عربية نقل خبطتلى العربية (حسبى الله ونعمة الوكيل ) ..نصائحكم للتصليح.

وانا راجع دلوقتى من حوالى ساعة فى شارع اتجاه رايح جاى

وانا ماشى واخد يمينى عربية نقل جاية من شمالى فبوسعلها

لقيتو فجأة طلع مره واحدة جرى روحت دايس بنزين بسرعة لانى حسيت

انو هيحصل حاجة ويادوب بلمس وسمعت الخبطة اخد الجزء الخلف كله معاه

من اخر البابى الخلفى الى الاكصدام روحت نازل وانا متنرفز وعلى اخرى

ونزلت خبطلو الباب بتاعو بأيدى ونزلتو لقيت الناس كلها حواليا وبتحوشنى

ولقيت ناس تانية رايحة تتخانق معاه الواضح بقا انو شغال على العربية مش بتاعتو

المشكلة انى كان معايا والدتى واختى فى العربية فسيبتو واخدت رقم العربية ومشيت

دلوقتى انا عايز اعرف نظام التصليح ايه سمكرة ورش ولا ممكن تتعمل من غير رش

http://file8.9q9q.net/local/thumbnai...52/600x600.jpg

http://file8.9q9q.net/local/thumbnai...23/600x600.jpg

http://file8.9q9q.net/local/thumbnai...64/600x600.jpg

اولا حمد لله على سلامتك هيه فعلا حاجه تضايق بس هتعمل ايه

انا شايف ان الصاج مش داخل لجوه باستثناء جزء صغير فوق الاكصدام وداخل حاجه بسيطه
انا رأى انك تجيب عبوه كوباوند الى ب5 جنيه وتشيل اثار الاحتكاك وخلاص

هي ممكن الالوان اللي علي الرفر دي تروح مع شويه غلبه من قطنه بتنر و بعدين شوية مامع كدعه و حركات كده يعني روح عند واحد بوهيجي حيزبطها عجبتك كده يبقي خلاص و كفي المؤمنين شر القتال معجبتكش يبقي ربنا معاك في حوار السمكر و الرش و الموال ده

اقتباس:

---

المشاركة الأصلية كتبت بواسطة limo

اولا حمد لله على سلامتك هيه فعلا حاجه تضايق بس هتعمل ايه

انا شايف ان الصاج مش داخل لجوه باستثناء جزء صغير فوق الاكصدام وداخل حاجه بسيطه
انا رأى انك تجيب عبوه كوباوند الى ب5 جنيه وتشيل اثار الاحتكاك وخلاص

---

الله يسلمك يا LIMO

هجرب الكوباوند واشوف

المشكلة بس فى الاكصدام علشان فبر

فعمل زجزاج مكان الخبطة

قدر الله و ما شاء فعل يا وليد ما تزعلش.
انا مش عارف اقولك تعمل ايه بصراحه
لان الصور مش ظاهره عندي:).
بس من كلام الاخوه انها حاجه بسيطه

اقتباس:

---

المشاركة الأصلية كتبت بواسطة limo

اولا حمد لله على سلامتك هيه فعلا حاجه تضايق بس هتعمل ايه

انا شايف ان الصاج مش داخل لجوه باستثناء جزء صغير فوق الاكصدام وداخل حاجه بسيطه
انا رأى انك تجيب عبوه كوباوند الى ب5 جنيه وتشيل اثار الاحتكاك وخلاص

---

1000000+

متعملش اى حاجة غير كدة... لا تسمكر ولا ترش ولا تعمل حاجة فى الاكصدام... هى دى طبيعة العربيات فى مصر

MMamdouh

إلف سلامة عليك - ودية بسيطة - الحمد لله

حمدالله على السلامة
ماتزعلش نفسك بسيطة إن شاء الله
ولا تسمكر ولا ترش ولا حاجة
انت تروح لسمكرى الاول يردلك الخط دة
على البارد
بعدين تروح لحد كويس بتاع دوكو
هايظبطها يتنر و بالكومباوند
بعدين يلمعهالك

قدر الله وما شاء فعل

الف حمد لله علي سلامتك انت و الاسرة الكريمة و الحمد لله انها جت علي قد كده
احسن حاجة انك تروح لسمكري ثقة و كفء و تاخد رأيه في الموضوع و لو متعرفوش ممكن تقوله ان دي استشارة مدفوعة الاجر عشان يكون امين في كلامه و تقوله انك عايز الشغل كله علي البارد

و ربنا معاك

محمد فهمي

حمد لله على سلامتك

قدر الله و ما شاء فعل
الحمد لله بسيطة

بسم الله الرحمن الرحيم
قدر الله و ما شاء فعل يا وليد , قضاء أخف من قضاء , حمد الله على سلامتكم جميعا. ان شاء الله التجاريح ديه تروح بالكومباوند و ماتفتحش على نفسك فتحة.

الله يسلمكم جميعا

انا استخدمت الكمبوند والبوليش للتلميع

وكانت النتيجة هايلة جداا

http://file8.9q9q.net/local/thumbnai...15/600x600.jpg

http://file8.9q9q.net/local/thumbnai...92/600x600.jpg

بس الخطين اللى داخلين لجوه زى ماهما طبعا

إن شاء الله هروح اردهم عالبارد

قدر الله و ما شاء فعل
الحمد لله انها جت بسيطة يا وليد .. والف حمد الله على سلامتكم جميعا .. ومبروك انك عرفت ماشاء الله لاقوة الابالله تلمعها فعلا الحمد لله النتيجة كانت هايلة :eek:

من رأيي تطلع صدقة شكر لربنا على نعمته .. وربنا يسلم ويسترها علينا جميعا :)

حمد الله على سلامتك يا وليد

very nice work

انا شايف انك تسيب العربية على كدة... خلليها تاخد العين خصوصا ان الرد على البارد بيسيب اثار برضة... يمكن الاثر ميبنش عندك لان عربيتك فاتحة لكن فى عربية سودة مثلا الرد على البارد ممكن يخلى الشكل اوحش مما هو عليه

عموما سلامتك الف سلامة و الحمد لله انها حت فى حاجة بسيطة

MMamdouh