بيقولك فابريقة جوه و بره !!!

**BlackEagle1985** · 05-07-2011 03:21 PM

المشاركة الأصلية كتبت بواسطة sayed911

ده حله تقوله يا اخي انتا قابلها على نفسك ؟ وعلى عيالك ؟ وعلى ضميرك ده لو عندك ضمير :d :d
مهو المشكلة انا بخاف انيل بقى أنه مثلا حضرتك طلع معاك صنايعي فرود بصراحة !! لكن انتا ممكن تقع في صنايعي تاخده معاك كفتة خالص يضيعيك وهوة مش فاهم حاجة !!

ما هو برده يا باشا لازم تسأل علي الراجل اللي هايطلع معاك قبل ما تاخده و الافضل يكون معرفة من زمان او فيه بينك و بينه قرابه او انه يكون معرفة حد قريب منك برده علشان فيه كتير منهم ممكن يبيعك و انت واقف برده و يبقي خد منك فلوس و من اللي بيبعلك

**BlackEagle1985** · 05-07-2011 03:24 PM

المشاركة الأصلية كتبت بواسطة hosammoner

وهيحصل ايه يعنى لو قال اللى فيها وحطلها سعر يتناسب مع حالتها اقولك انا بقى الناس دى بتعمل كدا ليه الجماعة دول بيستنوا واحد مبيفهمش حاجة فالعربيات واللى بيكون واخده معاه كمان مش بيفهم ويروح ملبسه العربيه اقسم بالله حاجة زى كدا حصلت قدام عنيا فى سوق السيارات من كام سنة كدا تاجر واقف بعربيه دوجان او شاهين مش فاكر اوى المهم اللى بيسالوا ع السعر يقوله 38000 دا من بقه كمان يعنى لسه هتنزل المهم اللى يسال يمشى لغاية ماجه واحد ومراته شكلهم ميفهموش فى العربيات ومرات الراجل قالته هيا دى اللى انا عايزاها طبعا التاجر خد باله راح قايله عايز 45000 الراجل قاله لا كتير اوى التاجر قاله طب اركب بس وتعالى نتفق بره السوق والباقى طبعا احنا عارفينه ودا بياكد كلامك ان اللى يشترى ياخد معاه حد فعلا يكون بيفهم كويس جدا

كلام حضرتك مضبوط 100% بس هو طبعا عامل حسابه انه يدفعني فاتورة رشه للعربية و يبقي كسبان فيها كمان

**hossam_elwani** · 05-07-2011 03:38 PM

احلى شغل .... والى يعيش ياما يشوف ..........

**Eng.Sameh** · 05-07-2011 04:27 PM

مش عارف والله الناس بتقول كدا ازاي .. ماهو المفروض ان اللي هيشوف هيعرف سواء هيكشف وكيل او جايب معاه حد متخصص ... لازمنه ايه يضيع واقته ووقت الناس ... ولا المفترض لن الناس مغفلة ، حاجة غريبة فعلا

**eng:ahmed** · 05-07-2011 04:38 PM

فكرتني بإعلان شقة (دور متكرر بحري)
اول ماروحت علشان اعاين لقيتها دور خامس و اخير اما البحري مش قادر اوصفلك صاحبها كان رفيع جدا بالنسبة ليا و اسأله هي دي بحري يقولي ايوه انت مش حاسس بالهوا و هو عمال يمسح العرق بمنديلين.
من الاخر ما تاخدش باعلانات النت و عاين مرة و اتنين.

**AshTurbo** · 05-07-2011 07:15 PM

نفسي نعمل موضوع كمان عن العربيات المستعملة بحالة الزيرو تبقى العربية ماشية 130 ألف كيلو وماشاء الله مفيهاش خدش و بحالة الزيرو ياباشا يعني العربية أتفحتت مشي وشمس وصدا وتراب ومطبات وحفر ولسه بحالة الزيرو يامؤمن !!

نفسي نغير من مفاهيمنا يعني لما تبقى عربياتنا في مصر اللي مافيش شارع الا وفيه حفرة أو مطب بعد 100 ألف كيلو نقول عليها بحالة الزيرو يبقى المستعمل بتاع برة نقول عليه أيه لسه ما أتباعش ؟ ولا ننزله نعرضه في معارض السيارات الجديدة .

**Mohamed.Ramah** · 05-07-2011 07:39 PM

قدر الله ماشاء فعل وفعلا اغلب السيارات الموجودة راشة لاكن الادهى من دة الاسعار المعروض بيها العربيات هى فعلا اللى تضحك

كل واحد شاف حد كاتب على نفس موديل عربيتة سعر يروح كاتب زية بدون ما يفهم ان

سعرها اقل من كدة او حتى حالة عربية ممكن تكون مختلفة فى السوق عموما ههههههههه ربنا يهدى الجميع

لان الاصرار على حاجة غلط دة اللى فعلا يدايق خاصة انة بيفضل يصر ويرجع يبيعها باقل من الثمن المعروض

المفروض يتعمل فى التوكيلات زى التوكيلات المحترمة يتعمل price list ويتم على اساسها

تصنيف السيارة لفئتين على حسب الحالة والكيلو متر ودة بكشف التوكيل ليها دة حتسهل بكتير على الشارى والبائع زى توكيل سوبارو ما بيعمل ...

**SYD** · 05-07-2011 08:09 PM

حضرتك الموقف دة اصبح عادي ومتكرر
اعلانات النت دي فشنك وكل واحد فاضي ومشغول بيعرض علي النت علي اساس انه مواكب العصر والتطور والفيس بوك
بس ان جيت للحق انا كنت شاري عربيتي الي فاتت زيرو وبالتقسيط يعني دافع فوق اعلي تمن ليها حوالي 20,000 جنيه
في اول سنة للعربية كنت بقول عربيتي موديل السنة ومكنتش بعمل حاجة غير البنزين والزيت
بعد السنة الأولي بردو حاسس ان عربيتي زيرو
ولغاية لما قسطها خلص انا حاسس انها لسة علي الزيرو ومش واخد بالي ان موديلها قدم 7 سنين وان فيها خبطة هنا وخبطة هنا ومتسمكرة من هنا وراشة هنا وهنا
ولما كنت ببيع كنت بطلب تقريبا اعلي سعر ممكن يتطلب فيها وفي موديلين فوقيها كمان
بس للأمانة كنت بقول انها فبريكة وراشة بعض الأجزاء وفعلا كانت راشة كبوت ورفرفين ودة عشان التراخيص والفحص ليس اكثر ، يعني مش حادثة ومغيرة ربع لاقدر الله

وللأسف لما بيعتها نزلت عن التمن الي كنت طالبه حوالي 6000 جنيه وخسران فيها 40,000

الحمد لله
بس بجد احسن حاجة عملتها انك خدت واحد معاك بيفهم بس هل في كل مرة هيبقي فاضيلك ولا هيزرجن في مرة وتيجي الطوبة في المعطوبة
ربنا يوفقك ويوقفلك ولاد الحلال

والله المستعان
،
،