حــدث فـي عــبــاس الــعــقــاد !!!!!!! ( مــفــاجــأة )
بسم الله الرحمن الرحيم
السلام عليكم و رحمة الله وبركاته
حدث في شارع عباس العقاد
هو ايه اللي حدث يا عم انت
الكلام ده من يومين كنت واقف بالعربية عند محل خالد ملوك اللي هو قبل شارع جنينة مول بليل
و لتتخيلوا فجأة ايه اللي لقيته
مقطورة كبييرة جدااااا جاية عكس في شارع عباس العقاد
نعم !!!!! انت بتهرج
لا مبهرجش و كنت اتمني لو كنت اقدر اصور المشهد المفزع اللي خلي الناس كلها اتخضت و كله ضرب فرامل فجأة و كانت الناس في ذهول رهيب عشان سعادة سواق المقطورة يدخل شارع جنينة مول
و ده رسم كروكي ع ادي يوضحلكم المشهد اكتر
الشارع في اتحاه مصطفي النحاس
اللون الازرق العربيات اللي ماشية في الاتجاه الصح
الاحمر المقطورة اللي جاية عكس اتجاه شارع عباس العقاد
http://www.tarooti.net/upfiles/gNc64886.jpg
ثم
http://www.tarooti.net/upfiles/heL64886.jpg
و طبعا الطريق وقف لحد ما سعادة السواق يعرف يعدل العربية و يدخل
ايه يا جماعة هو انا كنت بحلم و لا بيتهائلي و لا تكونش ديه احلام اليقظة اللي بيقولوا عليها
للدرجة ديه الاستهتار و الاستهانة يعني مينفعش نحترم ابسط القوانين لازم الكورباج حد عمره شاف ده حصل قبل كده ان مقطورة تيجي عكس في عباس العقاد
ده الواحد قرفان منهم ع الدائري حتي كمان في وسط الشوارع ورانا ورانا
يا رب ارحمنا