ينفع اركب للالنترا 2007 كاوتش مقاس 195\55 جنط 15
وهو هيوطى العربيه اد ايه ؟
وايه الفرق بينو وبين القاس ده 185\65
ولكم جزيل الشكر
عرض للطباعة
ينفع اركب للالنترا 2007 كاوتش مقاس 195\55 جنط 15
وهو هيوطى العربيه اد ايه ؟
وايه الفرق بينو وبين القاس ده 185\65
ولكم جزيل الشكر
طيب وليه تغير يا باشا - خصوصا ان الفرق بينهم صغير أوي أوي - أنا حسبتك هتقول 245 ولا 275!!
المهم: الكاوتش أعرض ب1 سم فقط
والعربية هتوطى بالظبط 13 ملليمتر.
والعفشة هتصبح أنشف (بنسبة بسيطة) في مقابل ان الثبات والتحكم هيتحسن (برضو بنسبة بسيطة)
بس ايه نوع الكاوتش الجديد؟؟
شكرا جزيلا لك على الرد
الكاوتش ماركه بيريللى تركى
يعنى بلاش من المقاس ده
وممكن تقولى انت حسبتها ازاى؟
اصل بصراحه الكاوتش ده بتاع خالى وشالو من العربيه وركبلها جنوط
وانا لاقيتو حالتو كويسه قلت اركبو عندى بس مش عارف هيركب عندى ولا لأ والعربيه كده هتوطى وهى اصلا من غير حاجه بتحك فى المطبات
انا اسف على التطويل
كنت لسه داخل اقولك هتوطي زيادة وتحك في المطبات اكتر
عشان تحسب فروق الكاوتش حط مقاس الكاوتش الاصلي Vehicle Stock Tire Size والمقاس اللي انت عايزه Compare Tire Sizes في السايت ده:
Tire Size Calculator - tire & wheel plus sizing
هتلاقي بيسحبلك Overall Diameter تقسمه علي 2 عشان تعرف العربية هتعلا قد ايه
وكمان هتلاقي في الاخر فرق قراية سرعة العداد وكمان هينصحك انك متزودش عن 3% فرق عن الكاوتش الاصلي
الف شكر يا باشا
أولا : بيريللي ماركة محترمة.
ثانيا: بالنسبة لطريقة الحساب ، فهي فقط فرق ال aspect ratio من الكاوتش الأول عن الكاوتش التاني(تخانة البروفايل) وفي اللينك اللي في المشاركة السابقة كتبوه باسم sidewall height
يعنى القديم 0.65 * 185 = 120.25 مم
والجديد 0.55 * 195 = 107.25 مم
يعني العربية هتوطى بمقدار = 120.25- 107.25 = 13 مم
بشرط انك مغيرتش الجنوط يا باشا.
ثالثا: أنا حاسس انك مش عايز تغير أصلا - بدليل انك متدايق من العربية واطية وبتحك في المطبات
ولا انت مستخسر كاوتشات خالك ؟؟
عالعموم ده بيعتمد على حالة الكاوتشات اللي عندك في العربية - (يعني لونقشة المداس متاكلة جامد - أو متاكلين من الجوانب أو من النص - أو فيهم عالي وواطي والعربية بتتنطط منك - أو مليانيين خوابير أو مركب داخلى ... - ياباشا انت أدرى !!)
لكن لو كاوتشاتك تمام فملوش لازمة التغيير.
والله أعلم.
شكرا لك على التوضيح