بيقولك فابريقة جوه و بره !!!

**BlackEagle1985** · 05-07-2011 10:38 PM

المشاركة الأصلية كتبت بواسطة eng:ahmed

فكرتني بإعلان شقة (دور متكرر بحري)
اول ماروحت علشان اعاين لقيتها دور خامس و اخير اما البحري مش قادر اوصفلك صاحبها كان رفيع جدا بالنسبة ليا و اسأله هي دي بحري يقولي ايوه انت مش حاسس بالهوا و هو عمال يمسح العرق بمنديلين.
من الاخر ما تاخدش باعلانات النت و عاين مرة و اتنين.

**BlackEagle1985** · 05-07-2011 10:41 PM

المشاركة الأصلية كتبت بواسطة mshaheen1

والله فكرتنى بموقف وانا ببيع العربية صممت أنى أقول للولد على مكان الخبطتين اللى فى عربيتى ومكان الرش

وقلت له اللى رشهالى حد محترف بجد ....وتعالى نكشف على العربية ونشوف هيعرف اذا كان العربية مرشوشة ولا لأ

المهم رحنا البنزينة اللى فى أول عباس وكشف عليها بالجهاز صغير كده وقال لنا العربية فابريكة ومش مرشوشة خالص ...هههههههههه

ضحكت وبصيت للولد اللى هيشترى العربية ...خلينا الراجل يعيد كشف على الصاج لغاية لما عرف مكان الرش

فخلوا بالكم برض من البنزينات وخدوا معاكم خبير عربيات

و الله انت راجل محترم و ربنا يباركلك في رزقك و البيعة كلها حتي لو خسرت في بيعك لعربيتك مبلغ كبير بس كونك تتعامل بامانة دي حاجة ربنا هايجزيك عليها خير

**Bassem Taha** · 05-07-2011 10:43 PM

انا عااااااااااااااااارف ومتأكد أن انا لو بعت سواء عربية أو موبايل أو اي حاجه تانية وكان فيها عيب أو مشكلة ومقلتش للمشتري
أكيييييييييييييييد ربنا مش هيباركلي في فلوسي لأنها جت بالغش
انا مش عارف ليه فيه ناس كتيييييييييير جداً ( انا حاسس انهم مش كتير ان حاسس انهم بقوا الأكتر ) للأسف
معادوش بيخافوا ربنا
ربني يهدي

**BlackEagle1985** · 05-07-2011 10:43 PM

المشاركة الأصلية كتبت بواسطة mohamed.ramah

قدر الله ماشاء فعل وفعلا اغلب السيارات الموجودة راشة لاكن الادهى من دة الاسعار المعروض بيها العربيات هى فعلا اللى تضحك

كل واحد شاف حد كاتب على نفس موديل عربيتة سعر يروح كاتب زية بدون ما يفهم ان

سعرها اقل من كدة او حتى حالة عربية ممكن تكون مختلفة فى السوق عموما ههههههههه ربنا يهدى الجميع

لان الاصرار على حاجة غلط دة اللى فعلا يدايق خاصة انة بيفضل يصر ويرجع يبيعها باقل من الثمن المعروض

المفروض يتعمل فى التوكيلات زى التوكيلات المحترمة يتعمل price list ويتم على اساسها

تصنيف السيارة لفئتين على حسب الحالة والكيلو متر ودة بكشف التوكيل ليها دة حتسهل بكتير على الشارى والبائع زى توكيل سوبارو ما بيعمل ...

فكرة كويسة طبعا بس تفتكر ينفع تطبق في مصر
الموضوع ده لو اتعمم و بقه عرف سائد هايمشي بالفلوس زي ما اغلب المصالح الحكومية ماشية بالفلوس و كله هايحاول يظبط نفسه مع الفني او المهندس اللي بيعمل الفحص لعربيته و في الاخر كله هيقولك سبوبة يا بيه

**ahmad alshaaer** · 06-07-2011 02:18 AM

لايؤمن احدكم حتى يجب لأخيه مايحب لنفسه

لو كل واحد عمل بالحديث الشريف

هنبقى من افضل الناس ومش هيبقى فيه كدب ولاغش

ربنا يهدينا اجمعين

**mhmdalsaadany** · 06-07-2011 03:25 AM

يا جماعه والله نصيحه وعن تجارب كتير ليا ولقرايبي متجبش عربيه من تاجر حتى لو كان وسيط بس خد العربيه من مالكها الاصلي ويستحسن يكون من خارج السوق كمان كل التجار عايشين على الفهلوه فقط لاغير وحاسين ان محدش غيرهم بيفهم انا مره كنت بشوف عربيه لانسر واعجبت بيها جدا وبصراحه والدي قاعد جوا في المكتب وانا عمال اقلب في العربيه واكتشفت خبطه عند القايم معملومه بمعلمه بجد ومش باينه خالص ولما وريتها لصاحب المعرض والناس اللي شغاله معاه طلعلوا كلهم ماشفوهاش واشتروا العربيه واتخموا فيها هههههههههههه
تخيلوا المعرض لبس في الحيطوكان متنرفز جدا عشان اتضحك عليه وانا مشيت وبعد كام يوم لاقيت العربيه مش موجوده وتقريبا اتباعت لواحد واكيد مقلوش على الخبطه ولبسها لواحد تاني وربنا يسترها معانا ان شاء الله

**lanos_power** · 06-07-2011 03:47 AM

انا هقولك على حاجه انا ليا واحد صاحبى كان عمل حادثه بعربيته و العربيه جابت جنب شمال بالقايم المهم باع العربيه لواحد قام البيه رشها حزام و عامل اعلان انها فبريكه بره و جوه طبعا صاحبى كلمه بهدله و هدده لو مغيرش الاعلان بتعها و بعها بما يرضى الله هيبهدله

**mememsaid** · 06-07-2011 01:38 PM

انت عارف
هو في الاول وفي الاخر ضمير
انا لما جيت ابيع عربيتي كل واحد بحس انه بجد ببيخلص في العربيه كل بقوله علي كل عيوبها اللي ممكن يكتشفها او مش هيكتشفها
عشان لما يركبها يفتكرني بالخير ومايدعيش علي