الموضوع: بيقولك فابريقة جوه و بره !!!

المشاركة الأصلية كتبت بواسطة حماده المصري

ههههههههههههههههه بقولك فبريكه بره وجوه يالهوي على الاشتغالات التجار دول مش كده فعلا انتوا ايه دواهي

يبقى واقف جنب العربيه بالسجاره في السوق العربيه واقفه جنبه باين انها حوادث جدا ويقولك يابيه دي استعمال حريمي اوي عربيه نظيفه اوي اوي وبيتي جدا

عموما وانا ببيع النيو اكسنت قولت للراجل الي فيها راح البنزينه طللعولها فبريكه بالجهاز الي بينور اخضر واحمر ده مالوش لازمه

وانا ببيع الالنترا بعتها لتاجر قولتله فتيسها تعباااااااااااااااااااان ساقها قالي مش مهم قولتله مليش فيه انا ببيع ليك مش لحد تاني

هوه ما احترمش ضميره وباعها من غير ما يقول على الفتيس وقالي روح اعمل توكيل لفلان انا كده مليش ذنب انا خصلت ضميري


في واحد صاحبي لبس نوبيرا لتاجر سيارات على اساس انهاا فبريكه وهي مشيسه وراشه الشاسيه كمان

راح اشتري ميجان وكشف عليها فبريكه مفيش كلام بعدها بشهر راح لميكانيكي ميجان في المعادي طلع اشغل فيها في حادثه راشه كلها بره وتبلوه مرشرش وايرباج ضارب

هههههههههههههه وفي واحد صحبي كان معاه استرا اخدت خبطه في القايم باعها فبريكه راح اشترى كوبيه المفروض انها فبريكه طلعت وخده خبطه في نفس القااايم

حقا كما تدين تدان

السبب في دا كله التجار ربنا ياخدهم

والله العظيم فعلا كما تدين تدان بقولك باع استرامخبوطه في القايم الكوبيه الي جابها طلعت مخبوطه في نفس القايم

وصاحبي اللي باع النوبيرا قعدا انصحه بلاش تقول فبريكه قول الحق واخسرلك الفين ولا تلاته ملهومش لازمه برضو قعد يقنع نفسه ويبرر لنفسه منا صلحت الشاسيه بقد كده وانا يعني كروته انا عملته تمام التمام قولتله براحتك مفهمش كلامي الا لما جاب الميجان

وما احلى انك تبقى مريح ضميرك في داهيه كام الف جنيه ملهومش لازمه ده الحمد لله انهي جت في عريباتهم التانيه فما بالك لو جت فيهم


المشكله هنا ان التجار هما فعلا السبب لانهم حتى لو لبسوا عربيه بيعرفوا يتصرفوا فيها ف مش بتفرق معاه وعشان كده معظمهم مش بيكشف على العربيه الكشف التمام والشعب المصري للاسف في كتير منه دماغه بتسوحه وينزل ويشتري وهو مش فاهم حاجه بمجرد انه سمع كلمتين وكام حلفان بالله العظيم كدب يقوم شاري علطول ويسدق اللي قدامه

عموما انا اهو مخلص ضميري مع الالنترا لما بعتها وبدور على جاب عربيه مستعمله وانا مستريح نفسيا ومش خايف والحمد لله

بصيت كزا بصه وعربيات لقطه وبالصدف البحته اني اكتشف فيها حاجات كان ممكن مشوفهاش بس انا واثق في ربنا وريحت ضميري من الاول ف باذن الله هشتري عربيه حلوه من حد محترم

علي فكره سهل جدا انك تعرف العربية اللي راشة من اللي فابريكة بس عايزاك تكون غتت في الفحص وتكون بتدور علي غلطة مش تاخدك الجلالة وتفرح بمنظر العربية , وتبص في الحتت الحساسة من العربية وتدقق فيها وتبص علي الصالون عشان لو الصالون سليم ومافيهوش خرابيش والفرش بحالتة ماتفكش قبل كده يبقي بنسبة 99% الغربية فابريكة ,, لكن ده مايمنعش ان في عربيات فابريكة ومتبهدلة من جوه

طب أنا مش فاهم الناس ليه مابتخضش بعضها وتروح على التوكيل على طول خصوصا إنه بيشتري عربية برده مش رخيصة يعني 60000 أو 70000 برده مبلغ .. لو راح التوكيل هيقولوا على تاريخ العربية على الأقَل والناس هناك شغل محترفين خصوصا في الميجان .. آه صحيح حد عارف الكشف في التوكيل بتاع مقطم كام؟ أنا سمعت إنه مبلغ مش جامد بس ياريت حد يقول على المعلومة دي ضروري افادتا للجميع إن شاء الله

موضوع جيد

انا حصل معايا كده بالضبط