waelemam2008

انا بقى مروح اول امبارح فى طريقى للتجمع الخامس وفجأه الاقى تريلا طالعه عكسى من نزله القطاميه اللى فى اتجاه المعادى وماشى عكسى لحد دخله قصاد توكيل مرسيدس معرفش بيهببوا ايه فى المكان ده تريلات كتييره داخله ... بس البيه ده واخدها عكسى لأ وكمان كان بيجرى مش اقل من 100 !!!!!!!! انا بصراحه كنت مذهول من اللى بيعمله والكلام ده كان الساعه 2 باليل ...

ربنا ينتقم من كل سواق مستهتر :(

لا بص الحتة اللي هي حوالين التجمع الخامس كلها اتعودت ع النقل اللي جاي عكس وبيجري و ساعات بيعملوا سلسلة نقل ورا بعضه فمتقلقش ده العاد هههه

المشاركة الأصلية كتبت بواسطة dolly13

هى وصلت لكدة .... يعنى الواحد يتوقع اى حاجة تحصل فى اى حتة عادى بقى مفيش مشاكل ... ربنا يسترها على الجميع

اي حاجة مش بعيد نلاقي قطر ماشي في الجزيرة الي في وسط الشوارع او طيارة بتعمل هبوط و اقلاع في الميرغني ههههه

المشاركة الأصلية كتبت بواسطة rahmanboud

الشعب ده للأسف إتعود أنه يتحكم بالحديد والنار

يا رب يجيى اليوم اللى تحكمنا فيه أخلاقنا ودينا ومبادئنا

للأسف هو مينفعش معاه غير كده و يا رب يجي اليوم ده بس برده اقولك احنا محتاجيين اجيال اجيال اجيال عشان نقدر نقول هنغير 50-60 في المية من الناس

المشاركة الأصلية كتبت بواسطة horas3000

يا نهار فوضي و قله قدب
انا لو معايا سلاح هنزل افرغه فيه و امشي

بس هتفرغ في مين و لا مين هههههه أصلهم كتيير السواق و اللي قاعدين جنبه و اللي ع الحمولة ورا

المشاركة الأصلية كتبت بواسطة moh19227

ناس بتستهبل فعلا بس هتعمل ايه

اه و الله ال مقطورة بعباس العقاد ال ده انا حسيت ان قطر جاي في وشي بالسرعة اللي كان ماشي بيها

المشاركة الأصلية كتبت بواسطة syd

ياباشا دة علي الكباري والدائري والشوارع الرئيسية وكل حتة في مصر بينفع يتمشي فيها عدل السواقين (المهني درجة اولي وتانية وتالتة) بيمشوا عكسي

والله والله والله بشوف بوكس الشرطة والعربيات الأوكتافيا الأستيشن بتمشي عكسي

والله المستعان
،
،

طب يا باشا هنقول لو الشرطة ف وراها حاجة مصيبة و مفيش حل غير انها تمشي عكس ماشي ليهم عذرهم
انما التانين ايه عذرهم غير انهم واخدينها تنطيط ع الناس و خلاص و كل واحد فيهم عامل فيها بلطجي

المشاركة الأصلية كتبت بواسطة moustafa_saad

حسبى الله ونعم الوكيل

ربنا يرحمنا منهم

المشاركة الأصلية كتبت بواسطة mailo

أنا عايز أفهم ليه بقى الناس موقفتش قدامه وراجعته من الداهية اللي جاي منها ؟

بص يا ريس ده كان ردي ع عضو برده قال نفس كلامك
-
-
يا ريس معلش ممكن تبعتلنا شوية شجاعة من عندك اظاهر الثورة اثرت علينا ههههههه
حضرتك جاي في الوقت الحالي اللي فيه انفلات امني و بليل و قدام مقطورة و عايز حد يتحرك و لنفترض اني اتحركت العالم دول مبرشمة اساسا و طول الوقت السلاح في جيبهم و سلاح ليه هيجي يشيلك انت و العربية و بليل محدش هيلحقك
و كمان مين هيقف معاك محدش هيساعدك بل بالعكس الناس هتقولك يا عم خلاص و كبر عشان نمشي كله هيكبر دماغه عشان مصلحته و الدنيا تمشي
و ناس كتيير هتخاف تكلم ليضربوا عايزني بقي اقف قصاد سواق شارب اي حاجة غير اللي في جيبه غير اللي راكبين معاه في الكابينة غير اللي ع الحمولة ورا غير اللي نازل بيسلكله الشارع هههههه ده انا لو سوبر مان هجري
و اساسا ده ممكن يشيلني انا و العربية و كل اللي في الشارع
و كمان قبل كده حضرتك هتقف قصاد مين و لا مين هتقف قدام ملايين ديه ثقافة شعب و زاد الضمير عندهم اوي في المخالفة في ظل الانفلات الامني
عارف لو الموقف يسمح انك تعمل كده هقولك ماشي احنا دايما اي حاجة غلط بنوقف عليها حتي لو حد رمي في الشارع علبة انما الظروف الحالية انسي
و اساسا انا لسه مش مصدق ان ده حصل هههههههههههه

المشاركة الأصلية كتبت بواسطة alaasaid

للاسف دة كان المفروض يتجاب من قفاه و يتحبس , المفروض عكس الاتجاة تكون حبس فورا بدون غرامة لانها تعتبر شروع فى قتل , واحد ماشى فى امان الله و يلاقى واحد فى وشة مرة واحدة .

ربنا يصلح حال البلد

المفروض فهيا حيس و غرامة بالالافات عشان يحرم و يا ريتها عربية لأ مقطورة بحالها

المشاركة الأصلية كتبت بواسطة yahyanaabil

مفروض الجيش ينزل عساكر مع صواريخ r.p.g التريله اللى تيجى مخالف يتم قصفها وشكرا

ههههه فكرة برده
شكلك مش عايز تولع البلد شكلك عايز تفجر البلد ههههه

المشاركة الأصلية كتبت بواسطة ahmed2y

والله فعلا لو احنا شعب واعى بجد كانت كل الناس نزلت واجبرت الراجل دة انة يرجع غصب عنة ووقفو الطريق رايح جاى وعملوها حكاية


ولا محتاجة جيش ولا شرطة ولا دستور

محتاجة ضمير واصرار على احترام القانون

فعلا
و حتي الناس هتقولك يا عم عدي و خلص خلينا نمشي

بس سؤال هتنزل لوحدك قصاد 6-7 مينفعش تنزل انت لوحدك و حتي لو نزلت و متخانقتش و لا حصل حاجة الناس نفسها هم اللي هيجبروك انك تمشي

شعب عايز فلترة من الشوائب اللي في عقله ههههههههه